Дисперсті жүйенің коагуляциясы

Коллоидты бөлшектердің ірілену жылдамдығы әртүрлі. Мысалы, алтын сияқты асыл металдардың золі өте тұрақты, ал кейбір топтағылар айлап, апталап, тәуліктеп қана өзгерссіз қалады, келесі бір топтағылар тұрақтылығы сағатпен, мин, сек-пен өлшенеді. Коллоидты ерітінділердің термодинамикалық тепе-теңсіздігі мен олардың бұзылу жылдамдықтарының араларында белгілі бір тәуелділік жоқ. Мұндай өзгерістерді тек жекеленген коллоидты жүйедегі бөлшектердің ірілену механизмін нақтылы зерттеп қана сипаттауға болады.

Коллоидты ерітінділердің дисперстілігін азайтудың екі тәсілі бар

1. 
   Қайта кристалдану кезінде кездесетін ұсақ бөлшектердің ірілерге келіп енуімен жүзеге асады.
   
2. 
   Дисперсті фазадағы бөлшектердің бір-біріне жабысуы және оны коагуляция, яғни коллоидты ерітіндінің ұюы деп атайды.