а, т, н, р, л, о, с, ш, қ, з дыбыстарын, ІІ кезеңде е, к, ә, ө, у, и, м, п, ы, і, д, ж, б, г, ғ, ұ, ү, ң, й дыбыстарын, сосын барып қана ІІІ кезеңде орыс тілі арқылы енген я, ю, х, һ, в, ф, ё, э, щ, ц, ч, ь, ъ дыбыстарын таныстыруды ұсынғанын көреміз. Ғ.Бегалиев тіліміздегі дауысты дыбыстардың қысаң, жуан, жіңішке болып бөлінетіндіктерін ескеріп буындарды үйретуде ең әуелі ашық буыннан бастап, сосын тұйық буынға көшіп, әрі қарай бітеу буынмен аяқтауды ұсынады. Сосын кезегінше күрделіндіре отырып ашық буын + бітеу буын, бітеу буын + ашық буын және тұйық буын + бітеу буын схемасымен оқыту қажеттігін көрсетеді.
Ал, М.Жұбанова дауыссыз дыбыстардың ең әуелі үнділерін, кейбір анық естілетінін, созып айтуға келетінін, қатаңдарын, онан кейін шұғылдарын өтуді, ал ұяң дыбыстарды соңырақ өтуді ұсынады. Буындарды танытуда М.Жұбанова тұйық буындардан бастағанды, екінші кезекте бітеу буынды, үшінші кезекте үш дыбысты ашық буынды өтуді ұсынады.
Достарыңызбен бөлісу: |
