Кома (ессіз күй) жағдайына дейінгі бауыр жетіспеушілігі кезінде де комплексті (көп құрамды) ем қолданылады.
1. Ашығу - бұл аурулар тініндегі онсыз да жоғары катаболизм барысын күшейтетіндіктен оларға калориялығы жеткілікті диета қолданылады. Катаболизм барысын азайту үшін анаболик гормондар енгізіледі. Сонғы кезде кейбір зерттеушілер диетадан майды мұлдем алып тастаудың дұрыстығына күмән келтіреді. Олардың ойынша ақуыз, май және көміртегінің қатынасы 1:1:5 шамасында болуы керек.
2. Науқастар витаминдерді, әсіресе көп құрамды "В" және "С", "А", "К" витаминдерін жеткілікті алуы керек. В12 және В5 витаминдері де қажетті мөлшерде берілуі керек. В]2 витаминның гипоксиядан немесе уланудан бауырды "қорғау", одан басқа липотроптық және удан тазарту әсері де бар және де оттегінің ұлпаларда жақсы қабылдануына жағдай жасайды.
