Қазақстан Республикасы Ұлттық қорының инвестициялық операцияларын жүзеге асыру ережесін бекіту туралы
жүктеу/скачать 345.1 Kb.
|
| Источник: ИС ПАРАГРАФ, 23.01.2012 16:13:55
Қазақстан Республикасы Ұлттық қорының инвестициялық операцияларын жүзеге асыру ережесін бекіту туралы Қазақстан Республикасының Ұлттық Банкі Басқармасының 2006 жылғы 25 шілдедегі № 65 Қаулысы (2010.30.09. берілген өзгерістер мен толықтырулармен)
Өзгеріс енгізу туралы ҚР Ұлттық Банкі Басқармасының 2010 жылғы 27 желтоқсандағы № 102 бұйрығын қара Қазақстан Республикасының Ұлттық қорын сенімгерлік басқарудың тиімділігін қамтамасыз ету мақсатында, сондай-ақ «Қазақстан Республикасының Ұлттық Банкі туралы» Қазақстан Республикасының Заңына және «Қазақстан Республикасының Ұлттық қорын сенімгерлік басқару туралы шарт туралы» Қазақстан Республикасы Үкіметінің 2001 жылғы 18 мамырдағы № 655 қаулысына сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДІ: 1. Қоса беріліп отырған Қазақстан Республикасы Ұлттық қорының инвестициялық операцияларын жүзеге асыру ережесі бекітілсін.
3. Осы қаулы қолданысқа енгізілген күннен бастап осы қаулының қосымшасына сәйкес Қазақстан Республикасы Ұлттық Банкінің нормативтік құқықтық актілерінің күші жойылды деп танылсын. 4. Монетарлық операциялар департаменті (Герасименко Ю.В.): 1) Заң департаментімен (Шәріпов С.Б.) бірлесіп осы қаулыны Қазақстан Республикасының Әділет министрлігінде мемлекеттік тіркеуден өткізу шараларын қабылдасын; 2) осы қаулы Қазақстан Республикасының Әділет министрлігінде мемлекеттік тіркелген күннен бастап бес күндік мерзімде оны Қазақстан Республикасының Қаржы министрлігіне жіберсін. 5. Осы қаулының орындалуын бақылау Қазақстан Республикасының Ұлттық Банкі Төрағасының орынбасары М.М. Сартбаевқа жүктелсін.
«Келісілген» Қазақстан Республикасының Қаржы министрі 08.06.2006 ж. Қазақстан Республикасының Ұлттық Банкі Басқармасының 2006 жылғы 25 шілдедегі № 65 қаулысына қосымша Қазақстан Республикасының Ұлттық Банкі Басқармасының күші жойылды деп танылған нормативтік құқықтық актілерінің тізбесі 1. Қазақстан Республикасының Ұлттық Банкі Басқармасының «Қазақстан Республикасы Ұлттық қорының инвестициялық операцияларын жүзеге асыру ережесін бекіту туралы» 2001 жылғы 20 маусымдағы № 237 қаулысы (Нормативтік құқықтық актілерді мемлекеттік тіркеу тізілімінде № 1568 тіркелген, Қазақстан Республикасы Ұлттық Банкінің «Қазақстан Ұлттық Банкінің Хабаршысы» және «Вестник Национального Банка Казахстана» ресми басылымдарында 2001 жылғы 2-15 шілдеде жарияланған). 2. Қазақстан Республикасының Ұлттық Банкі Басқармасының «Қазақстан Республикасының Әділет министрлігінде 1568 нөмірімен тіркелген Қазақстан Республикасының Ұлттық Банкі Басқармасының «Қазақстан Республикасы Ұлттық қорының инвестициялық операцияларын жүзеге асыру ережесін бекіту туралы» 2001 жылғы 20 маусымдағы № 237 қаулысына өзгерістер енгізу туралы» 2002 жылғы 24 қазандағы № 426 қаулысы (Нормативтік құқықтық актілерді мемлекеттік тіркеу тізілімінде № 2048 тіркелген, Қазақстан Республикасы Ұлттық Банкінің «Қазақстан Ұлттық Банкінің Хабаршысы» және «Вестник Национального Банка Казахстана» ресми басылымдарында 2004 жылғы 19 шілде - 15 тамызда жарияланған). 3. Қазақстан Республикасының Ұлттық Банкі Басқармасының «Қазақстан Республикасының Әділет министрлігінде № 1568 тіркелген Қазақстан Республикасының Ұлттық Банкі Басқармасының «Қазақстан Республикасы Ұлттық қорының инвестициялық операцияларын жүзеге асыру ережесін бекіту туралы» 2001 жылғы 20 маусымдағы № 237 қаулысына өзгерістер мен толықтырулар енгізу туралы» 2003 жылғы 1 қыркүйектегі № 322 қаулысы (Нормативтік құқықтық актілерді мемлекеттік тіркеу тізілімінде № 2518 тіркелген, Қазақстан Республикасы Ұлттық Банкінің «Қазақстан Ұлттық Банкінің Хабаршысы» және «Вестник Национального Банка Казахстана» ресми басылымдарында 2003 жылғы 6-19 желтоқсанда жарияланған). 4. Қазақстан Республикасының Ұлттық Банкі Басқармасының «Қазақстан Республикасы Ұлттық қорының инвестициялық операцияларын жүзеге асыру ережесін бекіту туралы» Қазақстан Республикасының Ұлттық Банкі Басқармасының 2001 жылғы 20 маусымдағы № 237 қаулысына өзгерістер мен толықтыру енгізу туралы» 2005 жылғы 29 желтоқсандағы № 167 қаулысы (Нормативтік құқықтық актілерді мемлекеттік тіркеу тізілімінде № 4032 тіркелген). Қазақстан Республикасының Ұлттық Банкі Басқармасының 2006 жылғы 25 шілдедегі № 65 қаулысымен бекітілген Қазақстан Республикасы Ұлттық қорының инвестициялық операцияларын жүзеге асыру ережесі 1-тарау. Жалпы ережелер 1. Осы Ереже «Қазақстан Республикасының Ұлттық Банкі туралы» Қазақстан Республикасының Заңына, Қазақстан Республикасы Президентінің «Қазақстан Республикасының Ұлттық қоры туралы» 2000 жылғы 23 тамыздағы № 402, «Қазақстан Республикасы Ұлттық қорының кейбір мәселелері туралы» 2001 жылғы 29 қаңтардағы № 543 Жарлықтарына және Қазақстан Республикасы Үкіметінің «Қазақстан Республикасы Ұлттық қорын сенімгерлік басқару жөніндегі шарт туралы» 2001 жылғы 18 мамырдағы № 655 қаулысына сәйкес әзірленді және Қазақстан Республикасы Ұлттық Банкінің (бұдан әрі - Ұлттық Банк) Қазақстан Республикасының Ұлттық қорын (бұдан әрі - Қор) сенімгерлік басқару кезінде инвестициялық операцияларды жүзеге асыру тәртібін белгілейді. 2. Ұлттық Банктің Қорды сенімгерлік басқару кезінде инвестициялық операцияларды жүзеге асыруының негізгі мақсаттары мыналар болып табылады:
3. Қорды сенімгерлік басқару бойынша қызметке қаржы нарықтары туралы деректерді ұсынатын Bloomberg L.P., Reuters (Eastern Europe) Limited, Fitch Ratings Ltd және басқа ақпараттық жүйелердің қызмет көрсетулерін сатып алу кіреді. 4. Ұлттық Банк Басқармасы осы Ереженің қағидаларын жылына кемінде бір рет талқылайды.
2-тарау. Негізгі ұғымдар 5. Активтерді активтік басқару - портфель кірістілігі ауытқуының өзгермелілік мәні (tracking error) 0.5 (ноль бүтін оннан бес) пайыздан асуы мүмкін болатын басқару түрі. 6. Негізгі валюта - Қор активтерін басқарудың кірістілігін бағалау мақсаттары үшін пайдаланылатын валюта. 7. Бағалы қағазды (портфельді) өтеуге қатысты кірістілік - кірісі белгіленген бағалы қағаздың (портфельдің) пайызбен көрсетілген және бағалы қағазды (портфельді) ол өтелгенге дейін сатып алған және сақтаған жағдайда алынатын кірістілігі. Бағалы қағазды (портфельді) өтеуге қатысты кірістілікті есептеу купон ставкасына, бағалы қағаздың (портфельдің) өтеу мерзіміне және нарықтық құнына негізделеді. Есептеу кезінде купондық төлемдерді бағалы қағазды (портфельді) өтеуге қатысты кірістілікке тең пайыздық ставка бойынша қайта инвестициялау болжанады. 8. Кірісі белгіленген бағалы қағаздың (портфельдің) дюрациясы - бағалы қағазды (портфельді) өтеуге қатысты кірістілік жоғарылаған/төмендеген жағдайда бағалы қағаздың (портфельдің) құны жуық шамамен қаншалықты төмендейтінін/жоғарылайтынын көрсететін көрсеткіш. 9. Кірістілік ауытқуының өзгермелілігі (tracking error) - портфельдің нарықтық тәуекелінің эталондық портфельге қатынасы бойынша портфель кірістілігінің эталондық портфель кірістілігінен ауытқу өзгермелілігін көрсететін негізгі көрсеткіші (tracking error). 10. Merrill Lynch 6-month US Treasury Bill Index индексі - Merrill Lynch компаниясының мерзімі өтегенге алты айға дейінгі АҚШ қазынашылық вексельдерінен тұратын индексі. Кірістілік және тәуекел көрсеткіштері күн сайын есептеледі. ҚР ҰБ Басқармасының 2008.22.08 № 65 Қаулысымен (бұр. ред. қара); 2009.30.11. № 107 Қаулысымен (2009 ж. 15 желтоқсаннан бастап қолданысқа енгізілді) (бұр.ред.қара) 11-тармақ өзгертілді; ҚР Ұлттық Банкі басқармасының 2011.30.09. № 122 Қаулысымен 11-тармақ жаңа редакцияда (ресми жарияланған күнінен бастап күнтізбелік он күн өткен соң қолданысқа енгізіледі және 2011 жылғы 1 қарашадан бастап туындайтын қатынастарға қолданылады) (бұр. ред. қара)
ҚР ҰБ Басқармасының 2009 ж. 28 қаңтардағы № 6 Қаулысымен (бұр. ред. қара); 2009.30.11. № 107 Қаулысымен (2009 ж. 15 желтоқсаннан бастап қолданысқа енгізілді) (бұр.ред.қара); 2010.21.05. № 42 Қаулысымен (бұр.ред.қара) 12 тармақ өзгертілді; ҚР Ұлттық Банкі басқармасының 2011.30.09. № 122 Қаулысымен 12-тармақ жаңа редакцияда (ресми жарияланған күнінен бастап күнтізбелік он күн өткен соң қолданысқа енгізіледі және 2011 жылғы 1 қарашадан бастап туындайтын қатынастарға қолданылады) (бұр. ред. қара) 12. Облигациялардың композиттік индексі - әлемнің дамыған елдерінің кірісі белгіленген бағалы қағаздары индекстерінің мынадай өтімділігі жоғары бағалы қағаздардан тұратын индексі: Merrill Lynch U.S. Treasuries, 1-5 Yrs (GVQ0) - 30 (отыз) пайыз; Merrill Lynch EMU Direct Governments, AAA-АА Rated, 1-5 Yrs (EG6V) - 35 (отыз бес) пайыз; Merrill Lynch U.K. Gilts, 1-5 Yrs (GVL0) - 10 (он) пайыз; Merrill Lynch Japanese Governments, 1-5 Yrs (GVY0) - 10 (он) пайыз; Merrill Lynch Australian Government, 1-5 Yrs (GVT0) - 5 (бес) пайыз; Merrill Lynch Canadian Governments, 1-5 Yrs (GVC0) - 5 (бес) пайыз; Merrill Lynch South Korean Government Index, 1-5 Yrs (GSKV) - 5 (бес) пайыз. Осы индексте эталондық бөлуге қайтып келу күнтізбелік тоқсанның соңғы жұмыс күні жүргізіледі. Индекстегі бағалы қағаздар құрамы нарықтық капиталдандыру негізінде ай сайын ауысады. Кірістілік және тәуекел көрсеткіштері күн сайын есептеледі. 13. Кредиттік рейтинг - Standard & Poor's және Moody's кредиттік рейтингтік агенттіктері кірісі белгіленген бағалы қағаздардың эмитенттеріне тағайындайтын қаржы құралдары бойынша кредиттік тәуекел деңгейінің көрсеткіші. Кредиттік рейтингтер кестеде осы Ереженің 1-қосымшасына сәйкес кредиттік тәуекелдің ұлғаюына қарай орналастырылады. 14. Активтерді пассивтік (индекстік) басқару - портфель кірістілігі ауытқуының өзгермелілік мәні (tracking error) 0.5 (ноль бүтін оннан бес) пайыздан аспаған кездегі басқару түрі. 15. Өкілетті өкіл - Ұлттық Банк Басқармасының шешімімен белгіленетін, өкілеттіліктеріне Ұлттық Банктің атынан Қорды сенімгерлік басқару бойынша шешімдерді жедел қабылдау кіретін арнайы лауазымды тұлға (Ұлттық Банк Төрағасының орынбасарынан төмен емес деңгейде). 16. Портфель - қаржы құралдарының жинағы, оның ішінде Қордың ақшасы бар. 17. Жинақ портфелі - бұл мақсаты активтердің кірістілігін ұзақ мерзімді болашақта ұлғайту болып табылатын портфель. Жинақ портфеліне түскен барлық түсімдер және жинақ портфелінен трансферттер тұрақтандыру портфелі арқылы жүзеге асырылады. 18. Тұрақтандыру портфелі - бұл мақсаты активтердің өтімділігін қамтамасыз ету және кірістілігін қысқа мерзімді болашақта ұлғайту болып табылатын портфель. 19. Құрылымдық өнім - әр түрлі қаржы құралдарының бірігуі болып табылатын активтер мен міндеттемелердің жиынтығы. Құрылымдық өнімді сатып алу бойынша операция осы өнімнің эмитенті болып табылатын компаниямен жасалады. 20. Жинақ портфелінің активтерін тактикалық бөлу (tactical asset allocation) - қаржы құралдарын, оның ішінде туынды қаржы құралдарын сатып алу және сату арқылы акциялардың және кірісі белгіленген бағалы қағаздардың үлесін өзгерту. Жинақ портфелінің активтерін тактикалық бөлу портфельдің эталондық портфельмен салыстырғандағы кірістілігін арттыру мақсатында жүргізіледі. 21. Портфельді валютаға қарсы хеджирлеу - портфельдің нарықтық құнының осы валютаның айырбас бағамының өзгерістерінен тәуелсіздігін қамтамасыз ету. 22. Активтерге кепілге салынған бағалы қағаздар (ABS) - жылжымайтын мүлікті қоспағанда, активтер сатып алуға арналған заемдарға кепілге салынған, эмитент кепілдік берген борыштық міндеттемелер. 23. Жылжымайтын мүлікке кепілге салынған бағалы қағаздар (MBS) - жылжымайтын мүлік сатып алуға арналған заемдарға кепілге салынған, эмитент кепілдік берген борыштық міндеттемелер. ҚР ҰБ Басқармасының 2008.22.08 № 65 Қаулысымен 24 тармақ өзгертілді (бұр. ред. қара)
25. Дербес басқару - Ұлттық Банк басқаратын Қор активтерінің бір бөлігі. 26. Сыртқы басқару - Ұлттық қордың сыртқы басқарушылары басқаратын Қор активтерінің бір бөлігі.
3-тарау. Тұрақтандыру және жинақ портфельдерін басқару жөніндегі жалпы стратегия 27. Қор активтері тұрақтандыру және жинақ портфельдеріне бөлінеді. ҚР ҰБ Басқармасының 2007.30.04 № 49 Қаулысымен 28 тармақ жаңа редакцияда (бұр. ред. қара); ҚР ҰБ Басқармасының 2009 ж. 28 қаңтардағы № 6 Қаулысымен 28 тармақ өзгертілді (бұр. ред. қара) 28. Тұрақтандыру портфелінің нарықтық құны бюджетті орындау жөніндегі уәкілетті орган Қазақстан Республикасы Ұлттық қорының теңгемен ағымдағы шотындағы қаражаты ескеріле отырып тиісті жылға арналған республикалық бюджеттің түсімдері мен қаржыландырудың жиынтық жоспарында бекіткен ең жоғары айлық кепілдік берілген трансферттен аз болмайтын мөлшерде болуы тиіс. ҚР ҰБ Басқармасының 2007.30.04 № 49 Қаулысымен 29 тармақ жаңа редакцияда (бұр. ред. қара) ; ҚР ҰБ Басқармасының 2009 ж. 28 қаңтардағы № 6 Қаулысымен 29 тармақ өзгертілді (бұр. ред. қара) 29. Егер күнтізбелік айдың соңғы күні тұрақтандыру портфелі осы Ереженің 28-тармағында көзделген талаптарға сәйкес келмесе, онда Қор активтерінің бір бөлігін жинақ портфелінен тұрақтандыру портфеліне өткізу жүзеге асырылады. Бұл ретте бюджетті орындау жөніндегі уәкілетті органның ай сайынғы хабарламасына сәйкес алдағы айға кепілдік берілген трансфертті аудару талап етілмеген жағдайда, Қор активтерінің бір бөлігін жинақ портфелінен тұрақтандыру портфеліне өткізу жүзеге асырылмайды. 30. Қор активтерін жинақ портфелінен тұрақтандыру портфеліне аудару немесе керісінше, олардың түрі мен көлемі тек қана Өкілетті өкілдің тапсырмасы бойынша осы Ереже шеңберінде жүзеге асырылады. 31. Тұрақтандыру және жинақ портфельдерінің активтерін басқарудың кірістілігін бағалау мақсаттары үшін Қордың негізгі валютасы АҚШ доллары болып саналады. ҚР ҰБ Басқармасының 2009 ж. 28 қаңтардағы № 6 Қаулысымен 32 тармақ жаңа редакцияда (бұр. ред. қара) 32. Қордың активтері инвестициялануы мүмкін қаржы құралдары Қазақстан Республикасының Ұлттық қорын басқару жөніндегі кеңестің ұсынысы бойынша Қазақстан Республикасының Үкіметі Ұлттық Банкпен бірлесіп айқындайтын, материалдық емес активтерді қоспағанда, рұқсат берілген қаржы құралдарының тізбесімен бекітіледі. Сенімгерлік басқару кезінде активтік жене сол сияқты пассивтік басқаруды қолданыла алады. Осы Ережеде көзделген шектеулер материалдық емес активтерді қоспағанда, рұқсат берілген қаржы құралдарының тізбесіне сәйкес сатып алынған Қазақстанның қаржы құралдарына қолданылмайды. Қазақстан Республикасының Ұлттық қорын басқару жөніндегі кеңестің ұсынымдарына сәйкес сатып алынған Қазақстанның қаржы құралдары тұрақтандыру және жинақ портфельдері құрылымының есебінде, сондай-ақ кірістілік пен тәуекелдер (дюрация, tracking error) есебінде ескерілмейді. 33. Репо және кері репо операциялары А1 - Standard & Poor's/P1 - Moody's төмен емес қысқа мерзімді кредиттік рейтингтері бар және A- - Standard & Poor's/A3 - Moody's төмен емес ұзақ мерзімді кредиттік рейтингтері бар қарсы әріптестермен жүзеге асырылуы тиіс. Кері репо операцияларына арналған қамтамасыз ету ААА ең төменгі кредиттік рейтингі бар, нарықтық құны операция сомасының кем дегенде 100 (жүз) пайызын құрайтын бағалы қағаздар болуы тиіс. 34. Депозиттер (салымдар) тек қана A1 - Standard & Poor's/P1- Moody's төмен емес қысқа мерзімді кредиттік рейтингі бар және A+ - Standard & Poor's/A1 - Moody's төмен емес ұзақ мерзімді кредиттік рейтингі бар банктерге ғана орналастырыла алады. Депозиттердің (салымдардың) ең көп мерзімі - 1 (бір) ай. 35. «Төлемге қарсы жеткізу» қағидаты бойынша мәмілелерді қарсы әріптестер (немесе кастодиандар) арасында активтерді бір мезгілде жеткізу кезінде олардың кредиттік рейтингіне шектеулерсіз жүзеге асыруға болады. ҚР ҰБ Басқармасының 2009 ж. 28 қаңтардағы № 6 Қаулысымен Ереже 35-1 тармақпен толықтырылды; ҚР ҰБ Басқармасының 2009.30.11. № 107 Қаулысымен 35-1-тармақ өзгертілді (2009 ж. 15 желтоқсаннан бастап қолданысқа енгізілді) (бұр.ред.қара)
ҚР ҰБ Басқармасының 2009 ж. 28 қаңтардағы № 6 Қаулысымен Ереже 35-2 тармақпен толықтырылды 35-2. Қолма-қол ақшаның қалдықтарын инвестициялау АААm - Standart & Роог's рейтингі бар ақша нарығының қорларына немесе Ааа - Moody's немесе АААm - Standart & Рооr's немесе Ааа - Moody's рейтингі бар қорларға қойылатын барлық талаптарды орындайтын ақша нарығының қорларына жүзеге асырылады. ҚР ҰБ Басқармасының 2009.30.11. № 107 Қаулысымен Ереже 35-3-тармақпен толықтырылды (2009 ж. 15 желтоқсаннан бастап қолданысқа енгізілді) 35-3. «Жаппай активтік акциялар» және «Активтерді жаппай тактикалық бөлу» мандатының үлгілері үшін акциялар портфелінің эталондық портфеліне кірмейтін акцияларға және валюталарға портфель активтерінің 10 (он) пайызын инвестициялауға рұқсат етіледі.
4-тарау. Тұрақтандыру портфелінің негізгі өлшемдері 36. Тұрақтандыру портфелінің эталондық портфелі деп осы Ереженің 10-тармағында көрсетілген индекс құрамы саналады. 37. Тұрақтандыру портфелі АА - Standard & Poor's/ Aа2 - Moody's төмен емес кредиттік рейтингі бар елдердің ақша нарығының өтімділігі жоғары активтерінен тұрады. 38. Тұрақтандыру портфелінің секторлық бөлу осы Ереженің 2-қосымшасына сәйкес айқындалады. 39. Корпоративтік бағалы қағаздар эмитенттерінің тұрақтандыру портфелінде А1+ - Standard & Poor's/P1 - Moody's төмен емес қысқа мерзімді кредиттік рейтингтері және АА - Standard & Poor's/Aа2 - Moody's төмен емес ұзақ мерзімді кредиттік рейтингтері болуы тиіс. 40. Бағалы қағазды өтеудің ең көп мерзімі 10 (он) жылдан жоғары болмауы тиіс. 41. Тұрақтандыру портфелінің дюрациясы 1 (бір) көрсеткішінен аспауы тиіс. 42. Тұрақтандыру портфелі активтерінің 50 (елу) пайыздан аспайтын мөлшерін сыртқы басқаруға беруге болады. ҚР ҰБ Басқармасының 2008.22.08 № 65 Қаулысымен 43 тармақ өзгертілді (бұр. ред. қара)
45. Кірісі белгіленген бағалы қағаздар портфелінің нарықтық құнының және жинақ портфелінің құрамындағы акциялар портфелінің жол берілетін ауытқулары осы Ереженің 3-қосымшасына сәйкес айқындалады. ҚР ҰБ Басқармасының 2009.30.11. № 107 Қаулысымен (2009 ж. 15 желтоқсаннан бастап қолданысқа енгізілді) (бұр.ред.қара); 2011.30.09. № 122 Қаулысымен (ресми жарияланған күнінен бастап күнтізбелік он күн өткен соң қолданысқа енгізіледі және 2011 жылғы 1 қарашадан бастап туындайтын қатынастарға қолданылады) (бұр.ред.қара) 46-тармақ өзгертіліді
ҚР ҰБ Басқармасының 2008.22.08 № 65 Қаулысымен 47 тармақ өзгертілді (бұр. ред. қара) 47. Жинақ портфелінің кірістілік ауытқуының эталондық портфель кірістілігінен күтілетін өзгермелілігі (tracking error) 2 (екі) пайыздан аспауы тиіс. Нарық жағдайында, осы Ереженің 46-тармағында көрсетілген эталондық портфельден ауытқу 10 (он) пайыздан астам болса, жинақ портфелі кірістілігінен ауытқудың өзгермелілік көрсеткіші 2 (екі пайыздан) асуы мүмкін. 2. Жинақ портфелінің кірісі белгіленген бағалы қағаздар портфелінің өлшемдері 48. Жинақ портфелінің кірісі белгіленген бағалы қағаздар портфеліне арналған эталондық портфелі деп осы Ереженің 12-тармағында көрсетілген индекс құрамы есептеледі. 49. Портфельдің дюрациясы эталондық портфель дюрациясының +30/-40 (плюс отыз/минус қырық) пайыз шегінде болуы тиіс. 50. Кірісі белгіленген бағалы қағаздар портфелінің секторлық бөлінуі осы Ереженің 4-қосымшасына сәйкес айқындалады. 51. Бағалы қағаздың корпоративтік эмитентінің ең төменгі ұзақ мерзімді кредиттік рейтингі - BBB (Standard & Poor's)/Baa2 (Moody's). Жинақ портфелінің жеке басқарушының портфеліндегі корпоративтік бағалы қағаздарға ұзақ мерзімді кредиттік рейтинг бойынша лимиттер осы Ереженің 5-қосымшасына сәйкес белгіленеді. ҚР ҰБ Басқармасының 2009.30.11. № 107 Қаулысымен Ереже 50-1-тармақпен толықтырылды (2009 ж. 15 желтоқсаннан бастап қолданысқа енгізілді)
Эталондық портфельге кірмейтін АА-(Standard & Poor's)/Aa3(Moody's) және одан да төмен ұзақ мерзімді кредиттік рейтингі бар елдердің мемлекеттік борыштық міндеттемелері үшін жинақ портфельдегі әрбір валютаға қатысты ең жоғарғы ауытқу осы Ереженің 6-қосымшасына сәйкес айқындалады. Жылжымайтын мүлікке (MBS) немесе активтерге (ABS) кепілге салынған бағалы қағаздардың кредиттік рейтингтері ААА-дан ВВВ - Standard & Poor's дейін немесе Ааа Ваа2 - Moody's дейін болуы тиіс. 3. Жинақ портфелі акциялар портфелінің өлшемдері 52. Жинақ портфелінің акциялар портфеліне арналған эталондық портфелі деп осы Ереженің 11-тармағында көрсетілген индекс құрамы саналады. ҚР ҰБ Басқармасының 2007.30.04 № 49 Қаулысымен 53 тармақ жаңа редакцияда (бұр. ред. қара); ҚР ҰБ Басқармасының 2009.30.11. № 107 Қаулысымен 53-тармақ өзгертілді (2009 ж. 15 желтоқсаннан бастап қолданысқа енгізілді) (бұр.ред.қара) 53. Жинақ портфелінің акциялары портфелінің активтері (бұдан әрі - акциялар портфелі), осы Ереженің 35-3-тармағында көзделген жағдайды қоспағанда, жай және артықшылықты акцияларға, акциялар портфелінің эталондық портфеліне енгізілген индекстерге инвестициялануы мүмкін. ҚР ҰБ Басқармасының 2008.22.08 № 65 Қаулысымен 54 тармақ жаңа редакцияда (бұр. ред. қара)
55. Акциялар портфелінің активтік басқарудағы үлесі акциялар портфелінің 50 (елу) пайызынан аспауы тиіс. ҚР ҰБ Басқармасының 2009.30.11. № 107 Қаулысымен Ереже 55-1-тармақпен толықтырылды (2009 ж. 15 желтоқсаннан бастап қолданысқа енгізілді)
56. ҚР ҰБ Басқармасының 2008.22.08 № 65 Қаулысымен алып тасталды (бұр. ред. қара)
6-тарау. Сыртқы басқарушыларды таңдау кезіндегі шектеулер 57. Ұлттық Қордың сыртқы басқарушыларын таңдау тәртібін Ұлттық Банктің Басқармасы айқындайды.
7-тарау. Кастодиандарды таңдау кезіндегі шектеулер 58. Кастодианның ең төменгі кредиттік рейтингі - АА-\Аа3. ҚР ҰБ Басқармасының 2010.21.05. № 42 Қаулысымен 58-1-тармақпен толықтырылды 58-1. Кастодиан Ұлттық Банк Басқармасының шешімімен бекітіледі. 59. Бір кастодианда клиенттердің активтері ең аз сомасы 3 (үш) триллион АҚШ долларына тең сақтауда болуы тиіс. 60. Кастодиан Ұлттық Банкке активтердің нақты уақыт режиміндегі мониторингі және Қор активтері көрсеткіштерінің осы Ережеге сәйкестігін тексеруге арналған жүйені ұсынады. 61. ҚР ҰБ Басқармасының 2008.22.08 № 65 Қаулысымен алып тасталды (бұр. ред. қара) ҚР Ұлттық Банкі басқармасының 2011.30.09. № 122 Қаулысымен 62-тармақ жаңа редакцияда (ресми жарияланған күнінен бастап күнтізбелік он күн өткен соң қолданысқа енгізіледі және 2011 жылғы 1 қарашадан бастап туындайтын қатынастарға қолданылады) (бұр. ред. қара) 62. Қордың бір кастодианға өткізілетін активтерінің нарықтық құны 25 (жиырма бес) миллиард АҚШ доллары баламасынан аспауы тиіс. 8-тарау. Құрылымдық өнімдерді пайдалану 63. Құрылымдық өнімдерді тәуекелдерді хеджирлеу және кірістілікті ұлғайту үшін пайдалануға болады. 64. Құрылымдық өнімді сатып алу туралы шешімді Қордың Өкілетті өкілі қабылдайды. 65. Егер құрылымдық өнім қарсы әріптестің know-how болып табылса, Ұлттық Банк осы құрылымдық өнім бойынша басқа қарсы әріптестерден баға талаптарын сұратпайды. 66. Егер құрылымдық өнім Ұлттық Банктің сұратуы бойынша құрылған болса (request for proposal негізінде), Ұлттық Банк құрылымдық өнім бойынша баға белгілеулерді кемінде екі қарсы әріптестен сұратады. Бұл жағдайда Ұлттық Банк мәмілелерді ең жақсы шарттар бойынша жүзеге асырады. ҚР ҰБ Басқармасының 2008.22.08 № 65 Қаулысымен 67 тармақ жаңа редакцияда (бұр. ред. қара)
68. Құрылымдық өнімді, егер ықтимал айыппұл санкцияларын ескере отырып бұл өнімді кез келген уақытта эмитентке нарықтық құны бойынша сатуға мүмкіндігі болған жағдайда ғана сатып алуға рұқсат етіледі. 69. Құрылымдық өнімнің ұзақ мерзімді кредиттік рейтингі А- (Standard & Poors) немесе А2 (Moody's) төмен болмауы, ал қысқа мерзімдісі А-2 (Standard & Poors) немесе Р-1 (Moody's) төмен болмауы тиіс. ҚР ҰБ Басқармасының 2008.22.08 № 65 Қаулысымен 70 тармақ жаңа редакцияда (бұр. ред. қара) 70. Құрылымдық өнімдерге қолданылатын шектеулер MBS-ке, ABS-ке және агенттіктер, халықаралық қаржы ұйымдары және банктер эмиссиялайтын ААА ұзақ мерзімді кредиттік рейтингі бар құрылымдық өнімдерге қолданылмайды. 9-тарау. Есептілік ҚР ҰБ Басқармасының 2009.30.11. № 107 Қаулысымен 71-тармақ жаңа редакцияда (2009 ж. 15 желтоқсаннан бастап қолданысқа енгізілді) (бұр.ред.қара) 71. Ұлттық Банк тоқсан сайын және жыл сайын Қазақстан Республикасының Үкіметіне Ұлттық Банктің Басқармасы бекіткен Қорды сенімгерлік басқару нәтижелері туралы есепті ұсынады. 1) тоқсан сайын: Қазақстан Республикасы Ұлттық қорының активтерін есептік тоқсанның аяғындағы валюта кластары және түрлері бойынша осы Ереженің 7-қосымшасына сәйкес нысан бойынша бөлу; Қазақстан Республикасы Ұлттық қоры портфелінің осы Ереженің 8-қосымшасына сәйкес нысан бойынша есептік тоқсанның аяғындағы құрамы; Қазақстан Республикасы Ұлттық қорының портфелін басқарудың есептік кезеңдегі нәтижелерін осы Ереженің 9-қосымшасына сәйкес нысан бойынша талдау; 2) жыл сайын: тиісті нарықтардың жай-күйі және олардың портфельге тигізетін ықпалы жөнінде жазбаша есеп, экономикалық шолу; стратегияға шолу және портфель құрылымындағы неғұрлым маңызды өзгерістерді түсіндіру, ағымдағы инвестициялау стратегиясы. Ұлттық Банк Қазақстан Республикасы Үкіметімен келісім бойынша өзге де есептілікті және Қорды сенімгерлік басқару кезінде инвестициялық операцияларды жүзеге асыру нәтижелері бойынша есептілікке түсіндірмелерді ұсынады. Қазақстан Республикасы Ұлттық қорының инвестициялық операцияларын жүзеге асыру ережесіне 1-қосымша
Кредиттік рейтингтер
Қазақстан Республикасы Ұлттық қорының инвестициялық операцияларын жүзеге асыру ережесіне 2-қосымша Тұрақтандыру портфелінің секторлық бөлінуі
* туынды құралдар үшін олардың негізіндегі құралдардың нарықтық құны алынады ҚР ҰБ Басқармасының 2008.22.08 № 65 Қаулысымен (бұр. ред. қара); 2009.30.11. № 107 Қаулысымен (2009 ж. 15 желтоқсаннан бастап қолданысқа енгізілді) (бұр.ред.қара) 3 қосымша жаңа редакцияда Қазақстан Республикасы Ұлттық қорының инвестициялық операцияларын жүзеге асыру ережесіне 3-қосымша Кірісі белгіленген бағалы қағаздар портфелінің және жинақ портфелінің құрамындағы акциялар портфелінің нарықтық құнының жол берілетін ауытқулары
Қазақстан Республикасы
* Ұлттық Қордың Өкілетті өкілінің рұқсатымен. Қазақстан Республикасы Ұлттық қорының инвестициялық операцияларын жүзеге асыру ережесіне 5-қосымша
Қазақстан Республикасы Ұлттық қорының инвестициялық операцияларын жүзеге асыру ережесіне 6-қосымша
7-қосымша ҚР ҰБ Басқармасының 2009.30.11. № 107 Қаулысымен алып тасталды (2009 ж. 15 желтоқсаннан бастап қолданысқа енгізілді) (бұр.ред.қара) 8-қосымша ҚР ҰБ Басқармасының 2009.30.11. № 107 Қаулысымен алып тасталды (2009ж. 15 желтоқсаннан бастап қолданысқа енгізілді) (бұр.ред.қара) 9-қосымша ҚР ҰБ Басқармасының 2009.30.11. № 107 Қаулысымен алып тасталды (2009ж. 15 желтоқсаннан бастап қолданысқа енгізілді) (бұр.ред.қара) жүктеу/скачать 345.1 Kb. Достарыңызбен бөлісу:
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||