| Қазақ тілі пәні бойынша 9-сыныпқа арналған ІІІ тоқсандық диктант
Мақсаты: оқушылардың ойлау қабілеттерін дамыту, тыңдай білу және сауатты жазуларын қадағалау
Абай мұражайы
Абайдың мемлекеттік тарихи-мәдени және әдеби-мемориалдық қорық мұражайы–ақынның туғанына 95 жыл толуы қарсаңында 1940 жылғы 1-сәуірдегі қаулысы бойынша ұйымдастырылды. 1995 жылы Абайдың 150 жылдық мерейтойына орай Абай мұражайы мемлекеттік тарихи-мәдени және әдеби-мемориалдық «Жидебай-Бөрілі» қорық-мұражайы болып қайта құрылды.
Мұражай экспозициясы келесі залдардан тұрады: «Абай және оның дәуірі», «Абай шығармашылығы», «Абай шығармашылығының қайнар бұлақтары», «Абай аудармалары мен музыкалық мұрасы», «Шығыс поэмалары», «Ескендір поэмасы», «Күмбезді зал», «Жыл мезгілдері», «Жаз өлеңіне арналған панорамалық заң», «Тақырыптық көрмелер залы», «Ақындық айналасы», «Абай халық жүрегінде», «Сыйлықтар залы».
Абай қорық-мұражайы қорында 20 мыңнан астам жәдігері, 12 950 кітабы бар ғылыми кітапхана және көшірме жасайтын ғылыми-техникалық бөлім бар.
(Ғаламтор желісі.108 сөз)
Қазақ тілі пәні бойынша 9-сыныпқа арналған ІІІ тоқсандық
бақылау жұмысы
Мақсаты: оқушылардың лексикадан, грамматикадан алған білімдерін тексеру.
Лексикалық тапсырмалар.
1. Төмендегі сұрақтарға жауап беріңіздер.
Мұражайдың рөлі қандай?
Сендер тұратын қалада, ауылда қандай мұражайлар бар?
Қандай мемориалдық мұражайларды білесіңдер?
2. ҚР мұражайларын атаңыздар.
3. «Өнер» сөзін қатыстырып мақал-мәтелдер құрастырыңыздар.
4. «Мен Бұқар жырау мұражйындамын» тақырыбына диалог құрастырыңыздар.
5. «Қазақстан» телеарнасы арқылы көрсетілетін бір бағдарлама жайында баяндаңыздар.
Грамматикалық тапсырмалар.
1. Бастауыш сыныптарда оқып үйренген пәндеріңнен білетін атау мәніндегі сөздерді сала-салаға топтап жазып шығыңыздар. Олардың ішінде қайсысы жаңа сөз болса, сол сөздің астын сызыңыздар.
Үлгі: еңбек құралдары: қағаз, қалам, қарындаш, желім, ермексаз, қайшы, түйме, т.б.
2. Қос сөздерді қатыстырып сөйлем құраңыздар.
Үлгі: Балалар қатар-қатар тұрды.
Қатар-қатар, жөн-жөніне, бет-бетімен, ауызба-ауыз, түп-түгел, қайта-қайта, күннен-күнге, екеу-екеуден, жап-жасыл, жарқ-жұрқ.
3.Төмендегі сөздерді кестеге топтастырыңыздар.
Қос сөздер
|
Біріккен сөздер
|
Кіріккен сөздер
|
Тіркескен сөздер
|
|
|
|
|
Тау-тау, қара торы, жүзбе-жүз, Ақтөбе,ата-ана, Екібастұз, түйеқұс, Павлодар қаласы, жолбарыс, бала-шаға, саңырауқұлақ, кемпірқосақ, биыл, қызыл алма, сорт алаңы, жан-жануар, сөз таптары, үш жүз, бүгін, тарс-тұрс.
4. Сөздерден өздік етіс жасаңдар да, оларды қатыстырып, бірнеше сөйлем құрастырыңыздар.
Үлгі: сүрт-ін
Сүрт, жасыр, сайла, сал, жу, көр, мақта, тазала, гүлде, жасыр, сұра.
5. Хабарлы, сұраулы, лепті сөйлемдерді қатыстырып, диалог құрастырыңыздар.
Достарыңызбен бөлісу: |
