Регламенті Жалпы ережелер Көрсетілетін қызметті берушінің атауы: Қазақстан Республикасы Ұлттық Банкі

№ 96 қаулысына

3-қосымша

«Микроқаржылық ұйымдарды есептік тіркеу»
мемлекеттік көрсетілетін қызмет
регламенті

1. Жалпы ережелер

1. 
   Көрсетілетін қызметті берушінің атауы: Қазақстан Республикасы Ұлттық Банкі.
   

2. Көрсетілетін мемлекеттік қызметтің нысаны: электрондық (ішінара автоматтандырылған) және қағаз түрінде.

3. Мемлекеттік қызметті көрсету нәтижесі: микроқаржылық ұйымға оны микроқаржылық ұйымдар тізіліміне (бұдан әрі – тізілім) енгізу туралы хабарлау не Нормативтік құқықтық актілерді мемлекеттік тіркеу тізілімінде № ____ тіркелген, Қазақстан Республикасының Ұлттық Банкі Басқармасының «Қазақстан Республикасы Ұлттық Банкінің мемлекеттік көрсетілетін қызметтер стандарттарын бекіту туралы» 2015 жылғы 30 сәуірдегі № 71 қаулысымен бекітілген «Микроқаржылық ұйымдарды есептік тіркеу» мемлекеттік көрсетілетін қызмет стандартының (бұдан әрі – стандарт) 10-тармағында көзделген жағдайларда және негіздер бойынша мемлекеттік қызмет көрсетуден бас тарту туралы дәлелді жауап (бұдан әрі – бас тарту).

Мемлекеттік қызметті көрсету нәтижесін ұсыну нысаны: электрондық.

Көрсетілетін қызметті алушы мемлекеттік көрсетілетін қызметті алуға қағаз жеткізгіште өтініш берген жағдайда, мемлекеттік көрсетілетін қызметтің нәтижесі электрондық нысанда ресімделеді, қағазға басылады және көрсетілетін қызметті беруші басшысының қолымен расталады.

Порталда мемлекеттік қызметті көрсету нәтижесі көрсетілетін қызметті алушыға көрсетілетін қызметті берушінің уәкілетті адамының электрондық цифрлық қолтаңбасымен куәландырылған электрондық құжат нысанында «жеке кабинетіне» жіберіледі.

5. Мемлекеттік қызмет көрсету процесінің құрамына кіретін әрбір рәсімнің (іс-қимылдың) мазмұны, оны орындау ұзақтығы, сондай-ақ келесі рәсімді (іс-қимылды) орындауды бастауға негіз болатын мемлекеттік қызмет көрсету бойынша рәсімнің (іс-қимылдың) нәтижесі:

1) Қазақстан Республикасы Ұлттық Банкінің аумақтық филиалының әкімшілік-шаруашылық бөлімі қызметкерінің немесе жауапты адамының (бұдан әрі – АФ-тың хат-хабарды қабылдауға және тіркеуге уәкілетті қызметкері) көрсетілетін қызметті алушы ұсынған құжаттарды қабылдауы және тіркеуі, құжаттарды Қазақстан Республикасы Ұлттық Банкінің аумақтық филиалы басшысының (басшының орынбасарына) қарауына беруі – өтініш түскен күні;

2) Қазақстан Республикасы Ұлттық Банкінің аумақтық филиалы басшысының (бұдан әрі – АФ басшысы) (басшы орынбасарының) құжаттарды қарауы, бұрыштама қоюы – өтініш түскен күні;

3) АФ-тың мемлекеттік қызметті көрсету үшін жауапты бөлімшесі (бұдан әрі – АФ жауапты бөлімшесі) басшысының құжаттарды қарауы, уәкілетті қызметкерді белгілеуі – өтініш түскен күні;

4) құжаттардың толық болуын тексеру:

ұсынылған құжаттардың толық болмау фактісі анықталған жағдайда өтінішті одан әрі қараудан жазбаша дәлелді бас тарту (бұдан әрі – өтінішті қараудан бас тарту) дайындау, АФ басшысының өтінішті қараудан бас тартуға қол қоюы, АФ жауапты бөлімшесінің уәкілетті қызметкерінің көрсетілетін қызметті алушыға өтінішті қараудан бас тартуды беруі – құжаттарды алған күннен бастап күнтізбелік 14 (он төрт) күн ішінде;

құжаттардың толық болу фактісі анықталған жағдайда АФ жауапты бөлімшесінің уәкілетті қызметкерінің құжаттарды стандарттың тараптарына сәйкес келуі бойынша қарауы, микроқаржылық ұйымды тізілімге енгізу туралы бұйрықтың (бұдан әрі – бұйрық), микроқаржылық ұйымға оны тізілімге енгізу туралы хабарламаның (бұдан әрі – хабарлама) жобаларын не бас тартуды дайындауы, АФ жауапты бөлімшесінің басшысына келісуге

5) АФ жауапты бөлімшесі басшысының бұйрықтың, хабарламаның жобаларын не бас тартуды келісуі, АФ маман-заң кеңесшісіне құқықтық сараптамаға жіберуі – құжаттарды келісуге алған сәттен бастап 2 (екі) жұмыс күні ішінде;

6) АФ маман – заң кеңесшісінің түскен құжаттар топтамасын Қазақстан Республикасының заңнамасына сәйкес келуін қарауы және бұйрықтың, хабарламаның не бас тартудың жобаларын келісуі – құжаттарды келісуге алған сәттен бастап 2 (екі) жұмыс күні ішінде;

7) АФ жауапты бөлімшесі басшысының АФ маман – заң кеңесшісімен келісілген бұйрықтың, хабарламаның не бас тартудың жобаларын уәкілетті қызметкерге беруі – АФ маман-заң кеңесшісінен құжаттарды алған сәттен бастап 1 (бір) жұмыс күні ішінде;

8) АФ бөлімшесі уәкілетті қызметкерінің бұйрықты, хабарламаны не бас тартуды бланкіде ресімдеуі – құжаттарды орындауға алған сәттен бастап
1 (бір) жұмыс күні ішінде;

9) АФ басшысының бланкідегі бұйрыққа, хабарламаға не бас тартуға қол қоюы – 2 (екі) жұмыс күні ішінде;

10) АФ бөлімшесі уәкілетті қызметкерінің микроқаржылық ұйымды тізілімге енгізуі, микроқаржылық ұйымды тізілімге енгізу туралы ақпаратты Қазақстан Республикасы Ұлттық Банкінің интернет-ресурсына орналастыру үшін Қазақстан Республикасы Ұлттық Банкінің Банктік қадағалау комитетіне
(бұдан әрі – БҚД) жіберу, көрсетілетін қызметті алушыға қызмет көрсетудің нәтижесі дайын болғаны туралы хабарлау (телефон арқылы), көрсетілетін қызметті алушыға не оның сенім білдірілген адамына (Қазақстан Республикасының заңнамасында белгіленген тәртіппен ресімделген сенімхаттың негізінде) жеке басын куәландыратын құжатты ұсынған кезде мемлекеттік қызметті көрсету нәтижесін беруі – мемлекеттік қызметті көрсету мерзімі шегінде 2 (екі) жұмыс күні ішінде.

3. Мемлекеттік қызмет көрсету процесінде көрсетілетін қызметті берушінің құрылымдық бөлімшелерінің (қызметкерлерінің) өзара
іс-қимыл тәртібін сипаттау
6. Көрсетілетін қызметті берушінің мемлекеттік қызмет көрсету процесіне қатысатын құрылымдық бөлімшелерінің (қызметкерлерінің) тізбесі:

1) АФ-тың хат-хабарды қабылдауға және тіркеуге уәкілетті қызметкері;

2) АФ басшысы;

3) АФ жауапты бөлімшесінің басшысы;

4) АФ жауапты бөлімшесінің уәкілетті қызметкері;

5) АФ маман-заң кеңесшісі.

7. Мемлекеттік қызметті АФ-та көрсеткен кезде әрбір рәсімнің
(іс-қимылдың) ұзақтығы көрсетілген рәсімдердің (іс-қимылдардың) реттілігін сипаттау осы мемлекеттік көрсетілетін қызмет регламентіне 1-қосымшада келтірілген.

4. Мемлекеттік қызмет көрсету процесінде ақпараттық жүйелерді пайдалану тәртібінің сипаты
8. Мемлекеттік қызметтер портал арқылы көрсетілген кезде көрсетілетін қызметті берушінің және көрсетілетін қызметті алушының өтініш беру тәртібін және рәсімдердің (іс-қимылдардың) реттілігін сипаттау:

1) көрсетілетін қызметті алушы порталда тіркеуді көрсетілетін қызметті алушы компьютерінің интернет-браузерінде сақталатын өзінің электрондық цифрлық қолтаңбасы (бұдан әрі – ЭЦҚ) тіркеу куәлігінің көмегімен жүзеге асырады;

2) 1-рәсім – мемлекеттік көрсетілетін қызметті алу үшін порталда пароль енгізу (авторизациялау процесі);

3) 1-талап – порталда тіркелген көрсетілетін қызметті алушы туралы деректердің түпнұсқалығын логин (жеке сәйкестендіру нөмірі не бизнес сәйкестендіру нөмірі) және пароль арқылы тексеру;

4) 2-рәсім – көрсетілетін қызметті алушының осы мемлекеттік көрсетілетін қызмет регламентінде көрсетілген мемлекеттік көрсетілетін қызметті таңдауы, мемлекеттік қызметті көрсетуге арналған сұрау салу нысанын экранға шығару және көрсетілетін қызметті алушының құрылымы мен форматтық талаптарын ескере отырып нысанды толтыруы (деректерді енгізу), сұрау салу нысанына қажетті құжаттарды электрондық түрде қоса беру;

5) 3-рәсім – көрсетілетін қызметті алушының сұрау салуды куәландыру (қол қою) үшін ЭЦҚ-ны таңдауы;

6) 1-рәсім – көрсетілетін қызметті беруші қызметкерінің порталда логин мен парольді енгізуі (авторизация);

7) 1-талап – порталда көрсетілетін қызметті берушінің тіркелген қызметкері туралы деректердің түпнұсқалығын логин мен пароль арқылы тексеру;

8) 2-рәсім – электрондық құжатты (көрсетілетін қызметті алушының сұрау салуы) тіркеу және оны порталда өңдеу;

9) 2-талап – көрсетілетін қызметті алушы ұсынған құжаттарды Қазақстан Республикасы заңнамасының талаптарына сәйкес келуі тұрғысынан тексеру;

10) 3-рәсім – мемлекеттік қызметті көрсету нәтижесін қалыптастыру;

11) 4-рәсім – көрсетілетін қызметті алушының мемлекеттік қызметті көрсету нәтижесін алуы.

9. Мемлекеттік қызметті көрсетуге тартылған ақпараттық жүйелердің функционалдық өзара іс-әрекеттерінің диаграммасы осы мемлекеттік көрсетілетін қызмет регламентіне 2-қосымшада келтірілген.

10. Мемлекеттік қызмет көрсету бизнес-процестерінің анықтамалығы осы мемлекеттік көрсетілетін қызмет регламентіне 3-қосымшада берілген.

«Микроқаржылық ұйымдарды есептік тіркеу»

мемлекеттік көрсетілетін қызмет регламентіне

1-қосымша

Мемлекеттік қызметті АФ-та көрсеткен кезде әрбір рәсімнің (іс-қимылдың) ұзақтығы көрсетілген рәсімдердің (іс-қимылдардың) реттілігін сипаттау

Көрсетілетін қызметті алушы

блок-схеманың жалғасы

«Микроқаржылық ұйымдарды есептік тіркеу»

мемлекеттік көрсетілетін қызмет регламентіне

2-қосымша

Мемлекеттік қызметті көрсетуге тартылған ақпараттық жүйелердің функционалдық өзара іс-әрекеттерінің диаграммасы

портал

2-рәсім 3-рәсім 1-рәсім 2-рәсім 1-рәсім 3-рәсім 4-рәсім

сұрау салу

Көрсетілетін қызметті алушы

Шартты белгілер

Хабарлар ағыны

Рәсім

Талап

Бастапқы хабар

Аяқтайтын хабар

Ақпараттық жүйе

«Микроқаржылық ұйымдарды есептік тіркеу»

мемлекеттік көрсетілетін қызмет регламентіне

3-қосымша

Мемлекеттік көрсетілетін қызмет бизнес-процестерінің анықтамалығы

бизнес-процестер анықтамалығының жалғасы