Вақтни тежаш қонуни. Амалга оширилаётган бошқарув
ҳаракатлари, демак, қўйилган мақсадларга эришиш самарадорлиги
менежментнинг бозор эҳтиёжларига жавоб қайтариш тезлиги билан
белгиланади. Менежернинг рақобатчи томонга нисбатан қисқароқ
вақт ичида қарор қабул қилиши ташкилот ишининг якуний
натижаларига ижобий таъсир кўрсатади. Вақтни тежаш қонуни
ташкилотни, халқ хўжалиги тармоғини, қўйинг-ки, бутун давлатни
бошқаришда муҳим аҳамият касб этади.
Менежмент қонуниятлари менежмент асосий қонунларининг
мантиқий кетма-кетликда намоён бўлиши сифатида кейинчалик
саволларга бериладиган жавоблар орқали очиб берилади.
|
