Мәдениет және тілдерді дамыту бөлімінің 2012 жылы атқарылған жұмыстары туралы

Мәдениет мекемелер жұмысының басты мәселелерінің бірі ауыл тұрғындарының бос уақытын өнегелі, интернационалды рухта тәрбиелеп, толық рухани қанағаттандыру, мәдениеттің көпсалалы түрлеріне өнерге бейім адамдардың шығармашылық табыстарына көз жету болып табылады. Ауданның мәдениет және тілдерді дамыту бөлімі 2012 жылы жоспарға сәйкес және аудан әкімінің тапсырмасына орай аудан көлемінде көптеген шараларды атқарды.

Биыл сәуір – мамыр айларында Көкпекті аудан орталығының кәсіпорындары мен ұйымдары арасында «Ел іші - өнер кеніші» атты көркемөнерпаздар байқауы ұйымдастырылды. Байқаудың басты міндеті ел ішінен тума таланттарды іздеп табу, жастарды өнерге баулу мақсатымен ұйымдастырылды.

1 Мамыр – халықтар достығы күні, 9 Мамыр – Жеңіс күні, 1 маусым – балаларды қорғау күні күнтізбелік мерекелерге арналған іс-шараларды мемлекеттік мекемелермен бірлесе өткізілді. «Толағай тентектері» ресупбликалық, облыстық КТК ойындарында жүлделі орындарға иеленді.

1. 
   «Толағай сазы» ұлттық аспаптар оркестрінің құрамына арнайы жас мамандарды (домбырашы, қобызшы, флейташы) тарту.
   
2. 
   Барлық ауылдық клубтарды селолық округтерінің әкімдерімен бірлесіп, олардың тиісті құжаттарын рәсімдеп, балансқа алу, жұмыстарын аяқтау;
   
3. 
   Ауылдық клубтарға жөндеу жұмысын жүргізу үшін алдын ала сметалық құжат дайындау;
   
4. 
   Материалдық – техникалық базаны нығайту үшін бюджетке қаражат жоспарлау.
   
5. 
   Жас мамандарға баспана мәселесін қарастырып, шешу.
   
6. 
   Клуб жұмыстарын жандандыру.
   
7. 
   Елді мекендегі тұрғындардың санына байланысты клубтарға мониторинг жасап, оңтайландыру жұмысын жүргізу.
   

Қазан-желтоқсан айларында аудан көлемінде ұйымдастырылған «Гүлденсе ауыл, гүлденеміз бәріміз» атты үгіт керуенінің арнайы жоспары бойынша 18 елді мекенінде ауданымыздың көркемөнерпаздары өнерлерін сыйлады.

2012 жылы жоспар бойынша әр-түрлі іс-шаралар: концерттер, шоу бағдарламалар, демалыс кештері, салтанатты жиындар, көгілдір алаулар, жалпы халықтық сауық - сайрандар және т.б. мәдени іс-шаралар өткізілді. Ең ауқымды және көрнекті іс-шаралар, олар Наурыз мейрамы, Астана күні, Конститутция күні, Казақстан халықтарының бірлігі күні, Қазақстан Республикасы Тұңғыш Президенті күні, М.Әуезовтың 115 жылдығына арналған тақырыптық кеш, Әди Шәріповтың 100 жылдығына арналған тақырыптық кеш, Тәуелсіздік күні, «Русскии сувенир» ансамбльнің 30 жылдық мерейтойы, Қалихан Алтынбаевтың 85 жасқа толуына арналған аудандық мүшәйра, «Асыл мұра» әжелер клубының құрылғанына 25 жыл мерекелік кеші, Жаңа жыл мерекесі болды.

Аудан бойынша 2 мәдениет үйі, 36 ауылдық клуб бар. Оның ішінде 29 мәдениет үйі КМҚК «Бос уақыт орталығының» балансына алынған. 7 ауылдық клуб: Теректі, Қарамойыл ауылдық клубы Көкжайық селолық округінің «Талап» ШҚ теңгерімінде, Миролюбовка, Раздольный, Палатцы, Подгорное, Қарақол, Көкжыра ауылдық клубы Казнаковка селолық округінің теңгерімінде. Құжаттары балансқа алу үшін рәсімделуде.

Биылғы жылы ауданымызға «Дипломмен ауылға» бағдарламасы бойынша оркестр мүшесіне домбрашы болып Томан Рәпилә жұмысқа орналасып, тұрғын үймен және көтерме қаржымен қамтамасыз етілді. Аудандық ұлт-аспаптар оркестрін дамыту жөніндегі жұмыстары қазіргі таңда жалғасуда. «Толағай» және «Іңкәрім-ай» топтары жанды дауыста дайындық жүргізуде.

Биылғы жылы 11 200 мың теңге қаражатқа «Даником» ЖШС «Мошамбаев Данияр Төлепбергенович» оркестр мүшелеріне арналған Әртістер үйіне ағымдағы жөндеу жұмыстарын жүргізіп, толықтай аяқталғаннан кейін пайдалануға тапсырылды.

1. 
   Аудан көлемінде кітапханашылардың жұмысын жандандыру, тоқсан сайын өткізілген шаралар бойынша сараптама мониторинг жасау;
   
2. 
   Барлық кітапханалардың құжаттарын селолық округ әкімдерімен бірлесе рәсімдеп, балансқа алу;
   
3. 
   Материалдық –техникалық базасын нығайту (сөре, орындық, компьютер, сканер т.б.)
   
4. 
   Кітап қорына қаражат бөліп, мемлекеттік тілдегі кітаптар санын арттыру.
   

"Мәдени мұра" мемлекеттік бағдарламасына орай облыстық мәдениет басқармасынан тарихи және мәдени ескерткіштер мен жерлерге арнайы нөмірленген тас белгілер әкелінген болатын. Үстіміздегі 2012 жылы қаржы мәселесі шешілмегендіктен тарихи орындарға арнайы нөмірленген тас белгілері орнатылған жоқ. Жөндеу жұмыстары да жүргізілмеді.

Аудандық «Өлкетану» мұражайында 1500 экспонат бар. 1 стенд жаңартылып, қосымша 148 экспонат жиналды. Жыл бойы мұражайға 4247 оқушы мен аудан тұрғындары экскурсия жасады.
Мәдени мұра мен мұражай бойынша түйінді мәселелер мен міндеттер:

1. 
   «Мәдени мұра» мемлекеттік бағдарламаға сәйкес өңірлік бағдарлама әзірлеп, арнайы жоспар жасап, бекіту.
   
2. 
   Тарихи-мәдени ескерткіштерді қалпына келтіру жұмысына байланысты қаражат жоспарлау.
   
3. 
   Мұражайдағы экспонаттар санын көбейту, аудан тұрғындарымен насихаттау жұмысын деңгейде жүргізіп, жаңарту жұмыстарын жандандыру.
   
4. 
   Мұражай ғимаратының жылу жүйесіне жөндеу жұмысын жүргізу.
   

1. 
   «Мекенжай тіркелімі» бойынша жауапты маманды білім жетілдіру курсына қаңтар айында жіберу, жұмысты жүктеу, облыстық басқармамен үнемі байланыс жасау.
   
2. 
   «Мекенжай тіркелімі» жұмысының үнемі қанағаттандыру үшін материалдық базаны (сканер сатып алу) нығайту. Интернет желісін орнату.
   

Орындаған: І.Сыздыкова