Көркем еңбек Мұғалімге арналған нұсқаулық
жүктеу/скачать 0.87 Mb. Pdf көрінісі
|
- Бұл бет үшін навигация:
- Ойлан және сұрақтарға жауап бер.
- Қосымша тапсырма
- Қауіпсіздік ережелері
- Көрме-жәрмеңке
| Жұмысыңды мұғаліммен,
достарыңмен, отбасыңмен талқыла. Бұл тапсырмада оқушылар өз жұмыстарын таныстыра отырып, сөйлеу дағдысын дамытады. Олар бұйымды қалай әрлегенін, жұмыстың қай тұсы қиынырақ, қай тұсы оңайырақ болғанын, әлде де жетілдіру керек тұстарын анықтайды. Бағалау Барлық оқушылардың жұмыстарын бірге қойып, мына өлшемдер бойынша бағалаңыз: суреттің анық көрінуі, кішкентай өрнектердің мұқият боялуы, лактың біркелкі жағылуы. Ойлан және сұрақтарға жауап бер. Бұл айдарда оқушылар өз әсерлерін айтып, пікір алысады. Олар басқа оқушылардың жауап- тарын тыңдай отырып, өзінің нені білетінін, нені білуі тиіс екенін ұғынады. Қосымша тапсырма Оқушылар лак жақпас бұрын бұйым бетіне өздерінің монограммасын салуы мүмкін. Егер сабақта уақыттары жетсе, оны да күйдіріп безен- діруге болады. Қауіпсіздік ережелері: • жұмыс орны кең, жарық және желдетілетін болуы керек; • бояу мен лак тез тұтанатындықтан, өрт қа- уіпсіздігін сақтау керек; • лак және тез тұтанатын өзге де материалдар арнайы орында сақталуы тиіс; • боялған бұйымдарды арнайы орында кептіру керек. 38 Көркем еңбек Тірек сөздер: көрме, жәрмеңке, заттаңба, каталог, тұтынушы. Оқулық: Бұйымды таныстыру, 38-39 беттер. Сабаққа байланысты деректі материалдар Оқушыларды көрме, көрме-жәрмеңке ұйымдастыру тарихымен және ерекшеліктерімен таныс- тырыңыз. Осы ретте төменде берілген ақпаратты пайдаланыңыз. Көрме дегеніміз – белгілі бір адамның, өнер қайраткерінің немесе кәсіпорынның (ұйымның) шығармашылық, материалдық және рухани жетістіктері көпшілік назарына ұсынылатын мәдени шара. Алғашқы көрме ХVI ғасырдың екінші жартысында Еуропада ұйымдастырылған. Технология- ның, өндірістің және сауданың дамуына байланысты ХІХ-ХХ ғасырларда көрмелер мазмұны және түрлері жағынан өзгеріске түсті. Уақыт өте келе көрменің бірнеше түрі пайда болды: • мақсатты көрмелер, бұл көрмеге кітап өнімдері, сауда бұйымдары, ғылыми-техникалық жетістіктер, өндіріс, құрылыс материалдары, халық шаруашылығы жетістіктерінің көрмелері жатады; • мерзімдік көрмелер, бұл көрмеге белгілі бір уақыттан кейін тұрақты өткізілетін көрмелер жа- тады (жылына бір немесе екі рет немесе бірнеше жылда бір рет өткізіледі); • кезектен тыс көрмелер, арнайы іс-шараға, жыл сайынғы мерекеге, мерейтойға, конгресс, съезд, ғылыми конференцияға және т.б. орай өткізіледі; • тұрақты көрмелер, бұл көрмеге тарихи, өлкетану және көркемөнер мұражайларында тұрақты көрсетілетін көрме залдары жатады. Көрмелер ауқымына қарай аудандық, облыстық, республикалық және халықаралық көрмелерге бөлінеді. Көрменің көпшілікке танымал түрлерінің бірі – көрме-жәрмеңке. Көрме-жәрмеңке – түрлі кәсіпорындар мен ұйымдардың белгілі бір өнімдерін көрсетуге, сатып алуға және сатуға арналған, уақытша ұйымдастырылатын сауда алаңы. Көрме-жәрмеңкелерде келісімшарттар жасалып, жаңа сауда байланыстары орнатылады. Көрме-жәрмеңкені ұйымдастырудың ережелері бірнеше сатыдан тұрады: • тақырып таңдау; • мақсаттар мен міндеттерді айқындау; • бұйымдарды таңдау; • өткізу орнын таңдау; • құрылымын таңдау; • көрмені безендіру; • көрмені жарнамалау; • көрме нәтижелерін талдау. жүктеу/скачать 0.87 Mb. Достарыңызбен бөлісу:
|