Құрамын бекіту туралы «Қоғамдық кеңестер туралы»

«Қоғамдық кеңестер туралы» 2015 жылғы 2 қарашадағы Қазақстан Республикасы Заңының 8 және 9-баптарына сәйкес БҰЙЫРАМЫН:

1. Осы бұйрыққа қосымшаға сәйкес Қазақстан Республикасы Ауыл шаруашылығы министрлігінің Қоғамдық кеңесін қалыптастыру жөніндегі жұмыс тобының (бұдан әрі – Жұмыс тобы) құрамы бекітілсін.

2. Жұмыс тобы заңнамада белгіленген тәртіппен:

1) Қазақстан Республикасы Ауыл шаруашылығы министрлігінің интернет-сайтында Қазақстан Республикасы Ауыл шаруашылығы министрлігінің Қоғамдық кеңесі (бұдан әрі – Қоғамдық кеңес) мүшелерін сайлау туралы конкурс жайында хабарландыру орналастырсын;

2) Қазақстан Республикасы Үкіметінің 2015 жылғы 31 желтоқсандағы № 1194 қаулысымен бекітілген Қоғамдық кеңес туралы үлгілік ереже негізінде Қоғамдық кеңес туралы ереже жобасын әзірлесін;

3) Қоғамдық кеңес құрамын қалыптастырсын.

3. Осы бұйрықтың орындалуын бақылау Қазақстан Республикасы Ауыл шаруашылығы министрлігінің Жауапты хатшысы А.Қ. Евниевке жүктелсін.

4. Осы бұйрық қол қойылған күнінен бастап күшіне енеді.

Министр А. Мамытбеков

Қазақстан Республикасы

Ауыл шаруашылығы министрінің

2016 жылғы 4 ақпандағы

бұйрығының қосымшасы