ЕРЕЙМЕНТАУ АУДАНЫНЫҢ БІЛІМ БӨЛІМІ
"БАЛАЛАР МУЗЫКА МЕКТЕБІ" МКҚК
МОДИФИКАЦИЯЛАНҒАН ОҚУ
БАҒДАРЛАМАСЫ
("ҚОБЫЗ" МАМАНДЫҒЫ )
Құрастырған және ұсынған:
"Халық аспаптары бөлімі"
Бекітемін____________
БММ директоры
А.Ж.Осипов
Түсінік хат
Ерейментау қаласының "Балалар музыка мектебі" МКҚК-ның қобыз мамандығы сыныптары қобыз үйретудегі екі басты әдістемелердің кіріктірілген жүйесіне сүйене отырып жұмыс жасайды:
1) Ш.Рауандина,Ф.Балғаева «қобыз үйрену мектебі»1994ж (Қазақстан Республикасы білім және ғылым министрлігі бекіткен).; 2)З.Бейсембаева мен Ғ.Молдакаримова «Қобыз үйрену мектебі»1983ж.(Қазақ ССР халыққа білім беру министрлігінің коллегиясы бекіткен).Бұл еңбектер әр кезеңде домбыра
тартуды нотамен меңгеріп, музыкалық сауат ашуда негізгі оқу құралдары ретінде үлкен рөл атқаруда. Бұл жазылған оқу құралдарын сабақ беру методикасы жағынан алып қарағанда белгілі бір жүйеге келтірілген, шынайы кәсіби деңгейде жазылған құнды да қажетті еңбектер болып есептеледі. Аталғанеңбектерге сүйене отырып осы оқу бағдарламасы құрастырылды. Бағдарлама қобыз мамандығы бойынша оқитын музыка мектебінің
оқушыларына репертуар таңдау, техникалық сынақтар,
академиялық концерттер, мемлекеттік емтихан талаптарына жобалау үшін беріліп отыр. Репертуар мен талаптар әр оқушының қабілет деңгейіне келе бермейтіндігінен еліміздің музыкалық білім жүйесі диференциялды(сараланған) тәсіл бойынша жұмыс істеуде, яғни талаптарды бір сынып төмен немесе
жоғары алуға рұқсат етілген, қосымша ретінде өзге де лайықты деп саналған шығармаларды беруге болады.Алғашқы типтік оқу бағдарламалары Құрманғазы атындағы Қазақ Ұлттық Консерваториясының бастауымен
ҚР Білім және ғылым министлігінің музыкалық білім саласындағы өкілетті кеңесімен №03-3/585 08.04.2013ж. БЕКІТІЛДІ және ЕНГІЗІЛДІ. Қазіргі кезде осы бағдарламаға сүйеніп барлық музыкалық білім беру орындары жұмыс істеуде. Біз ұсынып отырған осы бағдарлама модификацияланған(лайықталған), әрі қобыз мамандығы ұстаздарының көп жыл жинақтаған педагогикалық тәжірибелерінің синтезі. Дәл қазіргі кездегі қобыз өнерінің
деңгейі қаншалықты өзгеріп, биікке көтерілгенін байқау қиын емес,осы орайда ұлттық өнерімізде туындап отырған оң өзгерістер мен бетбұрыстар қобыз еншісіне де өз тиесілі жүгін артып отыр.
Сабақ
беру тәсілі-жекеше, аптасына 2 сағ. қарастырылған. Оқу мерзімі 5 - 7 жыл Оқушылардың жас шамасы 7 - 17 жас.
