«Көркем еңбек» пәні оқу бағдарламасының мақсаты – жеке тұлғаның қалыптасуы және өз ойын білдіруінің негізі ретінде, рухани – адамгершілік мәдениетін дамыту, шығармашылық, кеңістік – образдық ойлаудың, көркемдік – технологиялық білімнің негізін қалыптастыру.
«Көркем еңбек» пәнінің міндеттері:
әр түрлі кіріктіру іс – әрекеттері арқылы, пәндік білімдерді, дағдыларды және қабілеттерді дамыту;
ұлттық және әлемдік көркем мәдениеті мен, өнер шығармаларымен таныстыру арқылы құндылық бағыттарын қалыптастыру;
оқушылардың визуалды және эстетикалық қабылдауын, сыни ойлауын дамытуға, терминдер мен түсініктерді меңгеріп өнердің түрлері мен жанрлары жайлы білімді қолдану;
бақылау, эксперимент жүргізу және көрсетілім жасау арқылы зерттеу дағдыларын дамыту;
әр түрлі материалдар мен құралдарды қолдану арқылы шығармашылық жұмысты жасау дағдыларын меңгеру;
өзін – өзі бағалауды жоғарылату және жағымды көзқарасты қалыптастыру;
коммуникацияның бір тілі ретінде ұлттық және әлемдік мәдениет мұраларының мағынасын, сонымен қатар көркем еңбектің рөлін түсіну;
өз жұмысын жасау үшін, әр түрлі ақпарат түрлерін (іздеу, жинау, сұрыптау) бағдарлау қабілетін дамытуға ықпал жасайтын, әр түрлі танымдық, коммуникативтік, ұйымдастырушылық және адамгершілік сипаттағы міндеттерді өздігімен шешу тәжірибелерін қалыптастыру;
ұжымдық, топтық және жеке жұмыстарды орындау үдерісінде қолдың моторикасын, сенсорикалық, қиялдауы мен шығармашылығын елестетуін және қабылдауын дамыту;
Оқу үрдісінде оқушылар:
ұлттық және әлемдік мәдениет шығармаларын, олардың идеялары мен құндылықтарын зерделейді және талдайды;
шығармашылық жұмысты жасау үшін материалдар мен құралдарды дербес және сенімді қолданады, материал қасиеті мен жұмыс нәтижесінің ерекшелігі арасындағы байланысты түсіндіреді;
өз идеясын түсіндіреді және тұжырымдайды, сонымен қатар бұйымды жақсарту үшін конструктивті шешім қабылдауды ұсынады;
жазық және көлемді шығармашылық жұмыстарды жасау үшін, әр түрлі іс – әрекет түрлерінен жинақтаған білімді және дағдыны қолданады;
өздігінен, әр түрлі ресурстарды пайдаланып, оның ішінде АКТ – ны қолдана отырып, танымдық, коммуникативтік ұйымдастырушылық және адамгершілік сипаттағы міндеттерге байланысты шешімдерді өздігінен қабылдау;
қажетті құралдар және материалдарды айқындап және тауып, өзінің әрекетін ұйымдастырады;
өзінің және басқалардың жұмыс нәтижелерін салыстырады және бағалайды;
әр түрлі материалдар мен құралдарды қолданудағы техникалық қауіпсіздік ережесін сақтаудың маңыздылығын түсінеді және сезінеді.
«Көркем еңбек»пәні бойынша 3 – сыныпта оқу жүктемесінің көлемі – аптасына 1 сағат, оқу жылында 36 сағатты құрайды.
Достарыңызбен бөлісу: |
