«Қазақстан республикасындағы сот сараптамасы: Ұйымдастырылуы және өндірісі»

Трасологиялық сараптаманың зерттеу объектісі материалдық дүние заттарының сыртқы құрылысы және олардың із қабылдаушы заттардың бетінде бейнеленіп қалуын айтамыз. Трасологиялық сараптаманың объектілері адам, жануар, бұзу құралдары, көлік құралдары, жаппай өндірістің бұйымдары. Аталған объектілердің қасиеттері, жіктелуі туралы сипаттама криминалистикалық техниканың бөлімі болып табылатын – трассологияда беріледі. Трасологиялық сараптама объектілеріне қатысты келесі түрлерге бөлінеді:

• 
  адамның қолының, аяқ киімінің, тістерінің трассологиялық сараптамасы;
  
• 
  құлыптап жабылатын, қорғағыш механизм мен бұзу құралдарының сот сараптамасы;
  
• 
  көлік іздерінің сот сараптамасы (аталған сараптама түрінің мүмкіндіктері 13.3 бөлімінде қарастырылады);
  
• 
  жануарлар іздерінің сот сараптамасы;
  
• 
  жаппай өндіріс бұйымдарының сот сараптамасы;
  
• 
  қылмыскердің, жәбірленушінің киімдеріндегі механикалық іздердің сот сараптамасы;
  
• 
  бөлшекті бүтін бойынша анықтаудың сот сараптамасы.