Ағымдағы деректер бойынша 2015 жылдың 1 қарашасына облыс халқының саны 832,4 мың адамды құрады, соның ішінде қалалық жерде 520 мың

	Қазақстан Республикасы Ұлттық экономика министрлігі Статистика комитеті Ақтөбе облысының Статистика департаменті
Баспасөз хабарламасы		13-07/111 07.12.2015 жылғы

2015 жылдың басымен салыстырғанда халық саны 9,8 мың адамға немесе 1,20%-ға көбейген.

адам

	2014 жылғы қаңтар-қазан	2015 жылғы қаңтар-қазан	2015 жылғы қаңтар-қазан 2014 жылғы қаңтар-қазанға
			(+,-)	%
Туылғандар саны	16 526	16 617	91	100,6
Өлгендер саны	4 607	4 624	17	100,4
Табиғи өсім	11 919	11 993	74	100,6
Некелер саны	6 704	6 013	-691	89,7
Ажырасулар саны	2 032	2 040	8	100,4

2015 жылғы қаңтар-қазанда халық санын 1000 адамға шаққанда:

– туылғандар саны – 24,08 сәби (2014 жылғы қаңтар-қазанда – 24,32);

– өлгендер саны – 6,70 адам (2014 жылғы қаңтар-қазанда—6,78);

– табиғи өсім коэффициенті 17,38 промилле құрады (2014 жылғы қаңтар-қазанда – 17,54 промилле).

Халықтың көші-қоны
Облыс ішінде тұрғындардың көшуін қосқанда, келгендердің жалпы саны 11118 адамды құрады, кеткендер саны – 13274 адам (2014 жылғы қаңтар-қазанда 16612 адам келген, 16824 адам кеткен). Көші-қон сальдосы 2015 жылғы қаңтар-қазанда - -2156 адамды, 2014 жылы – -212 адамды құрады.

Республикадан тыс жерлерден облысқа 179 адам келген, ал 613 адам кеткен. (2014 жылғы қаңтар-қазанда Ақтөбе облысына келгендер саны 308 адам, ал облыстан кеткендер саны – 446 адам).

2015 жылғы қаңтар-қазанда шетелден Ақтөбе облысына 111 қазақ, 29 орыс, 13 украин. Осы кезеңде облыстан Қазақстаннан кеткендер саны – 49 қазақтар, 352 орыстар, 98 украиндер.

Өңіраралық көші-қонда есеп беру кезеңінде келгендер саны 2014 жылғы қаңтар-қазанмен салыстырғанда 23,1% азайды (2015ж. - 3528 адам, 2014ж. – 4587 адам), кеткендер саны 12,6 % көбейді (2015. – 5250 адам, 2014ж. – 4661 адам), көші-қонның сальдосы - -1722 адамға құрады (2014ж. - -74 адам).