Бір мақсат, бір мүдделі іргелі елміз, Айдынында өмірдің бір кемеміз

Бір мақсат, бір мүдделі іргелі елміз,

Айдынында өмірдің бір кемеміз.

Ұстанымы- татулық, бірлік, елдік,

Жүрегі бар кеудеде күнмен егіз.
Тарылмаған ақ пейіл, керегеміз,

Сан ұлтты ұйыстырған ғажап елміз.

Өз нанын өзгеменен бөліп жеген,

Бауырмал қазағымның көңлі семіз.

Сілкінсе, жолын жайпар бейне селміз.

Арманды ақиқатқа айналдырған

Бодандықтың бұғауын бұзған ерміз.

Кереге кең, тең біздің тереземіз.

Үмітін болашаққа үкілеген

Сан сынаққа сынбаған сірі елміз.

Сірі елміз, әу бастан тірі елміз !
Біз осындай әу бастан «тірі» елміз,

Ширалған сынақтармен шымыр елміз

Қолдаған «Мәңгілік ел» идеясын

Тірі елміз, сірі елміз, ірі елміз.

Жаңақорған ауданы

Сунақата ауылы