Қазақстан Республикасының мемлекеттік қазынашылық міндеттемелерін шығарудың, орналастырудың, айналысқа қосудың, қызмет көрсетудің және өтеудің ережесін бекіту туралы

(2009.01.09. берілген өзгерістер мен толықтыруларымен)

Қазақстан Республикасының 2008 жылғы 4 желтоқсандағы Бюджет кодексінің 206-бабына сәйкес Қазақстан Республикасының Үкіметі ҚАУЛЫ ЕТЕДІ:

2. 2009 жылғы 1 қаңтарға дейін шығарылған мемлекеттік бағалы қағаздарды соңғы өтеу сәтінен бастап мыналардың күші жойылды деп танылсын:

1) «Қазақстан Республикасының мемлекеттік қазынашылық міндеттемелерін шығарудың, орналастырудың, айналысқа қосудың, қызмет көрсетудің және өтеудің ережесін бекіту туралы» Қазақстан Республикасы Үкіметінің 2004 жылғы 8 қыркүйектегі № 941 қаулысы (Қазақстан Республикасының ПҮАЖ-ы, 2004 ж., № 33, 451-құжат);

2) «Қазақстан Республикасы Үкіметінің 2004 жылғы 8 қыркүйектегі № 941 қаулысына өзгерістер енгізу туралы» Қазақстан Республикасы Үкіметінің 2005 жылғы 4 тамыздағы № 813 қаулысы (Қазақстан Республикасының ПҮАЖ-ы, 2005 ж., № 32, 434-құжат).

Қазақстан Республикасы

№ 466 қаулысымен

2. Қазынашылық міндеттемелер Қазақстан Республикасы Үкіметінің атынан Қазақстан Республикасы Қаржы министрлігі эмиссиялайтын мемлекеттік эмиссиялық бағалы қағаздар болып табылады.

2. Осы Ережеде пайдаланылатын ұғымдар

ҚР Үкіметінің 2009.01.09. № 1295 Қаулысымен 7) тармақшамен толықтырылды

4. Эмитенттің бас қаржы агенті Қазақстан Республикасы Ұлттық Банкі болып табылады, ол эмитентпен жасалған бас агенттік келісімнің негізінде ішкі қаржы нарығында қарыз алу мәселелері бойынша эмитенттің қаржылық кеңесшісінің функцияларын жүзеге асырады.

3. Қазынашылық міндеттемелерді шығарудың, орналастырудың, айналысқа қосудың, қызмет көрсетудің

6. Әрбір шығарылымның Қазақстан Республикасының қолданыстағы заңнамасына сәйкес бағалы қағаздар нарығын мемлекеттік реттеу мен қадағалауды жүзеге асыратын уәкілетті орган беретін ұлттық сәйкестендіру нөмірі (ҰСН) болады.

7. Қазынашылық міндеттемелер аукционды өткізу, жете орналастыру, қайта ашу, жазылу жолымен және қазынашылық міндеттемелерді орналастырудың ішкі ережелерімен белгіленген басқа да тәсілдермен орналастырылады.

ҚР Үкіметінің 2009.01.09. № 1295 Қаулысымен 8-тармақ өзгертілді (бұр.ред.қара)

8. Егер осы Ережеде өзгеше көзделмесе, Қазынашылық міндеттемелерді және олар бойынша құқықтарды есепке алу депозитарийдегі бастапқы дилерлердің дербес шоттары бойынша және бастапқы дилерлердің дербес шоттарында ашылған инвесторлардың жеке қосалқы шоттарында жүзеге асырылады. Депозитарий төлем агентінің функцияларын жүзеге асырады, егер осы Ережеде өзгеше көзделмесе, олар орналастыру кезінде бастапқы нарықта, қазынашылық міндеттемелерді айналысқа қосу және өтеу кезінде қайталама нарықта, сондай-ақ қазынашылық міндеттемелерге қызмет көрсетуде (сыйақыны есептеу және төлеу) қазынашылық міндеттемелер бойынша есеп айырысуларды жүзеге асыруда жасалады.

Агент төлем агентінің функцияларын жүзеге асырады, олар арнайы орта мерзімді қазынашылық міндеттемелерін орналастыру кезінде бастапқы нарықта арнайы орта мерзімді қазынашылық міндеттемелері бойынша есеп айырысуды жүзеге асыруға жасалады.

9. Қазынашылық міндеттемелердің әрбір шығарылымының көлемі мен шарттарын Қазақстан Республикасының тиісті кезеңге арналған республикалық бюджет туралы заңымен белгіленген үкіметтік борыш пен оған қызмет көрсетуге арналған шығыстар лимитінің шегінде эмитент белгілейді.

ҚР Үкіметінің 2009.01.09. № 1295 Қаулысымен 10-тармақ өзгертілді (бұр.ред.қара)

10. Қазынашылық міндеттемелерді орналастыру, қызмет корсету және өтеу тәсілдерінің шарттары мен рәсімдері, егер осы Ережеде өзгеше көзделмесе, қазынашылық міндеттемелерді орналастырудың ішкі ережесімен және тиісінше қазынашылық міндеттемелерге қызмет көрсету және өтеу ережесімен белгіленеді.

ҚР Үкіметінің 2009.01.09. № 1295 Қаулысымен 11-тармақ өзгертілді (бұр.ред.қара)

11. Егер осы Ережеде өзгеше көзделмесе, Қазақстан Республикасының резидент және резидент емес заңды және жеке тұлғалары бастапқы дилерлер арқылы қазынашылық міндеттемелерді сатып ала алады.

ҚР Үкіметінің 2009.01.09. № 1295 Қаулысымен 12-тармақ өзгертілді (бұр.ред.қара)

12. Эмитент қазынашылық міндеттемелердің мынадай түрлерін:

ҚР Үкіметінің 2009.01.09. № 1295 Қаулысымен 13-тармақ өзгертілді (бұр.ред.қара)

13. Депозитарий орналастырылған қазынашылық міндеттемелер бойынша есеп айырысуларды жүзеге асырған күн, егер осы Ережеде өзгеше көзделмесе, қазынашылық міндеттемелерді айналысқа қосудың басталу күні болып есептеледі. Қазынашылық міндеттемелерді айналысқа қосу, егер осы Ережеде өзгеше көзделмесе, осы міндеттемелерді өтеген күннің алдындағы соңғы күннің өтуімен аяқталады.

ҚР Үкіметінің 2009.01.09. № 1295 Қаулысымен 14-тармақ өзгертілді (бұр.ред.қара)

14. Егер осы Ережеде өзгеше көзделмесе, Осы міндеттемелер бойынша сыйақы есептелетін бірінші күн болып оларды айналысқа қосу басталған күн, ал соңғы күн болып - оларды өтеген күннің алдындағы соңғы күн есептеледі.

Қазынашылық міндеттемелер бойынша сыйақы төлеу қазынашылық міндеттемелердің жекелеген түрлерін шығарудың шарттарымен белгіленген күндерде жүргізіледі. Егер қазынашылық міндеттемелерді шығару шарттарында өзге мерзім көзделмесе, соңғы сыйақыны төлеу қазынашылық міндеттемелерді өтеу күнімен сәйкес келеді. Егер қазынашылық міндеттемелер бойынша сыйақы төлеу күні жұмыс күніне келмесе, онда төлем жұмыс істемейтін күннен кейінгі бірінші жұмыс күні жүргізіледі.

ҚР Үкіметінің 2009.01.09. № 1295 Қаулысымен 15-тармақ өзгертілді (бұр.ред.қара)

15. Қазынашылық міндеттемелерді өтеу, егер осы Ережеде өзгеше көзделмесе, оларды айналысқа қосу мерзімі аяқталғаннан кейінгі бірінші күні атаулы күн бойынша жүргізіледі. Егер қазынашылық міндеттемелердің атаулы құнын өтеу күні жұмыс істемейтін күнге келсе, онда өтеу жұмыс істемейтін күннен кейінгі бірінші жұмыс күні жүргізіледі.

16. Эмитент қайталама нарықта нарықтық баға бойынша қазынашылық міндеттемелердің белгілі бір шығарылымның барлық немесе ішінара көлемін сатып алуға және оларды өтеуге құқылы.

17. Қазынашылық міндеттемелермен операциялар бойынша салық салу тәртібі Қазақстан Республикасының заңнамасына сәйкес анықталады.

4. Қысқа мерзімді қазынашылық міндеттемелер

19. Қысқа мерзімді қазынашылық міндеттемелердің атаулы құны - 100 теңге.

20. «Мемлекеттік қысқа мерзімді қазынашылық міндеттеме» атауы мемлекеттік тілде «Мемлекеттік қысқа мерзімді қазынашылық міндеттеме» (МЕККАМ) деп аталады.

21. Қысқа мерзімді қазынашылық міндеттемелер үш, алты, тоғыз және он екі ай айналысқа қосу мерзімдерімен шығарылады.

22. Сыйақыны есептеу үшін қысқа мерзімді қазынашылық міндеттемелерді айналысқа қосу мерзімінде күндердің іс жүзіндегі саны пайдаланылады.

23. Қысқа мерзімді қазынашылық міндеттемелерді орналастыру дисконтталған баға (атаулы құннан төмен баға) бойынша өтеу - атаулы күн бойынша жүзеге асырылады.

24. Қысқа мерзімді қазынашылық міндеттемелердің иелері заңнамалық актілерде белгіленген шектеулерді қоспағанда, қысқа мерзімді қазынашылық міндеттемелермен кез келген азаматтық-құқықтық мәмілелерді жүзеге асыра алады. Бұл ретте инвестор қысқа мерзімді қазынашылық міндеттемелермен барлық операцияларды бастапқы дилер арқылы ресімдейді.

 

 

5. Орта мерзімді қазынашылық міндеттемелер

26. Орта мерзімді қазынашылық міндеттеменің атаулы құны - 1000 теңге.

27. «Мемлекеттік орта мерзімді қазынашылық міндеттеме» атауы мемлекеттік тілде «Мемлекеттік орта мерзімді қазынашылық міндеттеме» (МЕОКАМ) деп аталады.

28. Орта мерзімді қазынашылық міндеттемелер бір жылдан жоғары бес жылға дейін қоса алғанда айналысқа қосу мерзімдерімен шығарылады.

29. Орта мерзімді қазынашылық міндеттемелерді орналастыру және өтеу атаулы күн бойынша жүзеге асырылады, бұл ретте айналысқа қосу мерзімінің ішінде орналастырған кезде белгіленген купон деп аталатын сыйақы төленеді.

30. Орта мерзімді қазынашылық міндеттемелер бойынша купонның сомасын есептеу үшін есеп айырысу базасы - есеп айырысу айында 30 күн/есеп айырысу жылында 360 күн.

31. Орта мерзімді қазынашылық міндеттемелер бойынша купонды төлеу орта мерзімді қазынашылық міндеттемелерді тиісті айналысқа қосу жылы жылына екі рет эмитент белгілеген күндері жүзеге асырылады.

32. Купон сомасы мынадай формуламен анықталады:

33. Орта мерзімді қазынашылық міндеттемелердің иелері заңнамалық актілерде белгіленген шектеулерді қоспағанда, орта мерзімді қазынашылық міндеттемелермен кез келген азаматтық-құқықтық мәмілелерді жүзеге асыра алады. Бұл ретте инвестор орта мерзімді қазынашылық міндеттемелермен барлық операцияларды бастапқы дилер арқылы ресімдейді.

6. Ұзақ мерзімді қазынашылық міндеттемелер

35. Ұзақ мерзімді қазынашылық міндеттеменің атаулы құны - 1000 теңге.

36. «Мемлекеттік ұзақ мерзімді қазынашылық міндеттеме» атауы мемлекеттік тілде «Мемлекеттік ұзақ мерзімді қазынашылық міндеттеме» (МЕУКАМ) деп аталады.

37. Ұзақ мерзімді қазынашылық міндеттемелер бес жылдан жоғары айналысқа қосу мерзімімен шығарылады.

38. Ұзақ мерзімді қазынашылық міндеттемелерді орналастыру және өтеу атаулы құны бойынша жүзеге асырылады, бұл ретте, айналысқа қосу мерзімі ішінде орналастыру кезінде анықталған купон деп аталатын сыйақы төленеді.

39. Ұзақ мерзімді қазынашылық міндеттемелер бойынша купон сомасын есептеуге арналған есеп айырысу базасы - есеп айырысу айында 30 күн/есеп айырысу жылында 360 күн.

40. Ұзақ мерзімді қазынашылық міндеттемелер бойынша купон төлемі ұзақ мерзімді қазынашылық міндеттемелерді тиісті айналысқа қосу жылы жылына бір рет эмитент белгіленген күндерде жүзеге асырылады.

41. Купон сомасы мынадай формуламен анықталады:

42. Ұзақ мерзімді қазынашылық міндеттемелердің иелері заңнамалық актілерде белгіленген шектеулерді қоспағанда, ұзақ мерзімді қазынашылық міндеттемелермен кез келген азаматтық-құқықтық мәмілелерді жүзеге асыра алады. Бұл ретте инвестор ұзақ мерзімді қазынашылық міндеттемелермен барлық операцияларды бастапқы дилер арқылы ресімдейді.

7. Орта мерзімді индекстелген қазынашылық міндеттемелер

44. Орта мерзімді индекстелген қазынашылық міндеттеменің атаулы құны - 1000 теңге.

45. «Мемлекеттік орта мерзімді индекстелген қазынашылық міндеттеме» атауы мемлекеттік тілде «Мемлекеттік орта мерзімді индекстелген қазынашылық міндеттеме» (МОИКАМ) деп аталады.

46. Орта мерзімді индекстелген қазынашылық міндеттемелер бір жылдан жоғары бес жылға дейін қоса алғанда айналысқа қосу мерзімдерімен шығарылады және алты ай еселігі болуы тиіс.

47. Орта мерзімді индекстелген қазынашылық міндеттемелерді орналастыру және өтеу атаулы құны бойынша жүзеге асырылады, бұл ретте айналысқа қосу мерзімі ішінде индекстелген купон деп аталатын сыйақы төленеді.

48. Егер эмитент қазынашылық міндеттемелерді шығарудың өзгеше күнін көздемесе, орта мерзімді индекстелген қазынашылық міндеттемелерді орналастыру айдың соңғы күнінің алдындағы жұмыс күні жүргізіледі.

49. Орта мерзімді индекстелген қазынашылық міндеттемелер бойынша купон сомасын есептеуге арналған есеп айырысу базасы - есеп айырысу айында 30 күн/есеп айырысу жылында 360 күн.

50. Индекстелген купон төлемі тиісті кезеңділікпен жылына екі рет эмитент белгілеген күндерде орта мерзімді индекстелген қазынашылық міндеттемелер бойынша жүзеге асырылады.

51. Орта мерзімді индекстелген қазынашылық міндеттемелерге салынған ақшаны индекстеу тіркелген купонды қосудан алынған, орналастыру кезінде анықталған индекстелген купонды және өткен купондық кезең үшін инфляция индексін есептеу арқылы жүргізіледі.

52. Индекстелген купон сомасы мынадай формуламен анықталады:

S=N*І/100+С

мұнда,

S, теңге - кезекті төлемге жататын орта мерзімді индекстелген қазынашылық міндеттемелердің индекстелген купонының сомасы;

N, теңге - кезекті төлемге жататын орта мерзімді индекстелген қазынашылық міндеттемелердің тиісті саны атаулы құнының сомасы;

І, % - төлемге жататын өткен купон кезеңі үшін инфляция индексі,

бұл ретте,

І-(((І1/100)*(І2/100)*(І3/100)*...*(Іn/100))-1)*100,

мұнда,

І1, I2, І3,...,Іn - купондық кезеңнің тиісті айлары үшін тұтыну бағасының индекстері, І мәні үтірден кейін үш (қоса алғанда) санға дейін дөңгелектенеді;

С, - тіркелген купон сомасы;

бұл ретте,

С=N*К* 180/360,

мұнда,

К, % - орналастыру кезінде анықталған тіркелген жылдық купонның мәні.

53. Тұтыну бағасының индексін Қазақстан Республикасының Статистика жөніндегі агенттігі ай сайын жариялайды.

54. Егер өткен купондық кезең үшін инфляция индексі теріс мәнге тең болған жағдайда, онда инфляция индексінің мәнін нөлге тең деп қабылдау қажет.

55. Орта мерзімді индекстелген қазынашылық міндеттемелердің иелері заңнамалық кесімдерде белгіленген шектеулерді қоспағанда, орта мерзімді индекстелген қазынашылық міндеттемелермен кез келген азаматтық-құқықтық мәмілелерді жүзеге асыра алады. Бұл ретте, инвестор орта мерзімді индекстелген міндеттемелермен барлық операцияларды бастапқы дилер арқылы ресімдейді.

8. Ұзақ мерзімді индекстелген қазынашылық міндеттемелер

57. Ұзақ мерзімді индекстелген қазынашылық міндеттеменің атаулы құны - 1000 теңге.

58. «Мемлекеттік ұзақ мерзімді индекстелген қазынашылық міндеттеме» атауы мемлекеттік тілде «Мемлекеттік ұзақ мерзімді индекстелген қазынашылық міндеттеме» (МУИКАМ) деп аталады.

59. Ұзақ мерзімді индекстелген қазынашылық міндеттемелер бес жылдан жоғары айналысқа қосу мерзімдерімен шығарылады және он екі ай еселігі болуы тиіс.

60. Ұзақ мерзімді индекстелген қазынашылық міндеттемелерді орналастыру және өтеу атаулы құны бойынша жүзеге асырылады, бұл ретте, айналысқа қосу мерзімі ішінде индекстелген купон деп аталатын сыйақы төленеді.

61. Егер эмитент қазынашылық міндеттемелерді шығарудың өзгеше күнін көздемесе, ұзақ мерзімді индекстелген қазынашылық міндеттемелерді орналастыру айдың соңғы күнінің алдындағы жұмыс күні жүргізіледі.

62. Ұзақ мерзімді индекстелген қазынашылық міндеттемелер бойынша купонның сомасын есептеу үшін есеп айырысу базасы - есеп айырысу айында 30 күн/есеп айырысу жылында 360 күн.

63. Индекстелген купон төлемі тиісті кезеңділікпен жылына бір рет эмитент белгілеген күндерде ұзақ мерзімді индекстелген қазынашылық міндеттемелер бойынша жүзеге асырылады.

64. Ұзақ мерзімді индекстелген қазынашылық міндеттемелерге салынған ақшаны индекстеу тіркелген купонды қосудан алынған, орналастыру кезінде анықталған индекстелген купонды және өткен купондық кезең үшін инфляция индексін есептеу арқылы жүргізіледі.

65. Индекстелген купон сомасы мынадай формуламен анықталады:

S=N*I/100+С,

мұнда,

S, теңге - кезекті төлемге жататын ұзақ мерзімді индекстелген қазынашылық міндеттемелердің индекстелген купонының сомасы;

N, теңге - кезекті төлемге жататын ұзақ мерзімді индекстелген

қазынашылық міндеттемелердің тиісті саны атаулы құнының сомасы;

І, % - төлемге жататын өткен купондық кезең үшін инфляция индексі,

бұл ретте,

І-(((І1/100)*(І2/100)*(І3/100)*...*(Іn/100))-1)*100;

мұнда,

I1, І2, І3,..., Іn- купондық кезеңнің тиісті айлары үшін тұтыну бағаларының индекстері, І мәні үтірден кейін үш (қоса алғанда) санға дейін дөңгелектенеді;

С, - тіркелген купон сомасы;

бұл ретте, С=N*К,

мұнда,

К, % - орналастыру кезінде анықталған тіркелген жылдық купонның мәні.

66. Тұтыну бағасының индексін Қазақстан Республикасы Статистика агенттігі ай сайын жариялайды.

67. Егер еткен купондық кезең үшін инфляция индексі теріс мәнге тең болған жағдайда, онда инфляция индексінің мәнін нөлге тең деп қабылдау қажет.

68. Ұзақ мерзімді индекстелген қазынашылық міндеттемелердің иелері заңнамалық кесімдерде белгіленген шектеулерді қоспағанда, ұзақ мерзімді индекстелген қазынашылық міндеттемелермен кез келген азаматтық-құқықтық мәмілелерді жүзеге асыра алады. Бұл ретте инвестор ұзақ мерзімді индекстелген қазынашылық міндеттемелермен барлық операцияларды бастапқы дилер арқылы ресімдейді.

9. Ұзақ мерзімді жинақтаушы қазынашылық міндеттемелер

70. Ұзақ мерзімді жинақтаушы қазынашылық міндеттеменің атаулы құны - 1000 теңге.

71. «Мемлекеттік ұзақ мерзімді жинақтаушы қазынашылық міндеттеме» атауы мемлекеттік тілде «Мемлекеттік ұзақ мерзімді жинақтаушы қазынашылық міндеттеме» (МЕУЖКАМ) деп аталады.

72. Ұзақ мерзімді жинақтаушы қазынашылық міндеттемелер жинақтаушы зейнетақы қорлары, «Мемлекеттік әлеуметтік сақтандыру қоры» АҚ арасында орналастырылады, қазынашылық міндеттемелерді айналысқа қосу мерзімінің екінші бірі жинақтаушы зейнетақы қорлары, «Мемлекеттік әлеуметтік сақтандыру қоры» АҚ арасында жүзеге асырылады, көрсетілген мерзім өткеннен кейін қазынашылық міндеттемелерді айналысқа қосу еркін негізде жүзеге асырылады.

73. Ұзақ мерзімді жинақтаушы қазынашылық міндеттемелер бес-жылдан жоғары айналысқа қосу мерзімімен шығарылады және он екі ай еселігі болуы тиіс.

74. Ұзақ мерзімді жинақтаушы қазынашылық міндеттемелерді орналастыру және өтеу атаулы құны бойынша жүзеге асырылады, бұл ретте айналысқа қосу мерзімі ішінде индекстелген купон деп аталатын сыйақы төленеді.

75. Егер эмитент қазынашылық міндеттемелерді шығарудың өзгеше күнін көздемесе, ұзақ мерзімді жинақтаушы қазынашылық міндеттемелерді орналастыру айдың соңғы күнінің алдындағы жұмыс күні жүргізіледі.

76. Ұзақ мерзімді жинақтаушы қазынашылық міндеттемелер бойынша купонның сомасын есептеу үшін есеп айырысу базасы - есеп айырысу айында 30 күн/есеп айырысу жылында 360 күн.

77. Индекстелген купон төлемі тиісті кезеңділікпен жылына бір рет эмитент белгілеген күндерде ұзақ мерзімді жинақтаушы қазынашылық міндеттемелер бойынша жүзеге асырылады.

Бұл ретте ұзақ мерзімді жинақтаушы қазынашылық міндеттемелер бойынша индекстелген купон төлемі айналысқа қосатын әрбір он екі толық күнтізбелік ай сайын айдың бесінші жұмыс күнінде жүргізіледі.

78. Ұзақ мерзімді жинақтаушы қазынашылық міндеттемелерге салынған ақшаны индекстеу тіркелген купонды қосудан алынған, орналастыру кезінде анықталған индекстелген купонды және өткен купондық кезең үшін инфляция индексін есептеу арқылы жүргізіледі.

79. Индекстелген купон сомасы мынадай формуламен анықталады:

S=N*І/100+С,

мұнда,

S, теңге - кезекті төлемге жататын ұзақ мерзімді жинақтаушы қазынашылық міндеттемелердің индекстелген купонының сомасы;

N, теңге - кезекті төлемге жататын ұзақ мерзімді жинақтаушы қазынашылық міндеттемелердің тиісті саны атаулы құнының сомасы;

І, % - төлемге жататын өткен купондық кезең үшін инфляция индексі,

бұл ретте,

І-(((І1/100)*(І2/100)*(І3/100)*...*(Іn/100))-1)*100,

мұнда,

І1 І2, І3,...,Іn - купондық кезеңнің тиісті айлары үшін тұтыну бағаларының индекстері, І мәні үтірден кейін үш санға дейін (қоса алғанда) дөңгелектенеді;

С, - тіркелген купон сомасы;

бұл ретте, С=N*К,

мұнда,

К, % - орналастыру кезінде анықталған тіркелген жылдық купонның мәні.

80. Тұтыну бағасының индексін Қазақстан Республикасының Статистика жөніндегі агенттігі ай сайын жариялайды.

81. Егер өткен купондық кезең үшін инфляция индексі теріс мәнге тең болған жағдайда инфляция индексінің мәнін нөлге тең деп қабылдау қажет.

82. Ұзақ мерзімді жинақтаушы қазынашылық міндеттемелердің иелері заңнамалық актілерде белгіленген шектеулерді қоспағанда, ұзақ мерзімді жинақтаушы қазынашылық міндеттемелермен кез келген азаматтық-құқықтық мәмілелерді жүзеге асыра алады.

ҚР Үкіметінің 2009.01.09. № 1295 Қаулысымен 10-бөліммен толықтырылды

10. Арнайы орта мерзімді қазынашылық міндеттемелер

 

83. Арнайы орта мерзімді қазынашылық міндеттемелер купондық эмиссиялық бағалы қағаздар болып табылады.

84. Арнайы орта мерзімді қазынашылық міндеттемелердің атаулы құны - 10 АҚШ долларына баламалы теңгедегі сома.

85. «Мемлекеттік арнайы орта мерзімді қазынашылық міндеттеме» деген атауы мемлекеттік тілде «Мемлекеттік арнайы орта мерзімді қазынашылық міндеттеме» (МАОКАМ) деп аталады.

86. Арнайы орта мерзімді қазынашылық міндеттемелер екі және үш жыл айналысқа қосу мерзімдерімен шығарылады.

87. Арнайы орта мерзімді қазынашылық міндеттемелерді орналастыру агент арқылы жазылуды жүргізу жолымен Қазақстан Республикасының резидент жеке тұлғалары арасында ғана жүзеге асырылады.

Агентті тарту туралы шешімді эмитент қабылдайды. Агенттерді іріктеу әлеуетті агенттердің осы Ережеде белгіленген талаптарға сәйкестігін, әлеуетті агенттер ұсынатын арнайы орта мерзімді қазынашылық міндеттемелерді орналастыру жөніндегі шарттардың қолайлылығын бағалау жолымен Қазақстан Республикасының азаматтық заңнамасына сәйкес тендер негізінде жүзеге асырылады. Тендердің қорытындылары бойынша эмитент агентпен агенттік келісім жасасады.

88. Арнайы орта мерзімді қазынашылық міндеттемелерді және олар бойынша құқықтарды есепке алу депозитарийдегі депоненттердің дербес шоттары бойынша және депоненттердің дербес шоттарында ашылған инвесторлардың жеке қосалқы шоттарында жүзеге асырылады.

89. Арнайы орта мерзімді қазынашылық міндеттемелер бойынша құқықтарды растау депозитарийді есепке алу жүйесінде арнайы орта мерзімді қазынашылық міндеттемелерді ұстаушының қосалқы шотынан не атаулы ұстаушыны есепке алу жүйесінде арнайы орта мерзімді қазынашылық міндеттемелерді ұстаушының дербес есеп шотынан көшірме беру жолымен жүзеге асырылады.

90. Арнайы орта мерзімді қазынашылық міндеттемелерге жазылу басталғанға дейін бір жұмыс күнінен кешіктірмей эмитент депозитарийге арнайы орта мерзімді қазынашылық міндеттемелерді шығару туралы мәліметтерді береді.

91. Арнайы орта мерзімді қазынашылық міндеттемелердің шығарылымына жазылу басталғанға дейін екі аптадан кешіктірмей эмитент бұқаралық ақпарат құралдары және агент арқылы арнайы орта мерзімді қазынашылық міндеттемелерді шығару туралы жариялайды. Арнайы орта мерзімді қазынашылық міндеттемелерді шығару туралы хабарландыру мыналарды: арнайы орта мерзімді қазынашылық міндеттемелерге жазылу және сатып алу, оларды айналысқа қосу тәртібін, шығарылған күнін және нөмірін, айналым мерзімін, сыйақы ставкасын, сыйақы төлеу және өтеу күнін, сыйақы сомасын есептеу әдісін, өтінімдерді қабылдау орнын қамтуы тиіс.

92. Арнайы орта мерзімді қазынашылық міндеттемелерге жазылу он жұмыс күні ішінде жалғастырылады. Эмитент жазылу мерзімін он жұмыс күніне дейін ұзарта алады. Жазылу мерзімін ұзартқан жағдайда эмитент жазылу мерзімін ұзарту басталған күнге дейін бір жұмыс күнінен кешіктірмей бұл туралы агентті және депозитарийді хабардар етеді және қажет болған кезде арнайы орта мерзімді қазынашылық міндеттемелерді шығару туралы мәліметтерді береді.

93. Арнайы орта мерзімді қазынашылық міндеттемелерге жазылуды жүзеге асыру кезінде жеке тұлғалар осы Ережеге 1-қосымшаға сәйкес нысан бойынша толтырылған өтінімді агентке береді және өтінімде көрсетілген арнайы орта мерзімді қазынашылық міндеттемелердің санына сәйкес келетін сомада сатып алынатын арнайы орта мерзімді қазынашылық міндеттемелер үшін ақы төлеуді жүргізеді. Өтінімдер бойынша ақы төлеу Қазақстан Республикасы Ұлттық Банкі өтінімдер берілетін күнге белгілеген теңгенің АҚШ долларына шаққандағы ресми бағамы бойынша қолма-қол да және сол сияқты қолма-қол емес нысанда да теңгемен жүзеге асырылады.

94. Жеке тұлғаның агентті атаулы ұстаудың есепке алу жүйесінде ашылған жеке шоты болмаған жағдайда өтінімді берумен бір уақытта жеке тұлға шотты ашуға бұйрықты және жеке басын куәландыратын құжаттың көшірмесін және салық төлеушінің тіркеу нөмірінің көшірмесін қоса бере отырып, брокерлік қызмет көрсету және атаулы ұстау жөніндегі қызметтерді көрсетуге жасалатын шарттың негізінде агенттің ішкі құжаттарына сәйкес дербес шот ашады. Агент депозитарийді есепке алу жүйесінде тиісті қосалқы шот ашуы тиіс.

95. Жазылу жүргізу кезеңінде арнайы орта мерзімді қазынашылық міндеттемелерді сатып алуға жеке тұлғалар берген өтінімдер кері қайтарылмайды.

96. Жазылу жүргізу кезеңінде агент операциялық шығыстар үшін жеке тұлғалардан төлем алмайды. Осы шығыстар агенттік келісімге сәйкес эмитент агентке төлейтін комиссиялық сыйақының сомасына енгізіледі.

97. Жазылу жүргізу кезеңінде агент жұмыс күні ішінде өтінімдер қабылдауды жүргізеді. Келесі күні Астана қаласы уақытымен сағат 11.00-ге дейін Агент қабылданған және қанағаттандырылған өтінімдердің жиынтық ведомосін қалыптастырады және эмитентке әрі бұйрықтарды бастапқы орналастыруға депозитарийге жібереді.

Депозитарий қабылданған бұйрықтардың негізінде арнайы орта мерзімді қазынашылық міндеттемелерді тиісті қосалқы шоттарға есептейді және сол күнгі Астана қаласы уақытымен сағат 12.00-ге дейін бұйрықтардың орындалуы (орындалмауы) туралы есептерді агентке жібереді.

98. Агент депозитарийдің есебін алған күнінен бастап екі жұмыс күнінің ішінде арнайы орта мерзімді қазынашылық міндеттемелерді орналастырудан түсетін қаражатты эмитентке аударады.

99. Жазылу аяқталған күнінен бастап екінші күні эмитент арнайы орта мерзімді қазынашылық міндеттемелерді орналастыру нәтижелерін агентке жібереді.

100. Агенттің қызметтері үшін комиссиялық сыйақы төлеу тәртібі агенттік келісіммен анықталады. Комиссиялық сыйақы мөлшері осы Ережеге 2-қосымшаға сәйкес анықталады.

101. Жазылу аяқталған күнінен кейінгі келесі күн арнайы орта мерзімді қазынашылық міндеттемелерді айналысқа қосудың басталған күні болып есептеледі. Арнайы орта мерзімді қазынашылық міндеттемелерді айналысқа қосу осы міндеттемелерді өтегенге дейін екі жұмыс күні бұрын аяқталады.

102. Қазақстан Республикасының резидент жеке және заңды тұлғалары қайталама нарықта арнайы орта мерзімді қазынашылық міндеттемелерді сатып ала алады.

103. Арнайы орта мерзімді қазынашылық міндеттемелерді ұстаушы болып табылатын жеке тұлға бағалы қағаздардың қайталама нарығында арнайы орта мерзімді қазынашылық міндеттемелері бар операциялар жасасу туралы шешім қабылдаған жағдайда мәміле жеке тұлға мен агент арасындағы брокерлік қызмет көрсету мен атаулы ұстау жөніндегі қызметтерді көрсетуге жасалған шарттың негізінде жасалады.

104. Агент арнайы орта мерзімді қазынашылық міндеттемелерді ұстаушылар болып табылатын жеке тұлғалардан брокерлік қызмет көрсеткені үшін төлем алмайды. Осы шығыстар агенттік келісімге сәйкес эмитент агентке төлейтін комиссиялық сыйақы сомасына енгізіледі.

105. Арнайы орта мерзімді қазынашылық міндеттемелер бойынша сыйақы төлеу мерзімділігі - жарты жылдық. Арнайы орта мерзімді қазынашылық міндеттемелерді ұстаушыларға сыйақы төлеу Қазақстан Республикасы Ұлттық Банкі сыйақы төлеу күніне белгілеген теңгенің АҚШ долларына шаққандағы ресми бағамы бойынша теңгемен төлем күнінен бастап екі жұмыс күні ішінде жүзеге асырылады.

Арнайы орта мерзімді қазынашылық міндеттемелермен жасалатын операциялар сыйақы төлеу күніне дейін екі жұмыс күні бұрын тоқтатылады және сыйақы төлеу күнінен бастап екі жұмыс күні өткен соң қайта басталады.

106. Арнайы орта мерзімді қазынашылық міндеттемелер бойынша купонның сомасын есептеу үшін есеп айырысу базасы - есеп айырысу айында 30 күн/есеп айырысу жылында 360 күн.

107. Купон сомасы мынадай формуламен анықталады:

S = № * С * 180/360

мұнда,

S, теңге - кезекті төлемге жататын арнайы орта мерзімді қазынашылық міндеттемелер купонының сомасы;

№, теңге - Қазақстан Республикасы Ұлттық Банкі сыйақы төлеу күніне белгілеген теңгенің АҚШ долларына шаққандағы ресми бағамы бойынша кезекті төлемге жататын арнайы орта мерзімді қазынашылық міндеттемелердің тиісті саны атаулы құнының сомасы;

С, % - купон ставкасы.

108. Сыйақы төлеу күніне дейін екі жұмыс күні бұрын депозитарий сыйақы алуға құқығы бар ұстаушылардың тізімін қалыптастырады және сыйақы төлеуге жататын АҚШ долларындағы жалпы сома туралы мәліметтерді эмитентке жібереді.

109. Сыйақы төлейтін күні Астана қаласы уақытымен сағат 16.00-ге дейін эмитент Қазақстан Республикасы Ұлттық Банкі сыйақы төлеу күніне белгілеген теңгенің АҚШ долларына шаққандағы ресми бағамы бойынша теңгемен ақшаны алдағы сыйақы төлеу туралы мәліметтерде көрсетілген сомада депозитарийдің позициясына аударады.

110. Сыйақы төлейтін күні Астана қаласы уақытымен сағат 17.00-ге дейін депозитарий осы Ереженің 108-тармағына сәйкес қалыптастырылған тізімге сәйкес эмитенттен түскен ақшаны депоненттерге аударады.

111. Депонент сыйақы төлеу күнінен бастап екі жұмыс күні ішінде арнайы орта мерзімді қазынашылық міндеттемелерді ұстаушыларға сыйақы төлеуді жүзеге асырады.

112. Арнайы орта мерзімді қазынашылық міндеттемелерді өтеу Қазақстан Республикасы Ұлттық Банкі өтеу күніне белгілеген теңгенің АҚШ долларына шаққандағы ресми бағамы бойынша теңгемен атаулы құн бойынша арнайы орта мерзімді қазынашылық міндеттемелерді өтеу күнінен бастап, екі жұмыс күні ішінде жүзеге асырылады.

113. Арнайы орта мерзімді қазынашылық міндеттемелері бар мәмілелерді тіркеу арнайы орта мерзімді қазынашылық міндеттемелерді өтеу күніне дейін екі жұмыс күні бұрын тоқтатылады.

114. Өтеу күніне дейін екі жұмыс күні бұрын депозитарий өтеу кезінде ақша алуға құқығы бар ұстаушылардың тізімін қалыптастырады және өтеуге тиесілі АҚШ долларында жалпы сома туралы мәліметтерді эмитентке жібереді.

115. Өтеу күні Астана қаласы уақытымен сағат 16.00-ге дейін эмитент Қазақстан Республикасы Ұлттық Банкі өтеу күніне белгілеген теңгенің АҚШ долларына шаққандағы ресми бағамы бойынша теңгемен алдағы өтеу туралы мәліметтерде көрсетілген сомада ақшаны депозитарийдің позициясына аударады.

116. Өтеу күні Астана қаласы уақытымен 17.00-ге дейін депозитарий осы Ереженің 114-тармағына сәйкес қалыптастырылған тізімге сәйкес депоненттерге ақша аударады және бір уақытта қосалқы шоттардан өтелетін арнайы орта мерзімді қазынашылық міндеттемелерді есептен шығарады.

117. Депонент өтеу күнінен бастап екі жұмыс күнінің ішінде арнайы орта мерзімді қазынашылық міндеттемелерді өтеуге ақша аударуды жүзеге асырады.

 ҚР Үкіметінің 2009.01.09. № 1295 Қаулысымен 1-қосымшамен толықтырылды

Қазақстан Республикасының мемлекеттік

Қазақстан Республикасының мемлекеттік