Академиялық дербестік – білім жүйесіне өзгеріс
жүктеу/скачать 23.64 Kb.
|
|
Академиялық дербестік – білім жүйесіне өзгеріс Қазіргі өзгермелі заманымызда білім – дамудың негізгі көрсеткіші және басыңқы бағыты болып табылады. Оған қоса, қазір білім əлемінде өз жолын тауып, өздігінен білім алуға ұмтылыс жасайтын, бастамашыл, құзыретті, қарқын дамып келе жатқан өзгерістерге тез бейімделуге қабілетті білікті азаматты тәрбиелеу орын алуда. Білім берудің барлық деңгейінде мазмұнды жаңарту, жұмыс берушілердің талаптарын, қазақстандық экономиканың сұранысын ескеретін халықаралық стандарттарға сәйкес әзірленген жаңа білім беру бағдарламаларын енгізу еліміздің заманауи білім беру моделін құру және дамытудың негізгі факторының бірі болып табылады. Сондықтан кадрларды даярлауда икемділікті қамтамасыз ету үшін колледждерге академиялық дербестік берілді. Академиялық дербестік дегеніміз – оқу орнының академиялық бағдарламасының мазмұнын өздері анықтауды, оқу сапасын жақсарту бойынша құзырет беруді білдіреді. Бұл мәселе білікті кадрлар даярлауды және жаңа кәсіптерді қажет ететін жаңа экономикаға көшу кезеңінде өте маңызды. Енді оқу орындары білім беру бағдарламаларының мазмұнын өздері анықтап, нарықта сұранысқа ие мамандарды даярлай алады. Бұған дейін колледждердегі оқу бағдарламасын министрлік өзі әзірлеп, пән, көлем және оқу мерзімін өзі анықтайтын. Оқу орындары өз кезегінде сол бағдарламалардың көмегімен жұмыс істеді. Ал қазір колледждерге толықтай академиялық дербестік беріліп, оқу бағдарламасын олар жұмыс берушілермен бірге отырып құрады. Сондай-ақ, оқу мерзімін де өздері анықтайды. Бұған дейін оқу мерзімі екі жылдан бастап төрт жылға дейін еді. Елімізде білім беру жүйесінің өзекті мәселелерінің бірі – заман талабына сай білімді, білікті және ақпараттық технологияны еркін түрде меңгерген мамандарды дайындау. Қазіргі кезеңде кәсіптік білім беру саласындағы әлеуметтік серіктестік білім беру мекемелерінің жұмыс берушілер, жергілікті атқарушы билік, еңбекпен қамту қызметтері, қоғамдық ұйымдар, сондай-ақ, жастарды кәсіби қалыптастыру, аймақтық еңбек нарығын игеру үдерісіне қатысушы барлық тараптардың мүдделерін ескеріп, жүзеге асыруға бағытталған. Әлеуметтік серіктестік қарым-қатынасқа мемлекет, өндіріс, кәсіптік және техникалық оқу орны қатысады. Академиялық дербестік білім беру бағдарламаларының мазмұнын өзгертуге, оқу мерзімін өзгертуге мүмкіндік береді, яғни, жалпы орта білімі барларға 2 жылдан кем емес, техникалық және кәсіптік білімі барларға 1 жылдан кем емес деген әр біліктілік бойынша қатаң бекітілген білім алу мерзімінің оқу ұзақтығы нақты білім беру бағдарламасына және қажетті оқу нәтижесіне байланысты болады. Жаңа өзгерістерге сәйкес колледждер жұмыс берушілермен келісе отырып, кәсіптік стандарттар немесе нарық талаптары негізінде білім беру бағдарламаларын әзірлеп, оны ҚР БҒМ бағдарламаларының тізіміне қосып, соған байланысты кадрлар дайындайды. жүктеу/скачать 23.64 Kb. Достарыңызбен бөлісу:
|