Нұр-сұлтан 2019 Әдістемелік құрал
жүктеу/скачать 4.43 Mb.
|
- Бұл бет үшін навигация:
- Айналым шығындары
- Айырбастау (conversion)
- Актив
- Акциз
| Айналым қаражаты – өнімді өндіру мен сатудың жоспарлы және үздіксіз үдерісін қамтамасыз ететін айналымдық өндірістік қорлар мен жабдықтау туралы қорлар құру үшін бірлестіктерге, кәсіпорындарға, ұйымдарға аванс берілген ақша қаражатының жиынтығы.
Айналым шығындары − өндірушілер мен тұтынушылардың тауарларды сатуға және сатып алуға байланысты шығындары. АШ түрлері: қосымша және таза. Айнымалы шығындар (Variable Costs, VC) – шығарылатын өнімнің көлеміне байланысты шығындардың бір бөлігі. Айыппұл − тараптардың бірінің шарт бойынша міндеттемелерін бұзғаны үшін төлейтін төлемі, тұрақсыздық айыбының түрі, оның мақсаты – шарттық тәртіпті нығайту және зардап шеккен тарапқа залалдарды өтеу. Айырбастау (conversion) – пайызбен беріледі және қанша адамның сіздің жарнамаңызды көргенін, сілтемені басқанын (немесе хабарландырумен келген) және өнімді сатып алғанын көрсетеді. Актив – қарыздарды төлеуге арналған қаражат пен резервтер қосылған, нарық субъектісі жеке меншігінің құны кіретін есептеу категориясы. A. заттық материалдық (жабдықтар, ғимараттар, қарыздық міндеттемелер) болуы мүмкін. Сонымен бірге А. олар жыл ішінде (есепті кезең) ақшаға айналдырылғанына немесе өзгермегеніне байланысты күнделікті және тұрақты болып бөлінеді. Шаруашылық тәжірибеде активтер мен қарыздардың балансын құрайды. Қарыз есепті кезең ішінде төленгеніне немесе одан асып кетуіне байланысты қысқа мерзімді және ұзақ мерзімді болып бөлінеді. Акциз – баға мен тарифке енгізілген тауарлар мен қызметтерге жанама салықтың түрі. Акционерлік қоғам – өз қызметін жүзеге асыру үшін қаражат тарту мақсатында акция шығаратын заңды тұлға. АҚ өз акционерлерінің мүлкінен оқшауланған мүлікке ие және олардың міндеттемелері бойынша жауап бермейді. АҚ өзінің меншігіндегі мүліктер аясындағы міндеттемелерге жауап береді. АҚ-ның акционері өзінің міндеттемелері бойынша жауап бермейді және Қазақстан Республикасының заңнамалық актілерінде қарастырылған жағдайларды қоспағанда, акциялардың құны шегінде серіктестіктің қызметіне байланысты шығындар тәуекелін көтереді. Қазақстан Республикасының заңнамалық актілерінде көзделген жағдайларда АҚ-ның ұйымдастырушылық-құқықтық нысанында коммерциялық емес ұйымдар құрылуы мүмкін. АҚ (АҚ-ның ұйымдық-құқықтық нысанында құрылған коммерциялық емес ұйымнан басқа) облигациялар мен басқа да бағалы қағаздар түрлерін шығаруға құқылы. Қазақстан Республикасының заңнамалық актілері арқылы қызметтің жекелеген түрлерін жүзеге асыратын ұйымдар үшін АҚ-ның ұйымдық-құқықтық нысаныныңміндеті белгілене алады. АҚ-ның ұйымдық-құқықтық нысанын көрсететін «акционерлік қоғам» атауын көрсететін фирма атауы болады. AҚ атауын AҚ атауынан кейін тұратын «AҚ» аббревиатурасын пайдаланып қысқартуға болады. Акция – акционерлік қоғам шығарған және акционерлік қоғамды басқаруға қатысу құқығын куәландыратын, оған дивидендтер және қоғам таратылған кезде оның мүлігінің бір бөлігін алу құқығын, сондай-ақ «Акционерлік қоғамдар туралы» Қазақстан Республикасының Заңында және Қазақстан Республикасының өзге де заңнамалық актілерінде көзделген басқа да құқықтар беретін бағалы қағаз. Алым – мемлекеттік мекемелер көрсететін қызметтері үшін кәсіпорындар, ұйымдар, мекемелер мен жекелеген тұлғалардың төлейтін міндетті төлемдері. жүктеу/скачать 4.43 Mb. Достарыңызбен бөлісу:
|