Қоғамдық тамақтандырудың Еңбек осы Кодексте пайдаланылатын негізгі ұғымдар

Арнайы қоймаларға сапасы жоғары және сол артықшылығын куәландыратын куәлігі мен сертификаты бар азық – түлік қана қабылдануға тиіс. Ірі қоғамдық тамақтандыру орындары мен сауда мекемелерінен тағам өнімдерін бір – бірінен оқшау, оңаша сақтауда талап ету жөн. Себебі олардың бірге сақталуы сапасына зиянын тигізуі әбден мүмкін. Нан және нан – тоқаш өнімдерін, құрғақ көкөністі, картопты, ет пен сүтті, май мен балықты қоятын жеке – жеке арнайы қоймалар болуы шарт. Қай жерде де шикі тағамды піскен тағаммен, сапалы тағамды сапасы төмен тағаммен бірге сақтауға тиым салынады. Сапасы төмен, бұзылған азық – түлік сұрыпталған күйі арнайы орында сақталуы керек. Сол секілді құрғақ тамақ өнімдерін ылғалдылығын жоғары тағамдармен бірге сақтауға болмайды. Себебі құрғақ тағамға ылғал сіңіп, бұзылып кетуі кәдік. Азық – түлікті бір – бірінің үстіне үйіп, ретсіз қоюға жол жоқ. Олар арнайы қойма текшелерінде арақашықтығы 70 см күйде сақталуы тиіс. Бұл қойма бөлмелерін тазалауға да, желдетіп тұруға да қолайлы. Кептірілген ет, шұжық, қайнатылған тосап, қақталған балық арнайы ілгіштерге ілініп, жоғары қойылуы керек. Ілінген ет бір – біріне тиіп тұрмауға тиіс. Тоңазытылған ет тағамдары текшеде жеке сақталады. Мұздатқыш бөлмелерде ет тағамдары бір қатарға қойылады. Тоңазытылған, буланған балық тағамдарын астауларда, кәуектерде, жәшіктерде сақтайды. Буланған балыққа ұсақталған мұз сеуіп тастайды. Кепкен, қатқан балықты арнайы ілгішке іледі. Кейбір қосымша тағам мен құс етін ағаш жәшіктерге, желдетуге ыңғайлы ағаш сатыларға қойып сақтайды. Ет, май, сүт, ұн, қант сияқты иісті өзіне тез тартатын тағамдарды балық,темекі сияқты заттармен бірге ұстауға болмайды. Түйіршікті, дәнді азық – түлік арнайы қалталарға салынып, сатылы текшелерге қойылады. Акз мөлшердегі түйіршікті өнімдер қоғамдық тамақтану орындарында қақпаға жабылатын үлкен ағаш жәшікте, сандықта ұсталады. Көкөніс пен картопты температурасы 0 – 2* С (картоп) және 5 * С (көкөніс) арнайы қоймаларда сақтайды. Бұларды қоғамдық тамақтану мекемелерінде ұстау мерзімі 2 – 5 күннен аспауы керек. Әйтпесе бұзылып, жарамсыз болып қалуы қалады. Кейбір қосымша өңдеуден өтпей бірден пайдалануға арналған (май, шұжық, нан - тоқаш) тағам өнімдерін сақтауға өте қатаң талап қойылуы тиіс. Азық түлікті сақтау оларды кеміргіштерден, шыбыннан, т.б. зиянкестерден қорғауды қажет етеді. Қойма қабырғалары кеміргіштер тесе алмайтын болғаны дұрыс. Едендегі және басқа да қосымша жүйелердегі тесіктерді цементтеп, темірмен, кірпішпен бекіту қажет. Қоймалардың желдеткіштері темір тормен, терезелерді әйнектермен бітелуі жөн. Кеміргіштермен күресу үшін қақпан, тор құрылады.