Өңірлердің 2005 жылдың қаңтар маусымындағы әлеуметтік-экономикалық дамуы Өнеркәсіп

Өнеркәсіп өндірісінің орташа республикалық деңгейі 10 облыста: Батыс Қазақстан, Ақмола, Алматы, Ақтөбе, Маңғыстау, Солтүстік Қазақстан, Павлодар, Оңтүстік Қазақстан, облыстарында және Астана мен Алматы қалаларында асып түсті.

2005 жылғы қаңтар-маусымда 2004 жылғы тиісті кезеңмен салыстырғанда ет өндіру көлемінің өсуі республиканың барлық өңірлерінде байқалды. Өндіріс көлемінің ең жоғары өсімі Астана қаласында (33,3%-ға), Маңғыстау (7,1%-ға) мен Батыс Қазақстан (6,6%-ға) облыстарында қол жеткізілді. Ең аз өсу деңгейі Солтүстік Қазақстан мен Қостанай (1,3%-ға) облыстарында тіркелді.

2004 жылғы қаңтар-маусыммен салыстырғанда сүт өндірісінің өсуі Астана қаласынан басқа (көлемі 23,9%-ға төмендеген) республиканың барлық өңірлерінде байқалды. Өндіріс көлемінің аса жоғары өсімі Алматы қаласында (13,3%-ға), ең аз өсімі Батыс Қазақстан, Солтүстік Қазақстан және Қызылорда (1,8%-ға) облыстарында тіркелді. Салыстырмалы жоғары өсу қарқынына Қостанай (7,9%-ға), Оңтүстік Қазақстан (6,9%-ға) және Жамбыл (6,4%-ға) облыстарында қол жеткізілді.

2005 жылғы қаңтар-маусымда 2004 жылғы тиісті кезеңмен салыстырғанда жұмыртқа өндірісінің өсуі Қазақстанның 11 өңірінде байқалды. Аса жоғары өсу қарқыны Батыс Қазақстан (2,1 есе) және Солтүстік Қазақстан (28,7%-ға) облыстарында тіркелді, ең азы – Қостанай облысында (0,1%-ға) орын алды. Павлодар және Алматы облыстарында жұмыртқа өндірісінің көлемі, тиісінше, 8,1% және 4,3% төмендеді.

Инвестицияның өсуі республиканың 13 өңірінде байқалған. Аса көп өсуі Қарағанды мен Атырау облыстарында (2,1 есе), ең аз өсуі Қызылорда облысында (8%-ға) тіркелді. Жоғары өсу қарқыны сондай-ақ Оңтүстік Қазақстан, Маңғыстау, Солтүстік Қазақстан және Алматы облыстарында байқалды (тиісінше, 76,9%, 74,2%, 67,6% және 63,7%-ға). Негізгі капиталға жұмсалған инвестициялар көлемі Батыс Қазақстан (46,5%-ға) және Жамбыл (21,4%-ға) облыстарында төмендеді.

2005 жылғы қаңтар-маусымда республиканың барлық өңірлерінде салынған тұрғын үйлер көлемі өткен жылғы тиісті кезеңдегі деңгейден асып түсті. Аса белсенді тұрғын үй құрылысы Солтүстік Қазақстан, Алматы мен Ақмола облыстарында жүргізілуде, онда тұрғын үйлерді іске қосу көлемі 2004 жылғы тиісті кезеңмен салыстырғанда (тиісінше, 2,4 есе, 2,2 есе және 2,0 есе), сондай-ақ Астана қаласында (89,7%-ға), Қарағанды (94,3%-ға), Жамбыл (85,1%-ға), Қостанай (83,7%-ға) облыстарында өсті.

Бөлшек сауда тауар айналымы. 2005 жылғы қаңтар-маусымда бөлшек сауда тауар айналымының көлемі 592,2 млрд. теңгені құрады және өткен жылғы тиісті кезеңмен салыстырғанда (тұрақты бағада) 10,8%-ға өсті. 2005 жылғы қаңтар-маусымда өңірлер бөлінісінде бөлшек сауда тауар айналымы көлемінің аса жоғары өсімі өткен жылғы тиісті кезеңмен салыстырғанда (тұрақты бағада) Жамбыл (29,1%-ға), Ақмола (23,8%-ға), Атырау мен Қызылорда (21,9%-ға) облыстарында байқалды. Алматы қаласында өсім 15,4%, Астана қаласында – 11,8% құрады. Бөлшек сауда тауар айналымы көлемінің ең аз өсімі Оңтүстік Қазақстан облысында (1,7%-ға) байқалды.

Тұтыну бағасының индексі. 2005 жылғы маусымда тұтыну тауарлары мен қызметтерінің бағасы өткен аймен салыстырғанда республиканың барлық өңірлерінде өсті. Бағаның ең көп өсуі Қостанай (0,8%-ға), Павлодар (0,6%-ға) облыстарында тіркелді.

2005 жылғы маусымда өткен аймен салыстырғанда республиканың барлық өңірлерінде, Шығыс Қазақстан облысынан басқа (баға 0,3%-ға төмендеген), азық-түлік тауарларына бағаның өсуі байқалды. Бағаның ең көп өсуі Қостанай (1,4%-ға), Жамбыл (0,8%-ға) облыстарында байқалды.

Азық-түлік емес тауарлардың бағасы 2005 жылғы мамырмен салыстырғанда Қазақстанның барлық өңірлерінде өсті. Бағаның ең көп өсуі Алматы қаласында (0,9%-ға) байқалды. Азық-түлік емес тауарлардың ең төмен өсімі Маңғыстау облысында (0,1%-ға) тіркелді.

Халыққа көрсетілетін ақылы қызметтердің бағалары мен тарифтері 2005 жылғы маусымда өткен аймен салыстырғанда республиканың 13 өңірінде өсті. Бағаның ең көп өсуі Павлодар мен Солтүстік Қазақстан (0,9%-ға) облыстарында байқалды. Жамбыл, Батыс Қазақстан және Оңтүстік Қазақстан облыстарында халыққа көрсетілетін ақылы қызметтердің бағалары мен тарифтері өткен айдың деңгейінде қалды.