Программа по специальности «5В050300 психология»
жүктеу/скачать 2.08 Mb. Pdf көрінісі
|
- Бұл бет үшін навигация:
- стратегиялық мақсаты
- Оқу-танымдық мақсаты
| Пәнді оқыту мақсаты:
Үйренушілерде көпмәдениетті және көптілді орта жағдайында әлеуметтік мәдени, академиялық және кәсіби салаларда тиімді, дербес қатынас үшін басқа тілді коммуникативті құзырет қалыптастыру бұл бағдарламаның стратегиялық мақсаты болып табылады. Оның практикалық мақсаты күнделікті және академиялық қарым- 17 қатынастағы шынайы жағдайларда, сондай-ақ кәсіби қарым-қатынастағы әдеттегі жағдайда ағылшын тілін қолдану шеберлігін қалыптастырудан тұрады. Оқу-танымдық мақсаты ретінде үйренушілердің танымдық қызығушылығын ынталандыру, олардың когнитивтік қабілеттерін дамыту, танымдық қызметтің стратегиясы мен әдістерін қалыптастыру, ағылшын тілінде оқу жұмысының шеберлігі мен машығы ерекшеленеді. Бағдарламаның білімдік мақсатын аталған мамандық бакалаврларының жалпы мәдениет деңгейін көтеру мен ой-өрісін кеңейту құрайды. Тиісінше, курстың міндетіне мыналар кіреді: - студенттерді «Психология» бойынша жалпы ғылыми, ғылыми- көпшілік және арнайы мәтіндердің жалпы мазмұнын түсіну мен талдауға үйрету; - жалпы ғылыми және арнайы ауызша мәтіндердің жалпы мазмұнын қоса алғанда ағылшын тіліндегі ауызекі тілді түсіну машығын қалыптастыру мен дамыту, олардан кәсіби қызмет үшін қажет ақпараттар алу мен арнайы ауызша мәтіндерді конспектілеуге машықтандыру; - жалпы коммуникативті, академиялық және кәсіби талаптарға сай жазбаша мәтіндерді құру машықтарын қалыптастыру мен дамыту; - пікірталас жүргізу, ақпараттарды ұсыну мен сұрау, ережелерді/тезисті және өз көзқарасын дәлелдеуді қоса алғанда жалпы коммуникативті және кәсіби міндетті шешу үшін қажет сөйлеу машығын дамыту; - аталған жалпы коммуникативті және кәсіби міндетті шешу үшін студенттерге қажетті грамматиканы білу және лексикалық қорды қалыптастыру мен дамыту; - тілдік мәселелерді өз бетінше шешу машығын дамыту; - үйренетін тілдің бір тілді сөздігін қоса алғанда сөздікпен, анықтамалықтармен, мультимедиялық және интернет-ресурстармен жұмыс жасау машығын қалыптастыру мен дамыту; - күнделікті және кәсіби саладағы көпмәдениетті қарым-қатынас жағдайында шет тілін тиімді қолдану мақсатында мәдениетаралық құзыретті қалыптастыру мен дамыту. Осы міндеттерді ойдағыдай орындау түпкі мақсатқа – кәсіби бағдарланған басқа тілді коммуникативті құзыретті қалыптастырудың тұрақты жүйесін жасауға алып келеді, ол үйренушілердің білімін жалғастыруда, сондай-ақ еңбек нарығында білім мобильділігін іске асыруда бәсекелі басымдықты қамтамасыз етеді. жүктеу/скачать 2.08 Mb. Достарыңызбен бөлісу:
|