Тасымалдауды ұйымдастыру және қОЗҒалысты басқару
Пойыздардың жүріс графиктерін жіктеу
жүктеу/скачать 5.59 Mb.
|
| Пойыздардың жүріс графиктерін жіктеу.
Пойыздардың жүріс жылдамдығына қарай параллельді және параллельді емес (қалыпты) графиктер деп бөлінеді. Параллельді графиктерде әрбір бағыттың пойыздары бірдей жылдамдықпен жүреді, сондықтан олардың жүріс сызықтары өзара параллель болады. Әдеттегі пайдалану жағдайында жүріс қалыпты графиктермен атқарылады, өйткені жүк және жолаушылар пойыздары әр түрлі жылдамдықпен жүреді. Аралықтардағы басты жолдардың санына қарай графиктер былайша бөлінеді: • даражолды график – басты жол екі бағытта жүру үшін пайдаланылады және пойыздар станциялар мен айрылымдарда ғана кездесіп айырылыса алады; • қосжолды график – әр түрлі бағыттың пойыздары мамандандырылған жолдармен бір-бірінен тәуелсіз жүреді, олар станциялар мен озба бекеттерде ғана емес, аралықтарда да кездесіп айырылыса алады; • көпжолды график (басты жолдардың саны мен олардың мамандануына қарай) – басты жол үшеу болатын жағдайда даражолды және қосжолды графиктен немесе басты жол төртеу болатын кезде – екі қосжолды графиктен тұрады; • даражолды-қосжолды график, яғни даражолды және қосжолды аралықтардан немесе қосжолды айырымдардан тұратын телімдегі график – пойыздардың бір бөлігі қосжолды аралықтарда немесе қосжолды айырымдарда тоқтамастан айырылысады, ал қалғандары – тарам жолды бекеттерде айрылысады. Жолай жүру бағытындағы пойыздардың орналасуына қарай графиктер мынадай болуы мүмкін: • әдеттегі (пакеттік емес) график – даражолды телімдегі пойыздар аралықтарда жүріс бағыты өзгертіліп алма-кезек салынады; • топтама (пачкалы) график – жолай бағыттағы пойыздар станциялық ара қашықтықпен бөлініп жүреді (пойыз жүрісінің аралықтағы уақыты мен жолай жүрісті станциялық интервалмен). Бұл бұрынырақ жөнелтілген пойыз алда тұрған станцияға келмейінше, аралыққа пойыз жөнелтуге болмайды дегенді білдіреді, яғни аралықта бір уақытта бір ғана пойыз болуы тиіс. Бұл график жартылай автоблокировкамен жабдықталған қосжолды телімде және даражолды телімде – тақ графикте қолданылады; • пакеттік график – мұнда жолай бағыттағы пойыздар автоблокировкада (диспетчерлік орталықтандыруда) блок-аралықтармен шектеледі, немесе блок-қосындары бар жартылай автоблокировкада – қосынаралықтармен шектеледі. Бұл жағдайда станциялар арасында бір уақытта пакет түзетін бірнеше жолай пойыздар болуы мүмкін. жүктеу/скачать 5.59 Mb. Достарыңызбен бөлісу:
|