Күлімдеген күн мейірімді!

- Адамдар бір – біріне жылы сезімін білдіріп, тек жақсылық ойлау, игілік іс жасау арқылы мейірімділік таныта алады. ( баяу музыка)

- Балалар, көзімізді жұмып, біраз дем алып, жақсы істерді көз алдымызға елестетейік. Біз қазір керемет, әрі сиқырлы, мейірімділік пен сүйіспеншілікке, ізгілікке толы әлемге саяхат жасаймыз. Бұл әлемнің ауасы тым таза, жұпар иісті. Бәрімізде осы әлемге қарай қадам басайық! Біздің жанымызда достарымыз, олар ерекше адамдар, олардың жанында біз өзімізді еркін сезінеміз. Сүйіспеншілік, мейірімділік, ізгілік нұры бізге қонып, жан – дүниемізді осы жақсы сезімге толтырады. Адамдар бір – біріне тек жақсылық, қуаныш, ізгілік сыйлап жатса, қандай жақсы болар еді! Бір – біріміздің қолымызды иығымызға қойып толқынша тербеліп, манағы айтылған мейірім, ізгілік сезімдерді бір – бірімізге таратайық.

- Қайтатын уақыт та келді. Осы әлеммен қоштаса отырып, мейірімділік нұрын өзімізбен бірге ала кетейік. Енді, балалар, көздеріңді аша қойыңдар.

- Балалар, осы ізгілікке, мейірімділікке толы әлемнен әкелген мейірімділігімізді « Мейірімділік» кестесіне толтырайық.

1 – інші бағанға – мейірімділік істер тізімі.

2 – нші бағанға – мейірімді адамның қасиеттерінің тізімдемесін жасаңдар.