Краткая биография Н. А. Доронина Николай Александрович Доронин родился в 1953г в селе Шыладор Сыктывдинского района Коми асср. С 1960-го года по 1964 год учился в Шыладорской начальной коми национальной школе

Коймöд юкöн

Шондiбанöй – олöмöй,

Шöркост нэмöс вуджöмöй.
1
Шондiбанöй – олöмöй,

Кызь öкмыс нин мен тырис.

Керкаястö стрöитлi.

Уджавлi бригадирöн,

Техникум велöдчигöн.

Техникумтö помалi,

Уджала со мастерöн.

Аня челядь велöдö

Леткаса шöр школаын.

Ныв–зон садъйö ветлöны –

Сашенька да Людочка.

Тьöща миянкöд олö –

Бур сьöлöма Татьяна.

Мый нöшта пö и колö… ?

Сьöлöм кыскö Эжваö,

Эжва карö – горт дорö.
2
Шондiбанöй – олöмöй,

Вояс пыртi мунöмöй.

Комын куим арöсыд

Öдъйö-öд и со воис.

Неыджыд патераын.

Сьöкыд вöлi вуджöмыс

Леткасьыд, шöр карад,

Уна вöлi мылькъясыс …

Öнi найö бöрынöсь,

Олöм мöдiс ладмыны.

Уджавлi ме столярöн,

Уджавлi ме слесарöн.

Öнi со мастерала,

Чужан Шыла стрöита,

ЛПК-сянь уджала.

Аня школаö ветлö,

Роч кыв вылö велöдö.

Ныв–зон сэн-жö велöдчöны

Дерт на ичöт классъясын.

«Дача» сэки босьтiм ми,

Сьöд вöр шöрын участöк.

Вöрсö ставсö пöрöдiм,

Мырсö ставсö перъялiм,

Керка мöдiм лэптыны.

Ёна сэк ми уджавлiм,

Уна ньылöмтö кисьтлiм.

Öнi со нин «грымвидзö»

Зэв пелькыник керка тор.

Мыйта трудыс вöлöма –

Некод абу тöдлöма!

Пывсянын ми пывсьывлам,

Ок, и лöсьыдик овлö!

Град пуктастö чукöртлам

Во кэжлöыс тырмывлö!
3
Шондiбанöй – олöмöй,

Комын квайттö тыртöмöй.

Шыла стрöйка тупкисны,

Менсьым должность вештiсны.

Ковмис, сэки быть мунны,

Рабочöйöн уджавны,

Öчöрöдь-öд сулала

Бур квартира вылö ме.

Уджавлi ме рамщикöн,

Тьöс-плакаяс пилитлi.

Сэсся вуджи столярö,

Мöдi мебель вöчавны,

Сiдз-жö: керка öдзöсъяс,

Öшинь вылö рамаяс.
Олöм водзö век мунö ...

Шöркост кадö помассьö.

Пöрнöй кадöдз воöмöй.

То и пöрнöй кад воис.

Нелямын öти тырис,

Сьöд юрсиö дзорсялiс,

Уна пинь нин гылалiс.
Челядь миян быдмöны,

Зэв бура велöдчöны.

Саша школа помалiс

Эзысь рöма медальöн,

Люда дасöд класс ветлö,

«Вит» да «нёль» куш ваялö.

Аня век на велöдö,

Бур вылö пыр ышöдö.

Гажтöмтöр сэки лоис –

Саша мунiс служитны.

Самараын служитö –

Кöнi мича нывъясыс.

Ыджыд гажатор лоис –

Бур квартира сетiсны

Еджыд кирпич керкаын,

Сизимöдöд судтаын!

Лифтöн сэтчöдз кайлывла,

Ог и ньöти мудзлывлы!

Зэв лёктор бара лоис –

Ваня вокöй–öд кувсис.

Мыйла-й абу овсьöма?

Кык сирöта кольöма.

Тадзи со и серпасассьö

Сiйö кадся олöмыс.

Югыд визь да пемыд визь

Визьйöдлö да визьйöдлö.

Нелямын нёль тыртöмöй.

Бур вылас и шог вылас

Чужин–кö нин, быть тай ов,

Ассьыд ловтö он сьöлышт.
Дзор юрсиö век содö,

Выль пиньяс нин ме пуктi.

Челядь миян быдмисны,

Со нин най студентъяс,

СГУ-ö ветлöны

Эжвасянь автобусöн.

Делегатöн Саша вöлi

Коми йöзлöн съезд вылын.

Босьтлiс Люда медводз места

Öти ыджыд кöнкурсын.

Аня сiдз жö велöдö,

Сiйö жö на школаас.

Да и ме век пыр

Столяр уджтö уджала.

Öнi уджтö он друг веж –

Гöгöр «безработица».

Шогыд ыджыд зэв лоис –

Муса мамö-öй кулiс …

Сирöтаöн менö колис –

Кыдзи кужан, сiдз и ов …

Муса мамöй, бур мамöй,

Мыйла бара тэ кулiн?!

Сьöкыд олöмтö олiн–да,

Уна уджтö бергöдлiн.

Нёль пиöс-öд тэ быдтiн–да,

Уна мудзтö аддзылiн.

Öнi, сэся, шойчи, вод

Небыд муас – шор бокас.

Ме гу дорад волывла,

Некор ог вунöдлывлы.

Водзö вöт ме висьтала.

Вöтöн Райö волöмöй.

Öтчыд вöт ме вöтаси.

Вöтнас сэк ме аддзылi

Мöдарюгыдсис Райсö.

Сетшöма мен кажитчис.

Кöсйы кольччыны ме сэн,

Но öд менö вöтлiсны.

Кыкысь-öд сэтчö волi,

Некыдз кольччöмыс эз ло.

Меся, мыйла тайö тадз,

Ме-öд кöсъя тан овны?

Мен шуисны: «Тэныд водз,

Му вылас на олыштан».

Сэсся, сэк и садьми ме

Му вылын и семьяын.

Бара колö уджавны,

Кынöмпöттö судзöдны.

Мукöд вöтсö вунöдла,

Тайö век на паметин.

Уна буртор тöдмалi

Райö вöтöн волöмнас.

Вермас лоны, сы вылö

Вöтыс некыдзи оз вун,

Мед ме йöзлы висьтала.
Кыдзи артмас висьтала,

Энö сэсся дивитöй.

Мыйта буртор тэ вöчан

Танi, грека му вылас.

Му вылас кö лёк вöчан,

Сэн став лёкыс тэн лоö,

Мыйта йöзыслы вöчин

Танi, грека му вылас.

Он сэн некытчö дзебсьы,

Деньганад он мынтöдчы.

Му вылад кöть кодi тэ –

Сэнi ставöн öткодьöсь.

Ёрта–ёртсö радейтöны,

Некодлы оз завидьтыны.

Син на син–кö видзöдлан,

Ставсö сэн гöгöрвоан,

Некутшöм кыв сёрниттöг,

Став олöмсö тöдмалан.

Мыйта колö кöть шензьы:

Кадыс сэнi абу ньöти,

Лёкыс сэнi абу жö –

Му вылас став кольöма.

Кымын озырджык ловыд –

Сымын лöсьыдджык Райад.

Но, а му выв озырлуныд –

Сэнi некодлы оз ков.
3
Тайö мича вöт йывсис

Гижлi нин ме важöнкойд,

Нулi «Эскöм» газетö,

Кöсъйысны йöзöдлыны …

Да, öнöдз-на йöзöдöны …
4
Вöтыд сiйö, вöт и эм,

Позьö и не эскыны,

Эз кö чудö мекöд ло

Вöт бöртиыс во мысти.

Мöдi кабала марайтны,

Гижала и гижала.

Кытысь кывъйыс юрö воö?

Нинöм ме ог гöгöрво.

Мыйкö, гашкö, тайö збыль,

Вöтöн Райö волöмыс?

Кытысь эськö, тайö мен,

Гижсян сяма кужöмыс

Пöрнöй нэмö друг воис?

Кытысь уси, код сетic?

Водзö гижöм лоöна.

Став йöзыслы бур сийа.

Эн вунöдöй олiгад

Мöдарюгыд Рай йывсис.

Та вылын и помала.

«Шондiбанöй – олöмöй» висьтасьöм йылысь

Ковмис тайö арлыда йöзлы водз мунны гортсьыныс бокö да аслыныс кыдзкö – мыйкö водзö овны, бать – мам вылö ёна надеятöг. Кодi вермис, на пиысь, водзö велöдчисны уджалiгмозыс рытъя школаясын, и водзö заочнöя техникумъясын да институтъясын. Асьныс бöрйысны да нуöдiсны олöм туй визьсö. Лöсьöдалiсны ас кадö семьяйас, быдтiсны челядьöс. Кыпöдiсны, сiдз шусяна, «дачаяс» васыд нюра вöр пытшкын. Тöдлiсны олöмас шоглун и радлун.

Но некор эз вунöдлыны, мый асланыс олöмнас, найö зэв ыджыд уджйöзаöсь налы, кодъяс тышкасисны да вошисны Мöд Мирöвöй вöйна вылас. Аттьö, налы.

Кöч тöлысь, 1999 во.

Послесловие к поэме «Шондiбанöй – олöмöй».

В ней я хотел на примере жизни одного простого человека – героя поэмы, показать жизнь моего поколения. Это поколение вступает в двадцать первый век в зрелом возрасте, а родилось в первое послевоенное десятилетие. В большинстве своем мы росли без отцов, из-за нехватки мужчин после войны, поэтому рано вступили в самостоятельную жизнь. Сами пробивались через жизненные преграды и невзгоды, устраивали свои судьбы, кто как сможет. Заканчивали профтехучилища, честно служили в Армии, затем работали, растили детей, разрабатывали, так называемые, «дачи» на болотах. Жили со своими горестями и радостями.

Но при этом никогда не забывали, что этой нормальной жизнью мы обязаны миллионам погибших людей в Отечественной войне с фашистами. Светлая им память.

Автор. 1999 год, месяц сентябрь.

Водзöыд со век мунö,

Арлыдыд век содалö -

Ветымын нин маталö.

1
Мыйкö, олiг жö, шусям,

Уджыштлам да шойтчышлам.

Удж местасö эг вежлö,

Тайöыс нин нэм кежлö.

Саридз дорад ог ветлöй –

Тыртöм зепнад он на мун.

Эжва дорас гожйöдчам

Да «дача» вылын гудйыштчам.

Тöвнас лыжиöн ветлам,

Лов пытшкöстö пальöдлам,

«Дзоньвидзалун лыж туйтi»

Сэсся приз на виччысям.

Сöмын медаль сетлöны.

Пиöй бура велöдчис,

Кык ыджыд тöдöмлун босьтiс,

Гöрд димпломöн помалiс,

Уджсö бурöс жö аддзис.

Сэся со и гöтрасис,

Мича Ленаöс вайис.

Öнi карын öлöны

Асланыс патераын

Нылöй ыджыд тöдöмлун босьтiс,

Уджсö бура дыр корсис,

«Блат» ни «сват» некöн абу.

Кыдзкö тай со меститчис.

Кодi корсьö, век сюрö.

Кодкö татчö шуöбтас;

«Челядьнас пыр ошйысьö».

Ог и мöд ме вензьыны,

Кывтö прöстатö песны.

Керка – «дача» лэптылiм,

Уна пуяс сэн быдтiм,

Ныв – пиöс ми велöдiм,

Олöм туйö петкöдiм.

Ен висьт серти олiгад

Озырлуныд оз сибав.

Бур челядьыд – озыртор.

Водзö ог мöд вензьыны.

Рöдвуж котыр чукöртны,

Вужъястö не вунöдны,

Юртö вылын пыр кутны.

Рöдвуж сюри сюрс сайö,

Унакöд нин тöдмаси,

Уналаö ветлывлi,

Олöм йывсис юаси.

Кодi кыдзи висьталiс,

Сiдзи ме и гижалi,

Эзджык мыйкö артмы кö –

Прöститöй, эн дивитöй.

Водзö олöм лоö – на,

Водзö гижöм лоö – на,

Та вылын и помала.

2002 во.

Шондiбанöй – олöмöй,

Нэм джын кадöдз воöмöй.

Воясыд пыр мунöны,

Челядьыд пыр чужöны,

Пöрысь йöзыд кулöны.

Менам таво дядьö кулiс,

Ёна öд нин дыр висис.

Став рöдвужыс чукöртчим,

Мамö дорö гуалiм.

Ыджыд шудлун Енсянь лоис,

Молитваöс кывлöма.

Рöдвуж котыр чукöртiгад,

Аслам вир рöдня сюрис.

Аслам батьсянь вокöс аддзи –

Эжваын жö олö и!

Томджык меысь, збодерджык,

Гöтыра и котыра.

Унаысь нин аддзысьлiм,

Бать йылысь пыр юаси.

Кувлöм батьö вöлöм нин

Куим гöгöр во сайын.

Фото вылас видзöда,

Мыйкö öткодьсö корся.

Юрси мода, синкым, син;

Ставыс тай дзик öткодьöсь!

Воклöн свадьба «видик» вылын –

Сэнi батьö ловьяна!

Вок гозъялы бур сийö,

Кыв горыс дзик менам жö.

Сёысь, гашкö, видзöдi –

Ловьянас эг аддзыв – да …

Дядьсянь чойъяс эз вöвны,

Батьсянь куим чой лои;

Оля, Света, Елена.

Коркö, гашкö, аддзысьла,

Аслам рöднöй чойъяскöд,

Енмыс шуд-кö мен сетас,

Печора ю дорö нулас…

Надеяöн пыр ола …

Ог на эськö помав–да,

Водзö олöм лоö – на,

Водзö гижöм лоö – на.
(Шудтöм и шуда 2003 во).

Сöдтöд бöрас, бара сöдтöд

Олöмыд водзö мунö,

Мыйыс сöмын оз овлы.

Енмыд челядьöс мездiс

Ыджыд неминучаысь.

Гожöм шöрын Ыбö ветлiм,

Сватлöн чужан местаö,

Енлöн вежа ва дöрö.

Вежа ванас киськасим,

Енсянь дорьйöм ми корим…

Арнас лои неминуча –

Теракт – öд Египетын.

Отель «Хилтон» пасьмунiс,

Кöн челядьным вöлiны.

Тайö зэв шог юöр бöрас,

Узьтöм, бöрдöм вой колис.

Эскынысö зэв сьöкыд,

Мый Саша, Лена вошисны.

Асыв рад юöр вайис!

Миян челядь ловьяöсь!!

Ловьяöсь – дзоньвидзаöсь!!!

Аттьö Ыбса Вежа валы,

Аттьö Христос – Господьлы!

Аминь.
Гижöмтö ме ог помав,

Кытчöдз олöм оз помась.

Рöдвуж небöг регыд лэдза,

Ассьым сьöлöм йöзöда.

Дивитысьыд уна лоö,

Кодкö – й, гашкö, ошкыштас …

Квайтöд юкöн

Му вывтiыс ветлöмöй,

Олан визьсö корсьöмöй,

Паськыд эрдö петöмöй.

Ыджыд кöсйöм мöрччысис!

«Рöдвуж небöг» менам петic –

Бур йöз водзас мыччысис

Вит вося удж эштöм лои.

Ыджыд аттьö рöдвужлы:

Кодкö бур кыв шуавлic,

Кодкö сьöмöн отсавлiс.

Торйöн ичöт удждоннад.

Ковмис Банкысь кредит босьтны,

Мед небöгсö йöзöдны.

Коми муысь Юралысьлы!

Сiйö менö гöгöрвоис,

Бура сьöмнас отсалic.

Тайöсö ме нэм ог вунöд,

Муöдз сылы копыртча.

Сыысь вывтi нин дона.

Доныс абу сöмын сьöмын –

Сьöлöм руöс пуктöмын.

Менö пыдди пуктысьлы,

Кодъяс бур кыв шулiсны,

Сьöмсö водзвыв мынтiсны.

Кодъяс рöднас озырöсь –

Челядь – внукныс лыддясны,

Сьöлöмнаныс кыптасны –

Пöль вужъяс кор аддзасны.

Мый ми рöд абу сэтшöм – татшöм,

Зэв на öд ми крепыдöсь –

Вужъясныным пыдiнöсь.

Пöрысь йöзлы месянь – козин,

Кредит öнöдз на мынта.

Том йöз асьныс сьöмаöсь –

Водзвыв мынтысьöм вичча.

«Рöдвуж небöг» мöдысь лэдза –

Бурджыка на лöсьöда.

Помнитанныд коркö шулi;

«Дивитысьыд уна лоö,

Кодкö-й, гашкö, ошкыштас».

Артмиссö дзик мöдарö;

Уна аттьö висьталiсны,

Вöлi морт – мöд дивитысь.

«Рöдвуж корсьысь чукöрын».

Коми муса быд пельöсысь

Сэнi уджъяс вöлiны,

Лыднас унджык сё кызьысь.

Сэнi радлун ыджыд лои –

Миян «Рöдвуж небöгным»

Босьтiс сэки медводз места

«Научнöй» удж пöвыстын!
Ставлы лои интереснö –

Кыдз ме верми, «прöстöй морт»,

Татшöм ыджыд удж вöчны,

Да ставсö бура гижавны?

Гижысь нимöс кыпöдiсны;

«Телик» пырыд петкöдлicны,

Радиоад висьталiсны,

Уна статья гижисны.

Кыткö – мыйкö путайтiсны.

Ковмис аслым веськöдыштны

Путайтысь гижысьяссö.

Ичöт небöгтор лэдзлi,

Кöн став збыльсö висьталi

«Рöдвуж небöг» вöчöм йылысь,

Сiйöс йöзöдöм йылысь.

Став матысса рöднялы,

Удж вывса став ёртъяслы,

Да и уна тöдтöм йöзыслы.

Надейтча пыр; лыддясны,

Тöжд – мöгöс пöймитасны,

Меным вочча мунасны,

Да спонсор – отсöг сетасны.

Да пызан ящикын куйлö.

Йöзöдны найöс кöсъя,

Да сьöмыд уна зэв колö.

Олан кадыд дженьняммö.

Колö эськö удитны –

Став гижöдöс йöзöдны.

Бур йöзöй – спонсоръясöй

Отсалöй вай отсалöй…

Олöм визьöс бура аддза –

Ен би туйсö югзьöдö.

Кыдзи водзджык висьтавлi;

Вöтöн Раяд веськавлi –

Сэн мен туйсö индiсны.

Йöзлы колö буртор вöчны –

Сэки Енмыд отсалас!

Витдас куим тыртöмöй

Со нин витдас куим во олi.

Лыдпасъясыс öткодьöсь –

Бур вылö, аль лёк вылö?

Олыштам да видзыштам.
1
Шуда пансис тайö воыс –

Выль небöгъяс петiсны!

Роч кыв вылын – вöт йылысь,

Коми вылын – нэм йылысь.

Тайö Райса лэбачъяс,

Бур олöм петкöдлысьяс.
Йöзыс бара дивуйтчöны,

Кысь мен сьöмыс пыр сюрö,

Небöгъясс­ö частö лэдзны,

Кодкö, гашкö, отсалö?

«Енмыс буди отсалö.

Бара кредитъяс босьтi,

Водзаассьыс мынтыси.

Отсöг сьöмöн виччыся,

Надеяöн пыр ола.

А… оз кö…

Ачым бара вештыся»

Небöг лэдзи унджык лыдöн,

«Рöдвуж небöг» серти-кö,

Кыкнанныссö кыксёöн.

Ставсö öд и козьналi.

Козьнавнытö зэв лöсьыд –

Аслад сьöлöм вылад шуд,

Уна «аттьö» кывзöмсис,

Дзоньвидзалун сиöмсис.
Дöнзис небöг уна йöзлы:

Коми муын Юралысьлы,

Сы дорса чинаяслы,

Эжва карын Юралысьлы,

Сы дорса чинаяслы,

Сыктывдинын Юралысьлы,

Сы дорса чинаяслы.
Сiдз -жö:

Библиотека - музейяслы,

Интернат – школаяслы.
Медся уна – прöстöй йöзлы,

Ёртъяслы да рöдвужлы.

Омöль, мый эз ставыслы.
Колö эськö мöд сы мында –

Сьöм абуыс сувтöдö.

Спонсоръясöй отсалöй –

Йöзыслы, Тi, бур вöчöй!!

Важ йöзыд шулöмаöсь.

Тадз и менам, со лоис –

Света чойö друг кулiс.

Öнi оз нин удайтчы

Ловъяöн паныдасьны.

Сöмын Мöдаръюгыдын

Сыкöд ми вочаасям.
Мыйла? Мыйла тадз артмис?

Мыйла ми эг аддзысьлöй?

Куим во нин тöдi ме

Аслам Света чой йылысь.

Печораса Якшаöдз.

Эз тай со и удайтчы,

Öнi нинöм нин он вöч…

Светакöд прöщайтчыны.

Батьсянь ещö кык чойкöд,

Олякöд да Ленак­öд,

Налöн семья котыркöд

Да Светанымлöн пияскöд.
Тайö лои Ухта бердын –

Медводдзаысь аддзысьöм

Менам батьлöн челядькöд,

Öти вира мортъяскöд!

Шог и шуд сэк öтлаасис!!

Сьöлöм öтарö пессис –

Мыйла? Мыйла татшöм лои

Шога-шуда аддзысьöм

Медводдзаысь олöмын?

Мыйла, Света, водз кулiн?

Гуалöмсö лöсьöдiм,

Лунтыр Троицкын олiм.

Сэсся Якшаöдз нуим –

Светаöс мича гортйын…

Сэнi рöдвуж виччысисны –

Ставныс вöлöм зэв бур йöз.

Найö лючки лöсьöдiсны

Гуалöм – прöщайтчöмсö…

Света чойлы…

Гижны водз­ö ог вермы…

Водзö сэсся висьтала.

Якша заповедниксаяслы.

Света­нымöс пыдди пуктöмысь,

Дзебигас отсасьöмысь.

Торья аттьö матыссалы:

Майя Ивановналы,

Валерийлы да Галиналы.

Сьöлöмсяньыс примитiсны,

Öтвыв шогсö юкисны.

На ордын и олiм ми,

Шогалiм да прöщайтчим

Миян дона Светакöд,

Кык зонкалöн мамакöд.
Вот сэсся и гуалiм

Пожöм яга шойнаö.

Небыд лыаöн тыртiм,

Венокъясöн баситiм.

Прöщай…

Дона чойöй, прöстит-прöстит,

Мед тэ Райö веськалан,

Сэтшöм жö дзик местаö,

Кутшöмöс ме вöтасьлi.

Аминь.

3
Бöрсö гортö локтiгöн,

Оля чойным сэн олö,

Лена чойным – Дутовоын

Лемтысяньыс дзик орччöн.

Лемтыас и овлöма

Менам тöдтöм батьööй

Аслас семья – котырнас,

Вужъяссö тан лэдзöма.

Гöтыр, пи да куим ныв.

Ме сэк найöс эг тöдлыв,

Найö менö, сiдз жö, эз.

Батьö гусьсö видзöма

Аслас ыджыд пи йылысь.

Öнi кöть нин мый думайт –

Гусьсö сьöрсьыс нуöма.

Шойна вылын со куйлö

Гöтырыскöд орччöнöсь.

Сылöн гу дорö ветлiм,

Та вылö и кежалiм.

Света йылысь висьтасим,

Кодрасим да прöщайтчим.
Вот тадзи артмис олöмыс –

Батьöкöд аддзысьöмыс…

Зэв ичöтöн аддзылi жö

Некымын здук кежлö.

Кампет кулёк мен сетлiс.

Ачыс сэки эз висьтась,

Мый сiйö лоö меным бать.

Юмов вöлi кампетыс –

Батьлöн кылiс лов дукыс…
Öнi, батьö, гусянь видзöд,

Ме, то, локтi, да эг öтнам,

Тэсянь мукöд челядькöд.

Öтлаын, то, сулалам

Тэнад вир нуöдысьяс,

Вужъястö паськöдысьяс.

Уна – уна во мысти –

Ен отсöгöн тöдмасим.

Мыйла? Мыйла тадз артмис!??

Шыла йылысь сьыланкыв – эпос

Шыла грездным сулалö!

Э
кыкысь
жва юö, паськыд юö

Пожöг ю сэт визувтö!

Тан ми быдмим

Шыладор деревняын.

Тан ми сöвмим,

Тан ми овлiм

Шыладор деревняын.

Вичкодор да, Ягвыв сэн,

Танi öд ми ворслывлiм.

Визув ин да, Кукйöр öмут,

Танi öд купайтчывлiм.

В
кыкысь
изув Пожöглöн сöдз ваысь

Уна чери кыйлывлiм.

Шыла нимсö югзьöдiс:

«
кыкысь
Шыла Мишыд» – Дорониныд

Коми муад нималiс,

Мишö Сандрик – Матвеевыд

«Чушканзiтö» лöсьöдiс,

Г
кыкысь
анс Шуктомовöс ми тöдам,

Кыдзи вистъяс гижысьöс.

Вöйнавывдырся герой,

К
кыкысь
реста танклы туйсö тупкис

Ассьыс öлöм жалиттöг.

Тайö вöлi вöйна кадö

Сталинградтö дорйигöн,

Т
кыкысь
айö вöлi Шыладорысь

Михаил да Шуктомов.

У

Ай му вöсна тыш дырйиыд –

Ассьыс олöмсö пуктiс.

Сьöкыд удж да тшыгйöн олöм

Сэк тан олысьлы дöнзис,

К

Уна морт öд сэк кувсис.

Кокньöдджыка лолавсис,

Ш
кыкысь
ыладорын уджыс тырмис

Лесопунктын, колкозын.

Уна керка сэк лэптiсны

В

Уна челядь рöдмöдiсны,

Челядь шумлы ставыс рад.
Припев
Шылад тэчысь – Чисталевыд

Миян сиктö сэк волiс,

Ш
кыкысь
ыла увса веж луд вылын

Став йöзсö сэк гажöдiс.

Коми шылад сiйö гижис,

Став йöзсö сэк снимайтiс,

С
кыкысь
тавлы снимок бöрын ыстiс,

Бурöн казьтылöм колис.

Бара ылöдз нималö;

К
кыкысь
оми муад Юралысьлöн –

Вужъясыс öд Шылаысь.

Батьыс танi чужлöма да,

Польö Сандрик шусьöма,