Тасымалдау тізбектеріндегі көліктің МӘНІ
жүктеу/скачать 248.07 Kb. Pdf көрінісі
|
|
Қатынас түрлері: - ішкі су қатынасы – бір өзен қатынасы шегінде; - тура ішкі су қатынасы – екі немесе бірнеше аралық өзен қатынасының шегінде; - тура су қатынасы – өзен және теңіз қатынасының қатысуымен; - тура аралас қатынас – мысалы, теміржол-су, су-автомобиль. Партия көлемі: кемелік, жинақтық, ұсақ. Кемелік партия – бір жүкқұжатпен өткізілетін атауы бірдей жүк, сонымен қатар, жеке кемені оның техникалық нормасына дейін толық жүктелуі үшін жеткілікті көлемде бір пунктке жеткізілетін екі немесе одан да көп жүкқұжаттар бойынша өткізілетін біртекті жүктер. Жинақтық партия массасы 20 тоннадан артық және 1) бір кемені жүктеуге жетпейтін көлемде; 2) бір кемені жүктеуге жеткілікті, бірақ, әртүрлі пункттерге апарылатын немесе бір жүкті екіншісінен бөлек орналастыруды қажет ететін әртүрлі жүк қабылдаушылар пункттеріне жеткізуге жеткілікті көлемдегі жүктер. Ұсақ партиялар бір жүкқұжат бойынша салмағы 20 тоннадан аспайтын жүктер. Жеткізу жеделдігіне байланысты жеткізудің жоғары жылдамдығы және жеткізудің жүк жылдамдығы болып бөлінеді. Теңіз көлігі Теңіз тасымалы тасымал, жүзу және қатынас түрлері бойынша жіктеледі. Тасымал түрлері бойынша жүк тасымалдары құрғақ жүкті және құйылатын болады. Жүзу түрі бойынша шағын, үлкен каботаж және шекаралық жүзу болып бөлінеді. Шағын каботаж деп басқа мемлекеттердің аумақтық суларына кірмей бір немесе екі аралық теңіз бассейндерінде шекаралық кемелердің жүзуі де аталады. Үлкен каботаж әртүрлі теңіз бассейндеріне жататын бір мемлекеттің порттары арасында кемелердің жүзуі. Теңіз көлігінде портаралық, тура су және тура аралас қатынас түрлері болады. Портаралық қатынаста жүк бір теңіз портынан өзен портына дейін тасымалданады, жүкті теңіз жолында теңіз кемелері, ал өзен жолында өзен кемелері тасымалдайды. Тура аралас қатынаста бірнеше көлік түрлері қатысады. Теңіз көлігінде флот жұмысын ұйымдастырудың екі формасы ұйымдастырылады: сызықтық (тұрақты) жүзу, рейстік (тұрақсыз) жүзу. Аралас қатынастарда жүктерді тасымалдау сипаттамасы. Тура аралас тасымалдар теміржол-су (теміржол-теңіз және теміржол-өзен), теміржол-автомобиль, тура су (өзен-теңіз), су-автомобиль. Маршруттармен және вагон топтарымен жіберілген ақтарылма және үйілме жүктерді темір жолдар тура тасымалға тек бір жүкті алмастыру пункті арқылы, бір жүкқұжатпен тура аралас теміржол су қатынасында тасымалдауға қабылдай алады. Тасымалдайтын порт (станция) жүкқұжатта жүк жөнелтушімен тасымалдың айлық жоспарына сәйкес белгіленеді. Теміржол арқылы тасымалданатын жүк жолы теміржол станциясының жүкқұжатында көрсетіледі. Жолдар мен кеме қатынасы вагондар мен кемелерді жүкті алмастыру пунктіне үзіліссіз және біркелкі беріп отыруы керек. Тура аралас теміржол-су қатынасында жүктерді тасымалдау кезінде жылжымалы құрамды беруді ұйымдастырудың үш нұсқасы қолданылады: - поездтар мен кемелердің жүкті алмастыру пунктіне келуімен келісілген кесте бойынша; - тәулік кезеңі бойынша (теміржол және су көлігінде үлкен қашықтықта жылжымалы құрамның берілуі жарты тәулікке, ал қысқа қашықтықта тәуліктің төрттен бір бөлігіне жоспарланады); - келу уақытын келіспей ұйымдастыру. Бұл жағдайда уақыт жылжымалы құрамның жақындап қалған кезінде өзара ақпарат алмасу арқылы белгіленеді. Бұл нұсқада жүктер көбінесе қоймаларға жіберіледі, жүктердің жартысы басқа көлік түріне қайта тиелуі мүмкін. Әр жүкті алмастыру пунктінде жұмыс тәртібі мен жүкті беру тәртібі жолмен және кеме қатынасымен бір жылға дейін келісілетін басты келісіммен (тасымал ережесі негізінде) белгіленеді. жүктеу/скачать 248.07 Kb. Достарыңызбен бөлісу:
|