2016 жылғы 1 қаңтардағы облыс бюджетінің атқарылуы туралы

2016 жылдың 1 қаңтар айында облыс бюджетіне 251100,5 млн.теңге болжаммен 250778,2 млн.теңге кірістер түсті, соның ішінде 161282,3 млн.теңге сомасы республикалық бюджеттен берілген субвенция мен нысаналы трансферттерді құрады.

Меншік кірістері

қарыздардың түсімі

Субвенция

Нысаналы трансферттер

Қаржылық активтерден сатудан түскен түсімдер

Жыл қорытындысы бойынша төлем көзінен салық салынатын табыстарға салынатын жеке табыс салығы (96,1%), төлем көзінен салық салынбайтын табыстардан ұсталатын жеке табыс салығы (95,2%), әлеуметтік салық (98,9%), жеке тұлғалардың мүлкіне салынатын салық (98,5%), заңды және жеке тұлғалар бөлшек саудада өткізетін, сондай-ақ өзінің өндірістік мұқтаждарына пайдаланылатын дизель отыны (99,6%), мамандандырылған ұйымдардан басқа, заңды тұлғаларға жергілікті бюджеттен берілген бюджеттік кредиттер бойынша сыйақылар (99,7%), ішкі істер департаменттері салатын әкімшілік айыппұлдар, өсімпұлдар, санкциялар (72,7%),

жергілікті бюджеттен қаржыландырылатын мемлекеттік мекемелер салатын айыппұлдар, өсімпұлдар, санкциялар (92,2%) басқа, кіріс көздерінің барлық түрлері бойынша қол жеткізілді.

Облыстық бюджетке 2016 жылғы 1 қаңтардағы жағдай бойынша 36361,2 млн.теңге болжаммен 35193,8 млн.теңге меншік кірістері түсті, болжамның орындалмауы 1167,4 млн.теңгені құрады.

жеке табыс

әлеуметтік салық

бекітілген кірістер

субвенция

трансферттер
Республикалық бюджеттен алынған нысаналы трансферттер мен субвенцияларды ескере отырып, барлық деңгейлер бюджеттерде бекітілген бағдарламаларды іске асыруға 248274,0 млн.теңге жұмсалды.

Облыстың мемлекеттік мекемелерді ағымдағы ұстауға 204216,1 млн.теңге жұмсалды, даму бюджеттік бағдарламаларына - 44057,9 млн.теңге бағытталды.

Облыстың білімі беруіне 80425,5 млн.теңге немесе 99,3% жұмсалды, оның ішінде:

- мектепке дейінгі тәрбиелеу және оқыту ұйымдарының қызметін қамтамасыз ету және қолдау көрсетуге –8408,4 млн.теңге;

- облыстың қалалары мен аудандарындағы жалпы білім беруге – 47136,9 млн.теңге, соның ішінде мектеп, гимназиялар, лицейлер, бастауыш, негізгі орта және жалпы орта білім беру профильді мектептер, мектептер-балабақшаларға – 43805,1 млн.теңге, арнайы білім беру оқу бағдарламалары бойынша жалпы білім беруге – 1714,9 млн.теңге, мамандандырылған білім ұйымдарына дарынды балаларға жалпы білім беруге – 1616,9 млн.теңге;

- техникалық және кәсіптік білім беруге және оқыту – 7314,9 млн.теңге.

Сонымен қатар, ағымдағы кезеңде облыстық бюджеттен ағымдағы кезенге жетімдерді, ата-анасының қамқорынсыз қалған балаларды  әлеуметтiк қамсыздандыруға (балалар үйлер, баспаналар, отбасы үлгісіндегі  балалар ауылдары, патронат тәрбиешілерге берілген баланы (балаларды) ұстауға 1264,5 млн.теңге бағытталды, яғни 99,4% құрайды.

Денсаулық сақтау бойынша 12 айдың қорытындысы бойынша атқарылу 45266,5 млн.теңге немесе 100%-ды құрады. Диабет, онкологиялық, гемофилиямен ауыратындарды, ЖИТС инфекциясын жұқтырған, гематология, сондай-ақ, халыққа иммунды алдын алу жүргiзу үшiн вакциналарды және басқа иммундық-биологиялық препараттарды орталықтандырылған сатып алуға 7293,2 млн.теңге қаражат жұмсалды. Жергілікті бюджет қаражаты есебінен тегін медициналық көмектің кепілдік берілген көлемін қайтаруға шығындарды ағымдағы қаржыландыруға 11152,4 млн.теңге жұмсалды. Республикалық бюджеттен берілген трансферттер есебінен аудандық және ауылдық маңызы бар денсаулық сақтау субъектілерінің тегін медициналық көмектің кепілдік берілген көлемі шеңберінде халыққа медициналық көмек көрсетуге және ТМККК шеңберінде бекітілген халыққа амбулаториялық-емханалық көмек көрсетуге 19191,9 млн.теңгені құрады. Онкологиялық ауруларға тегін медициналық көмектің кепілдік берілген көлемі шеңберінде көмек көрсетуге республикалық бюджеттен берілетін трансферттер есебінен 3622,9 млн.теңге жұмсалды.

2015 жылы жекелеген санаттағы қажет ететін азаматтарға жәрдемақылар төлеу жүзеге асырылуда: тұрғын үй көмегі – 181,9 млн.теңге, мемлекеттік атаулы әлеуметтік көмегі – 161,1 млн.теңге, 18 жасқа дейінгі балаларға мемлекеттік жәрдемақылар – 491,6 млн.теңге қарастырылды.

Жұмыспен қамту бойынша игеру жоспардың 1176,2 млн.теңгесінің 1175,4 млн.теңге сомасында 99,9%-ды құрады.

2015 жылы білім объектілерін дамытуға республикалық және облыстық бюджеттер қаражаттары есебінен 9364,9 млн.теңге қарастырылды, соның есебінен Зырян ауданының Зырян, Риддер қаласы, Аягөз ауданы Аягөз қаласы, Абай ауданы Қарауыл ауылы, Үржар ауданы Үржар ауылының балабақшалар, Бесқарағай, Глубокое, Жарма, Зырян, Катонқарағай, Тарбағатай, Үржар аудандары мен Өскемен қаласының балабақшалар құрылысы жалғастырылатын болады. Есеп беру кезеңінде 9311,8 млн.теңге игерілді.

Сондай-ақ, республикалық бюджеттен берілетін трансферттер есебінен облыс өңірлеріндегі жедел медициналық көмек стансасы мен Өскемен қаласындағы 200 төсекті балалар ауруханасының құрылысы бойынша құрылыс жұмыстары жалғастырылатын болады, оларға 293,6 млн.теңге жоспарланып, оның 293,6 млн. теңгесі немесе 100%-ға игерілді.

Облыстық бюджет қаражаты есебінен Өскемен қаласындағы облыстық қан орталығы, Семей қаласының жедел медициналық көмек стансасының құрылысына, Семей қаласының жедел медициналық көмек стансасы құрылысы (қоса қаржыландыру), Семей қаласындағы облыстық онкологиялық диспансерінің радиологиялық орталығының құрылысы (1 және 3 кезек), Бородулиха, Бесқарағай, Глубокое, Зайсан, Ұлан, Күршім, Катонқарағай, Тарбағатай, Шемонаиха аудандарындағы және Семей қаласындағы 20 келішілерге арналған 15 дәрігерлік амбулаториясының құрылысы, Ново-Канайка ауылындағы облыстық психоневрологиялық аурухана құрылысына арналған ЖСҚ әзірлеу және Өскемен қаласындағы халықтар достығы көшесі, 1 бойынша 212 келушілерге арналған емхана ретінде ғимаратты қайта жаңартуға 2205,6 млн.теңге сомасында шығыстар жоспарланған, есепті кезеңде 2140 млн.теңге немесе 97%-ға игерілді.

Есеп беру жылы әлеуметтік қамсыздандыру объектілерін дамытуға Зырян ауданының Грехово кентіндегі мүмкіндіктері шектеулі тұлғалар үшін оңалту орталығы ретінде Грехов кенішінің әкімшілік-шарушылық корпусының ғимаратын қайта жаңартуға (қоса қаржыландыру), Семей қаласындағы мүгедек балалар үшін оңалту орталығының құрылысына ЖСҚ әзірлеу, Шемонаиха ауданы Выдриха ауылындағы Уба шипажайының 100 орынды асханасы, акт залы, емдеу корпусының құрылысына 54,4 млн.теңге жоспарланды.

Облыстық бюджетте мәдениет және спорт объектілерін дамытуға Өскемен қаласындағы қазақ драма театрының құрылысына, Катонқарағай ауданының және Бесқарағай ауданы Бесқарағай ауылындағы 160 көрермен орны бар дене шынықтыру және спорт кешені, Семей қаласындағы Абай атындағы әмбебап кітапханасының ғимаратын қайта жаңарту, Катонқарағай ауданы Үлкен Нарын ауылының және Бесқарағай ауданы Бесқарағай ауылының 160 көрерменге арналған дене шынықтыру-сауықтыру кешенінің құрылысына және Өскемен қаласындағы Темирязев көшесі, 177 бойынша қалпына келтіру орталығымен мен тенажер залы бар ойнау спорт залы, Зайсан ауданының Зайсан қаласының ипподромы құрылысына 444,8 млн.теңге сомасында қаражаттар қарастырылды. Есеп беру кезеңінде 93%-ға игерілді.

Ішкі істер органдарының базаларын нығайту үшін 27,4 млн.теңге қарастырылды, оның есебінен УҰИ ретінде үй-жайы бар Затон полиция бөлімін қайта жаңартуға және Семей қаласының ІІБ ғимаратына ЖБО ретінде жапсаржай салуға ЖСҚ әзірленіп, конференц-залды жартылай қайта жаңартумен Семей қаласындағы ІІД ғимаратына жедел басқару орталығы ретінде жапсаржай құрылысы жүргізілді.

Қаражаттың басым бағыты облыстың елді мекендерінің сумен жабдықтау жүйесін дамыту болып табылады. Ағымдағы жылы сумен жабдықтау жүйесін дамытуға 1375,3 млн.теңге республикалық бюджеттен трансферттер жоспарланды, олардың есебінен Өскемен, Семей, Курчатов және Риддер қалаларында, Аягөз, Бесқарағай, Күршім, Үржар, Ұлан аудандарында сумен жабдықтау жүйелеріне қайта жаңарту жұмыстары жүргізілетін болады. Сонымен қатар, облыстық бюджеттен берілетін трансферттер есебінен сумен жабдықтау жүйесінің объектілерін дамытуды қоса қаржыландыруға жоғарыда аталған аудандарда 392,8 млн.теңге қарастырылды, 372,3 млн.теңгесі немесе жоспарланған қаражаттың 95%-ы игерілді.

Тұрғын үй құрылысын дамыту бағдарламасы бойынша республикалық бюджеттен трансферттер мен кредиттер есебінен 6861,4 млн.теңге жоспарланды, оны есебінен коммуналдық және ипотекалық тұрғын үй құрылысы, сондай-ақ инженерлік-коммуникациялық инфрақұрылым құрылысы жоспарланды.

Ағымдағы жылы облыстық бюджеттен берілетін трансферттер есебінен мемлекеттік коммуналдық тұрғын үй қорын салу және сатып алуға 3344,8 млн.теңге қарастырылды, 3087,9 млн.теңге немесе 93%-ға игерілді.

Облыстың көлік инфрақұрылымын жақсарту мақсатында 2015 жылы республикалық бюджеттен берілетін трансферттер есебінен Ұлан ауданындағы «Аюда» Манат-демалу базасы» автодолын салуға, Бородулиха ауданындағы «Жезкент» шекара өткізу пунктіне кіре берісін қайта жаңартуға, Күршім ауданындағы «Ақжайлау-Уранхайха» учаскесінде «Теректі-Уранхайка-Төсқайың» аутожолын қайта жаңартуға ЖСҚ әзірлеуге және ШҚО Семей қаласының ұшу-қону жолағы, рулежді жолдары және әуежайдың әуебекетін қайта жаңартуға және облыс жолдарына күрделі жөндеуге 6029,1 млн.теңге сомасында қаражат жоспарланды.

Семей қаласында қазіргі жылумен жабдықтау жүйесін қайта құру және жаңғырту бойынша жұмысты жалғастыруға республикалық бюджеттен 2100,0 млн.теңге сомасында трансферттер бөлу қарастырылды, есеп беру кезеңінде 2100,0 млн.теңгеге немесе 100%-ға игерілді.

Риддер, Зырян, Курчатов, Серебрянск сияқты моноқалаларды дамыту және абаттандыру мәселелерін шешу үшін 1684,1 млн.теңге қарастырылды.

2016 жылғы 1 қаңтардағы жағдай бойынша Шығыс Қазақстан облысы үшін 73112,8 млн.теңге сомасында нысаналы ағымдағы трансферттер қарастырылды, нақты 73112,8 млн.теңге келіп түсті, оның ішінде есеп беру кезеңінде 71182,9 млн.теңге немесе 97,4%-ы игерілді.