Бейорганикалық химия практикумы
жүктеу/скачать 6.08 Mb.
|
- Бұл бет үшін навигация:
- Резеңке тығындар
| 1.3.2.9. Тығындар
Тығындар табиғи (ағаштан жасалған), шыны, резеңке және пластмассалы болады. Табиғи тығын көптеген органикалық заттардың буларына шымыр, ыстыққа төзімді, химиялық тұрақты болады. Бірақ ол галогендердің, күшті тотықтырғыштардың, концентрлі азот және күкірт қышқылдарының, сонымен бірге сілтілердің әсеріне тұрақтылығы төмен. Тығындарды тесу үшін бір ұшы тұтқамен жабдықталған, ал екінші ұшы қайралған металл түтіктерден тұратын қол бұрғыларының жиынтығы шығарылады. Таңдап алынған бұрғының диаметрі керекті тесіктің диаметрінен сәл аздау болу керек. Бұрғыны бір бағытта көп күш жібермей айналдырып, тығынды төменгі жағынан бастап бұрғылау керек, әйтпесе тесік көбінесе ағаш тығындарда шет жағы үзілген, тегіс болмайды. Бұрғылағанда тығын үстелге емес ағаш тақтайға тірелу керек. Жұмыс процесінде бұрғылар әдетте, өтпей қалады. Бұрғыларды қайрау үшін арнайы пышақ қолданылады. Тесілген тығындардың химиялық тұрақтылығын арттыру үшін оларға парафин, полиэтилен-парафин массасын парафин сіңдіреді (15(. Аспаптарды жинағанда түтік кигізілетін тығындағы тесікке глицерин жаққан дұрыс. Резеңке тығындар оңай өңделеді және ыдыс немесе аспаптың герметикалығын жеткілікті қамтамасыз етеді. Бірақ олар бұзылып, жарықтың, хлорсутектің және күшті тотықтырғыштардың (галогендер, азот оксидтері және басқалары) әсерінен иілгіштігін жоғалтады. Одан басқа да олар органикалық еріткіштердің буларының, әсіресе, ароматты көмірсутектердің әсерінен жеңіл іседі де айдау кезінде көбінесе органикалық заттардың ластануына себебін тигізеді. Резеңке тығындарды ағаш тығын сияқты теседі, бірақ бұрғыны бір бағытта айналдырмау керек. Әрбір жарты айналымнан кейін айналу бағытын өзгерту қажет; мұнда бұрғыны шығарып алып, тесікке глицерин қосу керек. Әйтпесе тесік тереңдеген сайын тарыла береді. Резеңке тығындардағы тесіктерді тазалайтын арнайы пресс шығарылады. Резеңке тығындардың нөмірлері тығынмен герметикаланатын ыдыстың мойнына сәйкес келеді. Резеңке тығындар 5; 7,5; 10; 12,5; 14,5; 16; 19; 21,5; 24; 29; 34,5; 40; 45; 50; 60; 85 нөмірлерімен шығарылады. жүктеу/скачать 6.08 Mb. Достарыңызбен бөлісу:
|