Жоба Қазақстан Республикасының Заңы «Волонтерлік қызмет туралы»
-бап. Волонтерлік қызметтің негізгі нысандары мен түрлері
жүктеу/скачать 80 Kb.
|
| 5-бап. Волонтерлік қызметтің негізгі нысандары мен түрлері
1. Волонтерлік қызмет: 1) жеке-дара волонтерлік қызмет; 2) волонтерлер тобы құрамындағы волонтерлік қызмет; 3) волонтерлік ұйым арқылы волонтерлік қызмет нысанында жүзеге асырылуы мүмкін. 2. Волонтерлік қызметтің негізгі түрлері: 1) өмірлік қиын жағдайда қалған халықтың әлеуметтік жағынан қорғалмаған топтарына, балаларға әлеуметтік көмек көрсетуге қатысу; 2) егде жастағы азаматтарға, мүгедектерге әлеуметтік қызмет көрсету, ортаның мүгедектер үшін қолжетімділігін ұйымдастыру, жетім балаларды және ата-анасының қамқорлығынсыз қалған балаларды әлеуметтік бейімдеу, интеграциялау және тәрбиелеу жөніндегі жұмысқа жәрдемдесу; 3) дүлей зілзалалар, экологиялық, техногендік және басқа да апаттар, әлеуметтік жанжалдар, жазатайым оқиғалар салдарынан зардап шеккен адамдарға, қылмыстар құрбандарына, босқындарға және шарасыз түрде қоныс аударушыларға, сондай-ақ сырттан жасалатын көмек пен қолдауға мұқтаж адамдардың өзге де санаттары мен топтарына көмек көрсетуге қатысу; 4) уәкілетті органдарға төтенше жағдайлардың алдын алуға, оларды жоюға және төтенше жағдайлардың салдарын жоюға жәрдем көрсету; 5) хабарсыз кеткен адамдарды, Ұлы Отан соғысы мен шағын соғыстар қатысушыларының мәйіттерін іздеуге қатысу; 6) қоршаған ортаны қорғауға, аумақтарды абаттандыруға қатысу; 7) тарихи және мәдени мұраны сақтау, тарихи-мәдени мекендеу ортасын қалпына келтіру мен сақтау мүмкіндіктерін жасауға қатысу; 8) білім беруді, ғылымды, мәдениетті дамытуға, білімді дәріптеуге, инновацияларды дамытуға қатысу; 9) дене шынықтыруды, спорт пен белсенді бос уақытты дамыту мен дәріптеуге, өңірлік, өңіраралық, республикалық қоғамдық және халықаралық дене шынықтыру іс-шаралары мен спорттық іс-шараларды ұйымдастыру мен оларды өткізуге қатысу; 10) денсаулық сақтау саласына қатысу, саламатты өмір салтын насихаттау бойынша жұмыс жүргізуге қатысу, әлеуметтік маңызы бар аурулардың таралуына қарсы іс-қимыл жөніндегі профилактикалық жұмысты ұйымдастыру мен жүргізу; 11) егер Қазақстан Республикасының заңдарында өзгеше белгiленбесе, волонтерлік лагерьлер қызметін қоса алғанда, өңірлік, өңіраралық, республикалық және халықаралық мәдени, бұқаралық мәдени және басқа да ойын-сауық және қоғамдық іс-шараларды ұйымдастыру мен өткізуге қатысу, археологиялық қазбаларға, тарихи ғимараттардың қасбеттерін қалпына келтіруге, мүмкіндігі шектеулі балаларға арналған жазғы сауықтыру лагерьлерінің жұмысына, конгресс-көрме қызметіне қатысу; 12) халықтар арасындағы татулықты, достық пен келісімді нығайтуға, әлеуметтік, ұлтаралық, этносаралық, діни жанжалдарды болғызбауға қатысу; 13) волонтерлік қызметтің өзге де түрлері болып табылады. жүктеу/скачать 80 Kb. Достарыңызбен бөлісу:
|