Микробтар қанға өтіп, сепсистік эндокардит дамыса, терінің түсі сүт қосқан кофеге ұқсап, ақшыл-бозғылттанып, сарғыш тартады. Денеде және конъюктивада қан құйылған нүктелер пайда болады (Лукин белгісі)
Микробтар қанға өтіп, сепсистік эндокардит дамыса, терінің түсі сүт қосқан кофеге ұқсап, ақшыл-бозғылттанып, сарғыш тартады. Денеде және конъюктивада қан құйылған нүктелер пайда болады (Лукин белгісі).
Үлпершек (перикард) сұйықтыққа толса немесе жоғарғы қуыс венаны кеуде қуысының артқы жағында өскен ісік қысып тұрса, бет пен мойын ісінеді – бұл Стокс “жағасы” деп аталады.
Қолқаның сағасы тарылса, кеуденің алдыңғы жағындағы веналар білеуленіп, қабырға аралық тамырлардың соғуы күшейіп, қолмен сипағанда байқалып тұрады. Саусақтардың тырнақтары дөңестенеді.
Жүрек пальпациясы.
Жүрек пальпациясы.
Жүрек ұшы түрткісінің (ЖҰТ) пальпациясы: ол үшін науқасты сол қолмен демеп, оң қолдың алақанын кеуденің сол жағына, төс сүйегінің негізіне қойып, ал саусақтарын қолтық жаққа қаратып ІV-V-VІ қабырға аралықтарға параллелді қойып алып, алдымен алақанмен, содан кейін үш саусақтың жұмсақ бетімен сырттан ішке қарай қабырға аралықтарын баса сипай отырып, жүрек ұшы түрткісі басталған жерді тауып алу керек.
Оның бірнеше қасиеттерін сипаттау керек:
Оның бірнеше қасиеттерін сипаттау керек:
ауданы (көлемі) - қалыпты жағдайда 1-2 см2;
Орны - V қабырға аралықта бұғана орта сызығынан 1-1,5 см ішке орналасады;
Күші;
Биіктігі;
Серпімділігі.
Күші, биіктігі, серпімділігі қалыпты жағдайда орташа болады.
ЖҰТ-нің балалардағы ерекшелігі:
1-2 жасқа дейін сол жақ ІУ қабырға аралығында бұғана орта сызығынан 1-2 см сыртқа орналасады;
2-7 жасқа дейін сол жақ У қабырға аралығында бұғана орта сызығынан 1 см сыртқа орналасады;
7-12 жасқа дейін сол жақ У қабырға аралығында бұғана орта сызығында немесе 0,5-1 см ішке орналасады.
