Қазақстан Республикасы Қарулы Күштерінің, басқа да әскерлері мен әскери құралымдарының тәртіптік жарғысы

________________________________

(әскери бөлім, мекеме, бөлімше)

1. Лауазымы_____________________________________________________

2. Әскери атағы________________________________________________

3. Тегі, аты, әкесінің аты____________________________________

4. Әскери қызметте қай жылдан бастап_________________________

КӨТЕРМЕЛЕУЛЕР

Әрбір әскери қызметші көтермелеген және жаза қолданған кезде, сондай-ақ алты айда бір реттен сирек емес және жаңа қызмет орнына ауысқан кезде өзінің қызметтік карточкасымен көтермелеулер мен жазалар бағандарына жеке қолын қойғызып таныстырылуы тиіс.

2-ҚОСЫМША

3-ҚОСЫМША

1. Құрмет кітабы барлық полктерде, бригадаларда (1-дәрежелі кемелерде), жеке әскери бөлімде (2-дәрежелі кемелерде), сондай-ақ 3-дәрежелі кемелерде және 4-дәрежелі кемелер дивизиондарының штабтарында жүргізіледі.

2. Құрмет кітабына әскери қызметшілердің әскери атақтары, тегі, аты мен әкесінің аты осы Жарғының талаптарына сәйкес көтермелеу тәртібінде енгізіледі.

Құрмет кітабына енгізу әскери бөлім (кеме) бойынша бұйрықпен жүргізіледі. Құрмет кітабына әскери қызметшінің фотосуреті орналастырылады және оның жетістіктерінің немесе ерлігінің қысқаша мазмұны жазылады.

3. Құрмет кітабын сақтау орнын ол оның мәніне сәйкес келетіндей және барлық жеке құрамның онымен танысу мүмкіндігін қамтамасыз ететіндей етіп әскери бөлімнің (кеменің) командирі айқындайды.

Тәртіптік жарғыға

4-ҚОСЫМША

Осы Үлгі ереже тәртіптік комиссияның өкілеттіктерін, қызметін ұйымдастыруды және тәртібін айқындайды.

1. Тәртіптік комиссия мынадай функцияларды жүзеге асырады:

1) әскери қызметшілердің теріс қылықтары туралы қызметтік тексеру материалдарын қарауды;

2) жазалар түрлерін қолдану мәселелері бойынша ұсыныстарды пысықтау және командирге (бастыққа) енгізуді.

2. Тәртіптік комиссия өз құзыреті шегінде функцияларды іске асыру мақсатында мыналарға құқылы:

1) теріс қылық жасаған әскери қызметшілердің, куәлардың және қызметтік тексеру жүргізген лауазымды адамдардың түсініктерін тыңдауға;

2) материалдар, ақпарат сұратуға және теріс қылыққа (оқиғаға) қатысты кез келген фактілерді зерттеуге.

2. Тәртіптік комиссияның жұмысын ұйымдастыру

3. Тәртіптік комиссияның төрағасы:

1) тәртіптік комиссияны басқарады, оның жұмысына басшылық жасауды ұйымдастырады және жүзеге асырады;

2) тәртіптік комиссия отырыстарының күн тәртібін айқындайды;

3) қызметтік тексеру материалдары келіп түскен кезде тәртіптік комиссия отырысының уақытын айқындайды. Тәртіптік комиссияның төрағасы болмағанда оның уәкілеттік етуі бойынша отырыстарда тәртіптік комиссия мүшелерінің біреуі төрағалық етеді;

4) тәртіптік комиссияның отырысында қаралатын нақты мәселе бойынша баяндамашыны айқындайды.

4. Тәртіптік комиссияның хатшысы:

1) тәртіптік комиссия мүшелерін тәртіптік комиссия отырысының уақыты мен орны туралы хабардар етеді;

2) тәртіптік комиссия отырыстарына материалдар дайындауды ұйымдастырады;

3) тәртіптік комиссия отырыстарының хаттамаларын жүргізеді;

4) тәртіптік комиссияның ұсыныстарын командирге жібереді;

5) тәртіптік комиссия төрағасының тапсырмасы бойынша өзге де функцияларды жүзеге асырады.

5. Тәртіптік комиссия мүшелеріне оларға қызметтік тексеру материалдарын қарау барысында белгілі болған мәліметтерді жариялауға тыйым салынады.

6. Тәртіптік комиссия отырыстары қажеттілігіне қарай өткізіледі.

Тәртіптік комиссия отырыстарының тәртіптік комиссия мүшелерінің жалпы санынан үштен екісі, бірақ кемінде үш адам болған кезде құқықтық күші бар. Тәртіптік комиссияның мүшелері оның отырыстарына ауыстыру құқығынсыз қатысады.

7. Тәртіптік комиссияның мүшелері отырыстың өткізілетін күні, орны, оның күн тәртібі туралы, сондай-ақ отырыс материалдарымен отырысқа дейін хабардар етілуі және таныстырылуы тиіс.