1 Калий хлоридінің 14,9 дық 240 г ерітіндісінің электролизі кезінде
жүктеу/скачать 15.78 Kb.
|
|
1) Калий хлоридінің 14,9 %-дық 240 г ерітіндісінің электролизі кезінде анодта 4,48 л (қ.ж.) газ бөлініп шықты. Электролизден кейінгі ерітіндідегі заттардың массалық үлестерін табу (жауабы: 9,94 % KOH; 2,64 % KCl). 2) Натрий хлоридінің 200 г 14 %-дық ерітіндісінің электролизі катодта 5,6 л (қ.ж.) газ бөлінгенше жүргізілді. Электролизден кейінгі ерітіндіге күміс нитраты ерітіндісінің артық мөлшері қосылды. Осы кезде түзілген тұнбадағы заттардың массалық үлестерін табу (жауабы: ω(Ag2O) = 66,9 %; ω(AgCl) = 33,1 %). 3) Мыс (II) сульфатының 10 %-дық 96 г ерітіндісін толық электролизге ұшыратылды. Осыдан кейін түзілген ерітінді арқылы 1344 мл (қ.ж.) аммиак өткізілді. Алынған ерітіндідегі тұздың массалық үлесін есептеу (жауабы: ω(NH4HSO4) = 7,48 %). 4) Литий хлоридінің 34 г 5 %-дық ерітіндісінің толық электролизі нәтижесінде түзілген хлор темір (II) хлориді ерітіндісі арқылы өткізілді. Хлор толығымен әрекеттеседі және құрамында 13 % бір ғана тұз бар ерітінді түзілді. Бастапқы ерітіндідегі темір (II) хлоридінің массалық үлесін есептеу (жауабы: 10,46 %) 5) Калий сульфидінің 15 %-дық 88 г ерітіндісінің электролизі катодта 3,36 л (қ.ж.) газ бөлінгенше жүргізілді. Электролизден кейінгі ерітінді 50 г сумен сұйылтылды, содан кейін оған 10,56 г көмірқышқыл газы жіберілді. Соңғы ерітіндідегі тұздың массалық үлесін есептеу (жауабы: ω (KHCO3) = 16,67 %). 6) Натрий бромидінің 42 г ерітіндісінің электролизі анодта бромның бөлінуі тоқтағанша жүргізілді. Алынған ерітіндіге мыс (II) сульфатының 130 г 8 %-дық ерітіндісі қосылды, осы кезде массасы 5,88 г тұнба түзілді. Соңғы ерітіндідегі заттардың массалық үлестерін есептеу (жауабы: ω(Na2SO4) = 5,45 %; ω(CuSO4)қалған = 0,51 %). 7) Мыс (II) нитратының 300 г ерітіндісінің ішінара электролизі кезінде құрамында 4,5 % мыс (II) нитраты бар 288 г ерітінді алынды. Бастапқы ерітіндідегі мыс (II) нитратының массалық үлесін есептеу (жауабы: 13,72 %). 8) Натрий сульфидінің 120 г 3,9 %-дық ерітіндісінің электролизінен кейін алынған ерітіндіге 2,87 г мырыш купоросы (ZnSO4⋅7H2O) қосылды. Тұнбаның мүмкіндігінше максимал массасы түсу үшін алынған ерітіндіге 10 %-дық тұз қышқылының қанша грамын қосу керек? (жауабы: 36,5 г). 9) Электролиз жүргізу үшін (инертті электродтарда) 500 г 16 %-дық мыс (II) сульфаты ерітіндісі алынды. Анодта 1,12 л (қ.ж.) газ бөлінгеннен кейін процесс тоқтатылды. Алынған ерітіндіден массасы 98,4 г порция бөлініп алынды. Мыс иондары толығымен тұнбаға түсу үшін ерітіндінің бөліп алынған порциясына 20 %-дық натрий гидроксиді ерітіндісінің қандай массасын қосу керек? (жауабы: 40 г). 10) Электролиз жүргізу үшін (инертті электродтарда) 282 г 40 %-дық мыс (II) нитраты ерітіндісі алынды. Ерітінді массасы 32 грамға азайғаннан кейін процесс тоқтатылды. Алынған ерітіндіге 140 г 40 %-дық натрий гидроксиді ерітіндісі қосылды. Алынған ерітіндідегі сілтінің массалық үлесін табу (жауабы: 2,16 %). 11) Күміс нитратының 400 г 8,5 %-дық ерітіндісінің электролизі ерітінді массасы 25 грамға азайғанша жүргізілді. Электролиз аяқталғаннан кейінгі ерітіндідегі қосылыстардың массалық үлестерін және инертті электродтарда түзілген заттардың массаларын табу (жауабы: ω(HNO3) = 3,36 %; 21,6 г Ag; 0,2 г Н2; 3,2 г О2). Ескерту: «толық электролиз» ерітіндіде тұз біткеннен кейін электролиз тоқтатылатынын көрсетеді. жүктеу/скачать 15.78 Kb. Достарыңызбен бөлісу:
|