Құрметті Саратовка ауылдық округінің тұрғындары және қонақтары! ҚР президенті Н.Ә. Назарбаевтың 2005 жылғы 6 сәуірдегі «Жергілікті атқарушы ұйымдастырушының жетекшілерінің халыққа есеп беру кездесулерін жүргізу туралы»

2012 жылдың 1 ақпанында Саратовка ауылдық округі әкімінің есептік кездесу кезінде келесі сұрақтар қойылған:

1. 
   «Өскемен – Отрадное» бағытына жүретін рейстік автобустың тұрақты жүруін қамтамасыз ету:
   

2. 
   Бос жүрген иттерді жою:
   

Сонымен қатар, жұмыс регламенті, жылдық және айлық жоспарлар, ауылдық округі әкімінің Ережесі бойынша өз жұмысын жүргізеді.

Дәңді – дақылдардың жалпы түсімі орта шығымдылығы гектарына 7 центнер болғанда 6946.1 тоннаны құрады. Қыс мезгіліне 1929 тонна шөп дайындалды.

Қазіргі уақытта шаруа қожалықтарына электрші, дәнекерлеуші, токарьлар қажет.

Округ бойынша 527 аула бар. Оның ішінде 332 аула - қосалқы шаруашылық иелері.

2013 жылдың 1 қаңтарына 775 бас ірі – қара мал, оның ішінде – 404 сиыр; 1766 бас ұсақ мал, 181 бас жылқы, 139 бас шошқа, 3085 бас құс тіркелген.

Былтырғы жылмен салыстырғанда ірі – қара мал басы 109 басқа, ұсақ малдың басы – 712 басқа азайды, шошқаның саны – 39 басқа көбейді.

2012 жылы – 2461 центнер ет, 18828 центнер сүт, 290 мың дана жұмыртқа өндірілді.

Округте «АгроБАМ» және «Солтанбек» шаруа қожалықтарында мал бордақылау алаңдары ұйымдастырылған. «АгроБАМ» шаруа қожалығында сыйымдылығы - 500 бас, «Солтанбек» шаруа қожалығында сыйымдылығы - 50 бас. Отрадное ауылындағы «АгроБАМ» шаруа қожалығында мал сою пункті, ал Саратовка ауылында мал қорымы жұмыс істеуде. 2012 жылы ауданның агрокәсіптік кешенін дамыту мақсатымен ауыл шаруашылығы бойынша «Солтанбек» және «АгроБАМ» шаруа қожалықтарында асыл тұқымды ірі – қара мал өсіру шаруашылығы ашылды. 2012 жылы Саратовка және Ново – Одесское ауылдарында ауыл шаруашылық малдарын қолдан ұрықтандыру пунктері ашылды. Саратовка ауылында ұрықтандырушы Ефимова Ж.М., Ново-Одесское ауылында – Каирбекова З.В. Барлығы жыл көлемінде 53 бас мал ұрықтандырылды. Қазіргі уақытта Ново-Одесское ауылының тұрғындары Егошина К., Зияданова Д., Каирбекова З., және тағы басқа тұрғындардың ұрықтандырылған малдары төлдеді. Отрадное ауылы тұрғындарының малдары табиғи түрмен «АгроБАМ» шаруа қожалығының асыл тұқымды бұқаларымен ұрықтандырылды.

Ауыл шаруашылығын жандандыру мақсатымен аудандық жұмыспен қамту орталығы арқылы тұрғындарға үкімет тарапынан несиелер берілуде. Мал өсірумен айналысу үшін округ тұрғындары Мукашева Алия, Егошина Кульбаршин, Ордабаев Еркен 1 млн теңге көлемінде несие алды. Алған несиеге мал сатып алынып, қазіргі уақытта төлдеуде. Ауыл шаруашылығының дамытудағы тағы бір перспективтік саласы – омарта шаруашылығын жандандыру мақсатымен, Ново – Одесское ауылының тұрғыны Кусаинов Болат несие алды. Берілген несиеге өз ісін ұлғайту үшін бал арасының ұяларын және қажетті жабдықтар сатып алды.

Былтырғы жылы жеке кәсіпкер Виталий Александрович Рузановтың омартасының негізінде халықаралық омарташылар семинары өткізілді. Виталий Александрович «Карпатский» атты асыл тұқымды бал араларын өсірумен айналысады. Өз іс тәжірибесімен халықаралық деңгейде бөлісті.

Округ аумағына нан және нан өнімдерін Белоусовка ауылынан - жеткізуші «ПКФ – Шахан – ата» жауапкерлігі шектеулі серіктестігі, Өскемен қаласынан - жеткізуші «Балхаш» жеке кәсіпкерлігі мен «Устун» жеке кәсіпкерлігі және Донское ауылынан жеткізуші «Назаренко» жеке кәсіпкерлігі тасымалдайды. Күнделікті әкімшіліктің маманы негізгі тауарларға бағаның тұрақты болуына мониторинг жүргізеді және ауданның кәсіпкерлік бөлімін ақпаратындырады. 2013 жылы жеке кәсіпкер Алтаева Асия Кенжебаевна Ново-Одесское ауылында шаруашылық тауарларын сататын дүкен ашуды жоспарлауда.

2012 жылы 50767 теңге – мүлік салығы, 94900 теңге жер салығы жиналды.
Бюджет
2012 жылы Саратовка ауылдық округі әкімі аппаратының қызметіне және әлеуметтік сұрақтарды шешуге 12 млн 783 мың теңге қаржы бөлінді. Округ әкімшілігінің қызметін қамтамасыз ету үшін 8 млн 448 мың теңге қарастырылған. Бұл шығыстар бабына әкімшілік қызметкерлерінің еңбек ақысы, қызметтік көлікті пайдалану және жөндеу жұмыстары, оргтехника және компьютерлерді жөндеу, кеңсе тауарларын алу енгізілген. Көшелердегі жарықты қамтамасыз етуге 442,0 мың теңге бөлінген. Округ аумағындағы санитарлық жағдайды қамтамасыз ету үшін 120000 теңге бөлінген. 2012 жылы Отрадное ауылындағы Центральная көшесінің ағымды жұмыстарын жүргізуге 3 млн. 673 теңге қаржы бөлінген. 300 метр жол жөндеуден өткізілді. Бюджеттен бөлінген қаражат толық игерілді. 2013 жылға 12 млн 570 мың теңге қарастырылды. Әлеуметтік сұрақтарды шешу үшін төмендегідей қаржы бөлінді: округте тазалық орнатуға – 117000 теңге, елді – мекендердегі көшелердің жарықтандыруының өтем ақысына – 442 000 теңге, елді – мекендерді көгалдандыру, көріктендіру жұмыстарына 110 000 теңге бөлінді. Сонымен қатар, республикалық бюджеттен Отрадное ауылына жарық орнату үшін 3 млн. 464 теңге қаржы көлемінде қаражат бөлінді. Центральная көшесіне жарық орнату жоспарлануда.
Әлеуметтік қорғау
Округ аумағында зейнеткерлер саны 297 адам, 1,2,3 топ мүгедек адамдар саны 51 адам, мүгедек балалар саны 6 адам, тыл қызметкерлерінің саны – 48 адам, ауған соғысының ардагерлері – 4 адам, «Алтын алқа» иегерлерінің саны – 19 адам, «Күміс алқа» иегерлерінің саны – 17 адам.

2012 жылы аудандық жұмыспен қамту орталығында тіркеуде 17 адам болды. Жыл ішінде 14 адам қоғамдық жұмыстармен қамтылды. Тұрақты жұмысқа тұрғандардың саны 6 адам. 2013 жылдың 1 қаңтарына халықты жұмыспен қамту орталығында тіркелгендер жоқ.

Мемлекеттік атаулы әлеуметтік көмек 2012 жылы 4 отбасына (10 адамға) берілді. 18 жасқа дейінгі балаларға жәрдемақыны алуға 19 отбасы (38 бала) өтініш берді. Тұрғын үй жәрдемақысы 2012 жылы 81 отбасына берілді. 2012 жылы «Жұмыспен қамту - 2020» бағдарламасы негізінде жүргізілген қайта оқыту курстарында 26 тұрғын білім алды. Оның ішінде, «есепші» мамандығы бойынша 9 адам, «хатшы» мамандығы бойынша – 1 адам , «тракторист-машинист» мамандығы бойынша –16 адам оқып, мамандық алды.

Округтегі жалғызбасты зейнеткерлерге көмек көрсету үшін 1 әлеуметтік қызметкер жұмыс істейді. Оның міндетінде 8 жалғызбасты зейнеткерге көмек көрсету бекітілген. Ол пәтер тазалығын, дәрі-дәрмекпен, керек – жарақпен қамтамасыз етеді. Зейнетақыларын жеткізу, су әкелу, құжаттарды рәсімдеу жұмыстарын атқарады. Әлеуметтік қызметкер дәрігерлік амбулаториясымен тығыз қарым – қатынаста және Базылбек Ахметов атындағы орта мектебінде ұйымдастырылған «Қамқорлық» тобымен бірге жұмыс істеуде. Құрамына 19 оқушы кірген «Қамқорлық» тобы округтегі зейнеткерлерге, мүгедек адамдарға қар тазалауға, отын жаруға, аулаларды қоқыстан тазалауға және басқа да жұмыстарды жүргізуге көмек көрсетуде. Жыл көлемінде Дроздова Зинаида Николаевнаға, Ислямов Арыстан Ислямовқа, Тыныбаева Бақашқа, Клименко Мария Фроловнаға және басқада тұрғындарға көмек көрсетті.

Ауылдардан мектепке 104 оқушы тасымалданады. Оның ішінде, Отрадное ауылынан 44 оқушы, Саратовка ауылынан – 60 оқушы. Мектептің автобусы күніне 10 рейс жасайды. Техникалық қамтамасыз етілген жағдайын айта кетсек, орта мектепте 12 компьютермен жабдықталған 1 мультимедиялық кабинет бар. Орта мектептегі барлық компьютерлердің саны – 48. Интернет жүйесіне 1 компьютер қосылған.

Ыстық тамақпен қамтамасыз ету мектептің асханасында ұйымдастырылған. Барлығы ыстық тамақпен 74 оқушы қамтылған, оның ішінде – 60 бала – 1-4 сынып оқушылары, 14 бала – 5-11 сынып оқушылары.

Орта мектепте волейболдан, баскетболдан, теннистен, еркін күрестен 6 спорттық секция жұмыс атқарады. Домбра үйірмесі ұйымдастырылған. Қатысатындардың саны 73 оқушы. Орта мектептің негізінде қаңтар айының 16-да 20 орындық шағын орталығының ашылуы жоспарлануда.

Шығыс – Қазақстан ауылшаруашылық колледжінде 258 студент білім алуда.
Медициналық қызмет
Округте тұрғындарға медициналық қызмет көрсетуді 9 қызметкер жүргізуде, оның ішінде 3 дәрігер, 6 орта медициналық қызметкер. Округте 3 медициналық мекеме орналасқан: Саратовка ауылында дәрігерлік амбулаториясы, ал Ново – Одесск, Отрадное ауылдарында фельдшерлік пунктер орналасқан. Дәрігерлік амбулатория иелігіне 1 қызметтік көлік бекітілген. 2012 жыл көлемінде медициналық көмек 2519 тұрғынға көрсетілген, 310 ауырған адамға үйінде көмек көрсетілген және жедел жәрдем көмегі – 61 тұрғынға шақырылған.

Өткен жылы дүниеге 15 бала келіп, 21 адам дүниеден өтті. Оның ішінде онкологиялық аурумен ауырғандар саны –3 адам. 2012 жылы нәрестелер өлімі тіркелген жоқ. Амбулаториядағы күндізгі стационарында жыл көлемінде 150 тұрғын емделді. Емдеу сапасына тұрғындар тарапынан арыздар түскен жоқ.

Амбулатория және фельдшерлік пунктерінде көрнекті құралдармен жабдықталған салауатты өмір салтын сақтау жөнінде ақпараттар жиналған және жас аналарға арналған бұрыштар орналастырылған.

Ново–Одесск ауылындағы фельдшерлік пункті және Саратовка ауылындағы дәрігерлік амбулаториясы қыс мезгілінде электр қуатымен жылынады, ал Отрадный ауылындағы фельдшерлік пункті «АгроБАМ» шаруа қожалығының иелігінде және көмірмен медициналық бірлестік қамтамасыз етеді.

Ново–Одесск және Отрадное ауылдарының тұрғындары ауыз сумен өз құдықтарынан қамтамасыз етілген, ал Саратовка ауылындағы су құбыры Шығыс–Қазақстан ауыл шаруашылық колледжінің балансында. Қоғамдық құдықтан су алу кісі басына 91 теңге 28 тиын, жер үйлердегі канализациясыз су құбырлары тартылған үйлерде кісі басы – 174 теңге, 96 тиын, ал су құбыры және канализациясы іске қосылған үйлерде кісі басы 273 теңге 86 тиын төлем ақысы белгіленген. Су жүйесіне қызмет көрсету жағынан шешімін таппаған мәселелер бар. Өздеріңізге белгілі, жаз мезгілінде Мелиораторов көшесіне су жетпей қалады, ал қыс мезгілінде, жүйенің ескіргеніне байланысты трубалар жарылып жатады. Әдеттегідей, қаржы тапшылық. Оның үстіне, су пайдалану үшін өтем ақыларын төлемейтін тұрғындар да бар. 2012 жылдың аяғына тұрғындар 259 мың 841 теңге көлемінде қарыздар. Су құбырына қызмет көрсету білім беру мекемесінің үлгілі Ережесіне сәйкес келмейтінін басшылыққа алып, КСК немесе басқа да мекемеге беру жөнінде колледждің әкімшілігі бірнеше рет аудан әкіміне, жергілікті әкімге хаттар жолдаған. Әзірше су құбырының жүйесі әлі де ауыл шаруашылық колледжінің балансында.

3 кезеңнен тұрған «Ауылдың гүлденуі – Қазақстанның гүлденуі» атты республикалық марафон акциясы негізінде гүлзарларды көріктендіру, суару, ағаштарды кесу ақылы жұмыстарына 30 адам қатысты.

Округте барлық мерекелерге және атаулы күндерге арналған мәдени – көпшілік шаралар өткізілуде, мысалы, Наурыз мерекесіне, Жеңіс күні мерекесінің 67 жылдығына, Конституция күні мерекесіне, Қарттар және мүгедектер күні мерекесіне және тағы басқа мерекелерге арналған шаралар. 2012 жылы, өздеріңіз білетіндей, алғашқы рет Қазақстан Республикасының тұңғыш Президенті күніне арналған шара өткізілді. Енді жыл сайын 1 желтоқсанда осы күн аталып өтіледі. Округте өткізілетін мәдени іс – шараларға колледж, орта мектеп ұжымдары және «Ақ әжелер», «Непоседы» топтарының мүшелері белсене қатысуда.

2012 жылдың аяғында болған тағы да бір атап өтетін оқиға – «АгроБАМ» шаруа қожалығының басшысы Касенов Ж.Ж. мемлекеттік коммуналдық меншіктікке Отрадное ауылындағы Мәдениет үйін тапсырды. Осы мәдени ошағы Отрадное ауылдарының тұрғындарының өмірлерін жандандырады деп үміттенеміз. Біріншіден, қажетті жөндеу жұмыстарын жүргізгеннен кейін, онда тұрғындар жиынынан бастап мәдени шаралардың барлық түрлері өткізіледі, екіншіден, ауыл жеріне маңызды, бірнеше адамды жұмысқа тұрғызу мүмкіндігі пайда болады.

Өткен жылы 31 желтоқсанда 113 жасқа толған Отрадное ауылының тұрғыны қарт анамыз Тандыбаева Күләш апаны құттықтау ұйымдастырылды. 8 наурыз мерекесіне орай, округ әкімі естелік сыйлық табыстап, ал туған күні қарсаңында теледидар тарту етілді. Өкінішке орай, қаңтар айының басында апамыз дүниеден озды.

Биылғы жылы бизнестік әлеуметтік жауапкершілігі негізінде округтегі шаруа қожалықтарының басшыларымен, жеке кәсіпкерлермен меморандумдарға қол қою жұмыстары жалғасын таппақ. Бұл тараптан өткен жылы округтегі әр – түрлі шараларға 500 мың теңге көлемінде демеушілік көмегі көрсетілді. Бұдан басқа да округтегі санитарлық тазалау, көріктендіру жұмыстарын жүргізуге қажетті техникамен қамтамасыз етіп, осы жөнінде меморандумдарға қол қойылған. Өткен жылы округтегі көшелерді грейдермен тегістеп, Саратовка ауылындағы бірнеше көшелерге тас төгілді. Биылғы жылы осы жұмыстар жалғастырылады.

1 қыркүйекте жаңа мектептің ашылуына орай, мектеп ұстаздары 81 мың теңгеге акт залына перделер, орындықтарға тыстар сатып алды. «АгроБАМ» шаруа қожалығының басшысы Касенов Ж.Ж. 50 мың теңгеге аквариумды сыйға тартты. Округ әкімі 38 000 теңгеге безендіруге шарлар және 56000 теңгеге баннер сатып берді. «Ақ әжелер» тобының мүшелері гүлсауытты сыйлады. «Үш биік» шаруа қожалығының басшысы Н.Тастанбек 10000 дық принтерді сыйлады. «Достық» шаруа қожалығының басшысы Г.Т.Оспанова 20000 теңгеге кілем төсемелерін әперді.

Есепті жылдың 1 желтоқсанында жаңа мектеп ғимаратының алдына қаза тапқан ауған соғысының ардагері Базылбек Ахметовқа арналған гранитті тақта мен мүсіні орнатылды. Бұл шара жеке кәсіпкер Мусин қайрат Маратұлының және Базылбек Ахметовтың сыныптастарының көрсеткен 750 000 теңге демеушілігі негізінде мүмкін болды. Аталған шараға байланысты өткізілген спорттық ойындарға жеке кәсіпкер Мусин Қайрат Маратұлы және «Достық» шаруа қожалығының басшысы Оспанова Г.Т. 35000 теңгені жүлдеге тікті.