Минсизадамжок indd
жүктеу/скачать 6.16 Mb. Pdf көрінісі
|
| ҚАЖЫҒАН АСПАЗ
Мектептен соң Аружан домбыра сабағына қатысу үшін Зәуреш апайдың үйіне барды . Өткендегі байқаудан кейін бір жеті өткен болатын . Өзі бәрін бүлдірдім деп ойлаған соң, Зәуреш апайдың да менен көңілі қалды деп пайымдады . Аружан есікке қоңырау шалып тұрып, қатты қобалжыды . – Кіре ғой, Аружан, – деді Зәуреш апай, есікті ашып . Қолында ыстық таба . – Қазір ғана бәліш пісіріп едім . Бас сұққан Аружан тәтті бәліш иісі мұрнын жарып бара жатқанын сезді . – Қане, бәліштен ауыз ти . . . – Рақмет . Ол бір шыны сүт ішіп, бәлішті жеп алды . Бос ыдысты үстелге қойды да, мұғаліміне: – Өткенде күйді қате орындағаным үшін кешірім сұраймын, – деді . Сол кезде көзіне мөлдіреп жас келіп қалған еді . – Оның несіне уайымдайсың, – деді Зәуреш апай . – Бәрі де қателеседі . Аружан Зәуреш апай дәл бұлай айтады деп күтпеп еді . – Тіпті үздік күйшілер де ара-тұра қателесіп қалады . Олар қателескенде не істейтінін білесің бе? Аружан басын шайқады . – Әрі қарай ойнай береді . Сендей кезімде домбыра мұғалімі айтып берген оқиға есіме түсті . Айтып берейін бе? – Иә . 36 – Баяғыда түрлі тәтті-тұрым дайындайтын аспаз өмір сүріпті . Халық оның балдай тәтті бәліштерін және балкүлшелерін жақсы көреді екен . Ол тіпті құлпынай қосқан бәлішті дайындау жарысында үш жыл қатарынан бәйге алыпты . Аспаз әркез ең үздігі болсам деп жанталасыпты . Ірімшік бәліші жеп-жеңіл әрі үгіліп тұрғанда, өзге бәліштер қытырлап піскенде тоқ кө- ңілмен сатуға кірісетін . Бірақ оның да тәттісі күйіп кететін кездер көп еді . Кейбір бәлішке қантты көбірек қосып жіберуі де мүмкін . Мұндай кезде аспаз оларды қоқыс жәшігіне тастай салатын . Қызарақтап, өзін-өзі кіналап, күйгелектеніп кететін . Сөйте-сөйте сіркесі су көтермейтін ашушаң болып алды . Тәтті-тұрымды қуана пісіретін мейрімді аспаздың мінезі өзгеріп бара жатты . Бірде дүкенге бір әйел кірді . Қандай тәтті-тұрымды сатып аларын білмей кідіріп қалды . Аспаздан: «Сізге қай өніміңіз ұнайды?», – деп сұрады . Аспаз не айтарын білмеді . Ол ашуланамын, күйгелектенемін деп жүріп, өзі пісірген тәттілердің дәмін татып көруді де ұмытқан екен . Баяғыда өзі жақсы көретін құлпынай қосқан бәлішінің де дәмі таңдайында 37 қалмапты . «Білмеймін, бірақ құлпынай күлшесі үлкен сұранысқа ие», – деді ол абдырап . Сол кеште аспаз наубайхананы жауып, жинастырып жүріп бірнеше бәліш пен балкүлшесін жеп көргісі келді . Міне, ғажап! Таңдайыңда еритін тәттілер! Тілін үйіретін тәттілерді жеп отырып, ол баяғыда әр тәттісін жасап көрген сайын ерекше қуанатын кезді еске алды . Бүгін сол күндер қайта оралғандай . Бойын қуаныш билеп, наубайхананы сыпырып жүріп билеп алды . Содан шеті сәл күйіп кеткен тәттілерін де қоқыс жәшігіне лақтырмайтын болды . Олар тым дәмді еді! Сатып алушыларға әлгі тәттісін ұсынып, дәм татып көруін сұрайтын . Аспаздың атақ-даңқы аспандап, оның балкүлшесін сатып алу үшін халық түкпір-түкпірінен ағылды да, ісі өркендей берді . . . – Аспаз мықты болып шықты, – деді Аружан еріксіз жымиып, – қателік- тердің де жақсы болғаны ма? Бірақ күйді қате орындағаны еске түсті де, жүрегі сыздап кетті . 38 |