Мақсарының ауыспалы егіншілік жүйесіндегі орны

Телімі егіншілікте дәнді дақылдар жоңышқамен қатар мақсары да ұзақ жылдар бойы егіліп келген. Красноводопад селекциялық тәжірибе станциясының ең бірінші ғылыми жинағында (1913ж) мақсары тәлімі егіншілік жағдайында май шикізаты ретінде ең құнды дақыл» деп атап көрсетілген.

Мақсарыға диқандардың көзқарасы барлық уақыттарда да бірдей болмаған.

Мақсарының көп егілуінің негізгі игитерінің бірі өсіріп өндірудің өзіндік басқа дақылдарға қарағанда арзандауы және Шымкент қаласында орналасқан май өндіруші кәсіпорындардың диқандармен өндірушіге де өңдеушіге ең тиімді байланыс орната алуында да есептеуге болады.

Десекте көптеген жылдар бойы егіліп келгенімен, мақсары кенже дақыл болып қала берген. Ол әдетте күздік дақылдардан артылып қалған құнарлығы төмен, сапасы нашар жерлерге орналасып келген.

Осыған байланысты мақсарының ауыспалы танап жүйесіндегі орнын анықтау бойынша ғылыми жұмыстардың маңызы зор.

Мәселен, Оңтүстік Қазақстан облысында 1930 жылдары мақсары 16,5 мың гектарға егілсе, кейіннен азая келе 1950 ж -12,2; 1975ж -2,3; 1980ж -5,9 мың гектарға кеміп кетті.

Еліміз егемендік алғаннан кейін қиыншылығы мол өтпелі кезеңде, ауыл шаруашылығы тоқырауға ұшыраған шақта мақсарының егілуі күрт өсе бастады.