Бұқар жырау ауданы әкімдігінің 2012 жылғы 5 наурыздағы №05/01 қаулысы

№ 05/01 қаулысы

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 31 бабына, «Халықты жұмыспен қамту туралы» Қазақстан Республикасының 2001 жылғы 23 қаңтардағы Заңының 18-1 бабына және 4 бабының 2 тармағының 5) тармақшасына, Жұмыспен қамту 2020 бағдарламасының 4.3.1 тармағына, «Халықты жұмыспен қамту туралы Қазақстан Республикасының 2001 жылғы 23 қаңтардағы Заңын іске асыру жөніндегі шаралар туралы» Қазақстан Республикасы Үкіметінің 2001 жылғы 19 маусымдағы №836 қаулысына өзгеріс пен толықтыру енгізу туралы» Қазақстан Республикасы Үкіметінің 2011 жылғы 27 тамыздағы №972 қаулысына сәйкес, нысаналы топтарға жататын жұмыссыз азаматтарға әлеуметтік қолдау көрсету мақсатында, аудан әкімдігі ҚАУЛЫ ЕТЕДІ:

1. Нысаналы топтардан жұмыссыздарды жұмысқа орналастыру үшін әлеуметтік жұмыс орындарын үйымдастыруды ұсынатын жұмыс берушілердің тізімі қосымшаға сәйкес бекітілсін.

2. «Қарағанды облысы Бұқар жырау ауданы әкімдігінің Бұқар жырау ауданының жұмыспен қамту орталығы» коммуналдық мемлекеттік мекемесі (бұдан әрі – Жұмыспен қамту орталығы) заңда белгіленген тәртіппен Жұмыспен қамту орталығында тіркелген нысаналы топтарға жататын жұмыссыз азаматтарды уақытша он екі айға дейін жұмысқа орналастыру үшін әлеуметтік жұмыс орындарын құру бойынша жұмыстарды ұйымдастырсын.

3. Әлеуметтік жұмыс орындарын құру бойынша шараларды қаржыландыру 002 «Жұмыспен қамту бағдарламасы» бағдарламасы 103 «Республика бюджетінің ағымдағы нысаналы трансферті есебінен әлеуметтік жұмыс орындары мен жастар тәжірибесі бағдарамасын кеңейту» қосымша бағдарламасында көзделген республика бюджеті есебінен жүргізілсін.

4. Әлеуметтік жұмыс орындарына жіберілетін адамдардың орташа айлық аударымдар мөлшері жалпы трансферттер сомасынан жұмысқа орналастырылғандардың жоспарлы саны мен қатысу ұзақтығын ескеріп, міндетті зейнетақы жарналары мен жеке табыс салығын қосқанда алғашқы алты айда жалақы мөлшері 50% немесе 26 000 теңге, келесі үш айда 30% немесе 15 600 теңге, соңғы үш айда 15% немесе 7800 теңге мөлшерінде белгіленсін, жұмыс берушілердің бірлесіп қаржыландыру үлесі Жұмыспен қамту орталығы және жұмыс берушінің арасында жасалған шартпен айқындалады және айлық еңбекақының 50% кем емес мөлшерін құрайды.

5. Осы қаулының орындалуын бақылау аудан әкімінің орынбасары Асхат Сағадиұлы Әлиге жүктелсін.

6. Осы қаулы ресми жарияланған күннен бастап қолданысқа енгізіледі және 2012 жылдың 1 қаңтарынан бастап туындайтын құқықтық қарым-қатынастарға таратылады.

Аудан әкімдігінің

2012 жылғы « » наурыздағы №__________

қаулысына қосымша