L. N. Gumilyov Eurasian national university баспасөз хабарламасы

L.N. Gumilyov Eurasian national university

БАСПАСӨЗ ХАБАРЛАМАСЫ

Аманжолов Сейтқали Әбдіқадырұлы, педагогика ғылымдарының докторы, Мәскеу педагогикалық мемлекеттік университеті Көркем сурет және графика факультетінің Живопись кафедрасының профессоры.

ҚР Білім және ғылым министрлігі, Л.Н.Гумилев атындағы Еуразия ұлттық университеті, Ресей Федерациясының Білім және ғылым министрлігі, Ресей Білім академиясы, Ресей мемлекеттік кітапханасы, Мәскеу педагогикалық мемлекеттік университеті, Халықаралық көркем білім қайраткерлерінің ассоциациасы ұйымдастырып отырған шарада РБА және РКА академигі, Ресей білім академиясының академик-хатшысы, ХКБҚА президенті С. Ломов қатысып, «Көркем педагогикадағы ғылыми мектептің дамуы мен қалыптасуы» тақырыбында арнайы баяндама жасайды.

Сондай-ақ ҚР ҰҒА корреспондент мүшесі Дихан Қамзабекұлы жүргізетін халықаралық ғылыми-практикалық конференцияда ЕҰУ Қазақ әдебиеті кафедрасының профессоры Р.Тұрысбек «Қазақ бейнелеу өнері және С.Аманжоловтың ғылыми - шығармашылық еңбектерінің көркемдік - рухани арналары», Қазақ мемлекеттік қыздар педагогикалық университетінің профессоры Ә.Қамақ «Қазақстанда көркем педагогикалық білімінің қалыптасу тарихы», Жоғары өнер мектебі (институт) Омбы филиалының директоры профессор Қ.Әмірғазин «Көркем білім мен сәндік қол өнерді оқыту мәдени мұраны жаңғыртудың тиімді жолы», профессор С.Аманжолов «Еуразия құндылықтарындағы көркем педагогикалық білімнің даму болашағы», ОҚМПУ ғылыми жұмыстар жөніндегі проректоры М.Тәңірбергенов «Қазақстанда суретші ұстазды дайындау: кеше, бүгін, ертең» тақырыбында ой қозғайды.

Конференция аясында Ресей мемлекеттік кітапханасының қорынан кітап көрмесі ашылып, «Еуразия құндылықтары» атты суретшілердің шығармашылық көрмесі ұйымдастырылады.