Бәсекелес ортаға беруге ұсынылатын коммуналдық меншіктің облыстық ұйымдарының тізбесін бекіту туралы Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару

Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 27-бабының 2-тармағына, Қазақстан Республикасы Үкіметінің 2015 жылғы 30 желтоқсандағы «2016-2020 жылдарға арналған жекешелендірудің кейбір мәселелері туралы» қаулысына сәйкес Ақтөбе облысының әкімдігі ҚАУЛЫ ЕТЕДІ:

1. 
   Қоса беріліп отырған бәсекелес ортаға беруге ұсынылатын коммуналдық меншіктің облыстық ұйымдарының тізбесі бекітілсін.
   
2. 
   «Ақтөбе облысының қаржы басқармасы» мемлекеттік мекемесі осы қаулыны «Әділет» ақпараттық-құқықтық жүйесіне орналастыруды қамтамасыз етсін.
   
3. 
   Ақтөбе облысы әкімдігінің 2014 жылғы 2 маусымдағы № 173 «Жекешелендіруге жататын коммуналдық меншіктің облыстық ұйымдарының тізбесін бекіту туралы» қаулысы күші жойылды деп танылсын.
   
4. 
   Осы қаулының орындалуын бақылау Ақтөбе облысы әкімінің орынбасары А.С.Биахметовке жүктелсін.
   
5. 
   Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
   

Ақтөбе облысы әкімдігінің

2016 жылғы «___» _______

№____ қаулысымен бекітілген

Бәсекелес ортаға беруге ұсынылатын коммуналдық

1. 
   Ақтөбе облысының «Дене шынықтыру және спорт басқармасы» мемлекеттік мекемесінің «Намыс» кәсіпқой спорт клубы» мемлекеттік коммуналдық қазыналық кәсіпорыны;
   
2. 
   «Ақтөбе» облыстық футбол клубы» акционерлік қоғамы;
   
3. 
   «Шамшырақ-Ақтөбе» жауапкершілігі шектеулі серіктестігі;
   
4. 
   «Ақтөбе-агросервис» жауапкершілігі шектеулі серіктестігі;
   
5. 
   «Орталық стадион» мемлекеттік кәсіпорыны.