12 жылдық білім беру жағдайындағы әдістемелік қызмет моделі
Қ.Р. Үкіметінің 2006 жылғы 19 шілдедегі №681 қаулысымен бекітілген 12 жылдық жалпы орта білім беруге көшу жөніндегі іс-шаралар жоспарының оқу-әдістемелік қамтамасыз ету тақырыбындағы бөлімінде 12 жылдық мектептегі оқытудың педагогикалық технологиялары бойынша “Мұғалім портфелі” материалдар пакетін әзірлеу және бекіту, 12 жылдық оқыту жағдайында білім беру ұйымдарында әдістемелік қызметтің моделін әзірлеу міндеттелген.
12 жылдық оқыту жағдайындағы әдістемелік қызметтің моделін жасау үшін:
ХХІ ғасырдағы әлемдік білім беру жүйесі дамуының негізгі басымдықтарын жете зерттеуіміз қажет. Ол басымдықтар:
жаратылыстану-математикалық, техникалық пәндерді, шет тілдерді оқыту сапасын жақсарту;
білімде ақпараттық - коммуникациялық технологияларды тиімді қолдану, жаңа технологияларды жасау және тарату, инновацияларды өрістету және ынталандыру;
біліктілікті үздіксіз арттыру және адамның бүкіл өмірінде білім алу мүмкіндігін қамтамасыз ететін инновациялық қоғам қалыптастыру;
мұғалімдер мен оқытушылардың білімі мен біліктілігін жетілдіру;
өмір бойы оқу жүйесін дамыту;
қоғамдық ресурстарды, сондай-ақ білімдегі инвестицияларды біріктіретін секторлық қатынастарды тиімді қолдану.
Бұл басымдықтарды жүзеге асыру үшін мектептік білім мына бағыттарда жаңартылмақ:
Өз бетінше білім алуға, оны практикада қолдана білу қажеттілігін тәрбиелеуге бағытталған басты құзырлықты қалыптастыруға ықпал ететін білім мазмұнын қамтамасыз ету;
Білім мзмұнын оқушыларды өз бетінше зерттеу мен жоба жасауға мақсатты әрі жүйелі түрде бағыттау;
ЖОО-ң және мектептік білімнің сабақтастығын қамтамасыз ету, жоғары сыныптардағы бейіндік пәндер бағдарламаларын жасауда несиелік технология элементтерін енгізу және т.б.
Достарыңызбен бөлісу: |
