Пәнді оқытудағы негізгі міндеттер:
- студенттердің дүние танымының дамуына әсер ету;
- қоршаған ортаға көзқарастарын қалыптастыру;
- химиялық құбылыстар арқылы материалдық философияның заңдарын түсіндіру;
- бір заттың екінші затқа айналу механизмін түсіндіру.
Әдістемелік нұсқаулар зертханалық жұмыстарды орындау барысында білім алушыға теориялық білімдерін бекітуге және практикалық дағдыларын жетілдіруге көмектеседі, атап айтқанда:
- Физика-химиялық үрдістерді түсіндіру білу.
- Жұмыс нәтижесі бойынша есептеулар мен қорытынды жасай білу.
- Зертханалық қондырғыларды, аспаптарды, реактивтерді, химиялық ыдыстарды дұрыс қолдана білу.
- Зерттеу нәтижелерін статистикалық өңдей білу.
- Концентрациялары дәл ерітінділер дайындай білу.
- Лабораториялық құрал-жабдықтарды, аспаптарды, реактивтерді, химиялық ыдыстарды дұрыс қолдана білу.
2 Зертханалық сабақтардың мазмұны
ХИМИЯЛЫҚ ЗЕРТХАНАДА ЖҰМЫС ІСТЕУ ЖӘНЕ ҚАУІПСІЗДІК ЕРЕЖЕЛЕРІ
Химиялық зертханада жұмыс істеу ережелері
1. Топтың студенттері жиналғанша, кезекші студент лаборанттан зертхананы қабылдап алуы керек.
2. Студенттер зертханаға халаттарын киіп кіреді, сабаққа керек құжаттардан басқанын бәрін лаборант көрсеткен жерге қояды (сумкаларды, бас киімді, т.б.)
3. Зертханалық жұмысты орындағанда студенттердің алдында керексіз нәрселер болмау керек, төгілген сұйықтарды дереу сүртіп алып, жұмыс орнын таза ұстау керек.
4. Реактивтердің сауыттарын тығындаулы күйде сақтап, тек қажетті кезінде ғана ашу керек және тығындарын ауыстыруға, артық алынған реактивті қайтадан сауытқа құюға болмайды, себебі реактив ластанып, пайдалануға жарамай қалуы мүмкін.
5. Құрғақ реактивтерді таза және құрғақ қалақшамен немесе пробиркамен алады.
6. Күміс, сынап, бром, йод бар ерітінділерді арнаулы сауыттарға ғана төгуге болады.
7. Құрылғылар, аспаптармен жұмыс істеу алдында, нұсқауымен танысып алу керек.
8. Жұмыс аяқталғанда орынды бастапқы ретіне келтіріп, су құбырының кранын жауып, аспаптарды тоқтың көзінен алып, жарықты өшіру керек.
9. Топ студенттері зертханадан кезекшінің рұқсатымен, ал кезекшілер лаборанттың рұқсатымен кетеді.
Достарыңызбен бөлісу: |
