Мұқашева, Ж. Бөкетов жайлы бөлек туынды [Текст] / Ж. Мұқашева // Орталық Қазақстан. 2008. 29 наурыз (№49-50)

«Ебіней Бөкетов»кітабының тұсаукесер рәсіміне облыс әкімі Н.Нығматулин, кітаптың авторы, «Құрмет» орденінің иегері Медеу Сапаұлы Сәрсеке, академик Е.А.Бөкетов атындағы ҚарМУ-дың ректоры, профессор Е.Көбеев, тұңғыш ректордың інісі Қамзабай Арыстанұлы Бөкетов және кітапқа пікір білдірген қарағандылық ғалымдар –техника ғылымдарының докторы В.Малышев және филология ғылымдарының докторы Т.Савченко құрметті қонақ ретінде қатысты.

Жұртшылыққа есімі танымал жазушы Медеу Сәрсекенің бұған дейін Қазақстанда үш мәрте жарияланған «Қайран Бөкетов» кітабы жуықта Мәскеудің «Жайсаң жандардың өмірі» сериясынан жарық көрді.

Әлемге әйгілі бұл серияның алғашқы кітабы 1890 жылы жарыққа шыққан, ал «Молодая гвардия» баспасы осы басылымды 1933 жылы қайта жаңғыртып, содан бері 1200 шамалы кітап шығарған. «Жайсаң жандардың өмірі» сериясына дүние жүзінен ең атақты адамдар - ұлы ғалымдар, аса көрнекті мемлекет қайраткерлері, өркениеттің ірі тұлғалары ғана таңдалып алынып, олардың өмір жолы адамзат қауымына үлгі ретінде ұсынылады. Халқымыздын көрнекті алты тұлғасы осы сериядан шыққан кітаптардың аркауы болған.

Олар: Сәкен Сейфуллин, Қаныш Сәтбаев, Шоқан Уәлиханов, Нәзір Төреқүлов, Кенесары Қасымов және Мұхтар Әуезов. Енді, міне, жетінші тұлға болып, осы сериядан біздің жерлесіміз, Қарағанды каласында ғылым мен білім негіздерін өркендету ісіне 24 жыл ғұмырын сарп еткен, техника ғылымдарының докторы, профессор, КСРО Мемлекеттік сыйлығының ие-гері, академик-жазушы Ебіней Арыстанұлы Бөкетов жайлы толайым еңбек шығып отыр.

«Ебіней Бөкетов» кітабының бірінші бетінде автор: «Бұл кітап Қазақстан Республикасы Қарағанды облыстық «Сарыарқа» әлеуметтік қорының қолдауымен жарық көрген. Осы шығармамның мәртебелі сериядан жарық көруіне мұрындық болған Қарағанды облысының әкімі Н. Нығматулинге зор алғыс айтамын» деген лебізін жазған.