Д. Н. Аяганов., доктор PhD, доцент
СЫНЫП БӨЛМЕЛЕРІНІҢ АУА ОРТАСЫНА ҚОЙЫЛАТЫН ГИГИЕНАЛЫҚ ТАЛАПТАР
жүктеу/скачать 6.23 Mb.
|
| 10.2. СЫНЫП БӨЛМЕЛЕРІНІҢ АУА ОРТАСЫНА ҚОЙЫЛАТЫН ГИГИЕНАЛЫҚ ТАЛАПТАР
Сынып бөлмелері мен кабинеттеріндегі, психолог пен логопед кабинеттеріндегі, зертханалардағы, акт залындағы, асханадағы, демалыс бөлмелері, кітапханадағы, вестибюльдегі, гардеробтағы ауа температурасы климаттық жағдайларға байланысты 18-24°с; спортзалда және секциялық сабақтар өткізуге арналған бөлмелерде, шеберханаларда - 17-20°с; жатын бөлмеде, ойын бөлмелерінде, мектепке дейінгі білім беру бөлімшелерінің және мектеп жанындағы интернаттың үй – жайларында – 20-24°с; спорт залының медициналық кабинеттерінде, киім шешетін бөлмелерінде – 20-22°С, душ бөлмелерінде 25°С болу керек. Температуралық режимді бақылау үшін сынып бөлмелері мен кабинеттер тұрмыстық термометрлермен жарақтандырылуы тиіс. Оқудан тыс уақытта жалпы білім беретін оқу орнының үй - жайларында балалар болмаған кезде температура 15 °С-тан төмен болмауы тиіс. Жалпы білім беру мекемелерінің үй-жайларында ауаның салыстырмалы ылғалдылығы 40-60 %, ауа қозғалысының жылдамдығы 0,1 м/сек аспауы тиіс. Сынып бөлмелерінде үзіліс кезінде, ал демалыс бөлмелері сабақ уақытында желдетіледі. Өтпелі желдетудің ұзақтығы қолайлы жағдайлармен, желдің бағытымен және жылдамдығымен, жылыту жүйесінің тиімділігімен анықталады. Дене шынықтыру сабақтары мен спорт секцияларының сабақтарын аэрацияланатын спорт залдарында өткізу керек. Сабақ кезінде залда сыртқы ауа температурасы +5 С - тан жоғары және желдің қозғалу жылдамдығы 2 м/с-тан аспайтын кезде жел тұрған бағыттан бір немесе екі терезе ашу қажет. Сыртқы ауа температурасы -10°С төмен және ауа қозғалысының жылдамдығы 7 м/с жоғары болған кезде залды өтпелі желдету оқушылар болмаған кезде 1-1,5 минут; үлкен өзгерістер кезінде және ауысымдар арасында – 5-10 минут жүргізіледі. Ауа температурасы +14-ке жеткенде спорт залындағы желдетуді тоқтату керек. Терезелер рычагты аспаптары немесе желдеткіштері бар қайырмалы фрамугалармен жабдықталуы тиіс. Желдету үшін пайдаланылатын фрамугалар мен желдеткіштердің ауданы оқу орындарында еден алаңының 1/50 кем болмауы тиіс. Фрамугалар мен желдеткіштер жылдың кез келген уақытында жұмыс істеуі тиіс. Терезелерді ашу жазықтығы желдету режимін қамтамасыз етуі тиіс. Сору желдеткішінің жекелеген жүйелері мынадай болады: үй - жайлар үшін; оқу үй-жайлары мен кабинеттер; акт залдары; бассейндер; тирлер; асхана; медициналық пунк;, киноаппараттық; санитариялық тораптар; жинау өңдеуге және сақтауға арналған үй-жайлар; ағаш ұсталық және слесарлық шеберханалар. Механикалық сору желдеткішті плиталар орнатылған шеберханалар мен қызмет көрсететін еңбек кабинеттерінде жабдықталады. Жалпы білім беру мекемелерінің үй-жайларының ауасындағы зиянды заттардың шоғырлануы елді мекендердің атмосфералық ауасы үшін гигиеналық нормативтерден аспауы тиіс. жүктеу/скачать 6.23 Mb. Достарыңызбен бөлісу:
|