Абразивтер — абразивті аспапты дайындау үшін қолданылатын ұсақ
түйіршікті, өте қатты табиғи және жасанды заттар (алмаз, корунд және т.б.).
Автокөлік жолының категориясы — Ресейдің жалпы көлік желісіндегі
жолдардың шаруашылық мәнін және жолдардағы қозғалыс қарқынын сипаттайтын
көрсеткіш.
Агрегаттық жөндеудің жылжымалы шеберханасы — машинаға агрегаттық
әдіспен ағымдық жөндеу жүргізуге арналған жылжымалы шеберхана, оның
шанағында детальдар мен жөндеу қорының жиналмалы бірліктерін тасымалдауға
арналған, жауын-шашыннан қорғайтын алаңқай болады.
Ағаш балға — қаңылтыр жұмыстарына арналған ұратын беті тегіс ағаш балға.
Айналыс жиілігі — айналатын дене айналыс санының айналу уақытына тең
шама.
Ақаулы жағдай — машинаның нормативтік-техникалық және (немесе)
конструкторлық (жобалық) құжаттама талаптарының біреуіне ғана сәйкес
келмейтін жағдайы.
Ақаулық — бұйымның (өнімнің) бекітіліген талаптарға әрбір жеке
сәйкессіздігі.
Ақаулықты анықтау — оның машинада бар немесе жоқтығын анықтау.
Ақаулықты жою — детальдардың техникалық жағдайын бағалау және
оларды техникалық талаптарға сәйкес топтарға бөлу үдерісі.
Ақаулықты іздеу — машинаның жиналмалы бірлігіндегі ақаулықтың орнын
белгілі дәлдікпен көрсету.
Алгоритм — машиналарды диагностикалау, техникалық қызмет көрсету мен
жөндеу кезіндегі әрекеттердің ретін анықтайтын ережелердің жиынтығы.
Алдын-ала сынақ — сынақтағы немесе жөнделген машина үлгілерін қабылдау
сынағына ұсыну мақсатында жүргізілетін бақылау сынақтары.
Ампер — электр тогі күшінің бірлігі (А).
Апаттық жағдай — адамдардың күюіне, улануына, зақымдануына, қоршаған
ортаның ластануына, ғимараттар мен құрылымдардың қирауына алып келуі мүмкін
қауіпті заттар ыдыстарының бұзылуы салдарынан болатын жарылыс, өрт, улы
заттардың таралуы.
Ареометр — сұйықтыққа жартылай немесе толық батырылған денеге әсер
ететін, сұйықтықтың итеруші күші кезіндегі тығыздығын өлшеуге арналған
статикалық тығыздық өлшегіш (гидрометр).
Достарыңызбен бөлісу: |
