Сабақ жоспары Мерзімі : 10. 10. 2014жылы Сыныбы: 10

№36 орта мектептің қазақ тілі мен әдебиет пәнінің мұғалімі Тұңғышпаева Заура Мұқашқызы

Тәуелсіз ел тірегі – білімді ұрпақ десек, жаңа дәуірдің күн тәртібінде тұрған мәселе – білім беру, ғылымды дамыту. Мен жаңалыққа қарай, cапалы oқытуға қарай ұмтылдым, coнымен қатар бiлiм cалаcына ocындай қарқынды өзгерicтер қажет екенiн түсіндім. Осы өзгерістерді мақсат тұта отырып, мектебімізде коучинг сабақтарын өткізуді жоспарладым. Әрине, әр мұғалім өзінің әлсіз жақтарын толықтыруды ойлайды, мысалы менің тәжірибемде формативті бағалау туралы (Оүб) бұрын жеткілікті білмегенім өзіме белгілі болды. Яғни, не істеу керек, бағалау туралы мәліметтерді жинастырып, өз тәжірибеме еңгіздім, оқушылармен бірлесе отырып, бағалаудың түрлерін сабақ барысында қолданып, теориялық жағынан терең ұғына бастадым, топтық жұмысты ұйымдастырудың тиімді жолдарын меңгердім, ынтымақтастықта жұмыс істеуге бағыт алдым, формативті бағалаудың тиімділігіне көз жеткіздім. Дәстүрлі оқыту кезінде оқушының алған білімдері механикалық түрде есте сақталынып, кейбір жерде ұтымды пайдаланылады, бірақ, мәні терең меңгерілмегендіктен оқушылар оны өмірде тиімді пайдаланбайды. Сол себептен, оқушылардың қалай оқу керектігіне, түсіну қабілетін дамытып, оны керек кезде пайдалана білетін, ойын нақты жеткізе алатын, көзқарасы дамыған, жігерлі тұлғаның қалыптасуын қамтамасыз ету — аталмыш теорияның негізгі мақсаты. Сондықтан да оқушылардың ойлау қабілеті, қалыптасатын білімдері жан жақтан жинаған (мұғалімнен, достарынан, интернеттен, кітаптан, т.б.) ақпараттарына негізделеді. Қазіргі уақытта ұсынылып отырған осы бағдарламадағы модульдер бойынша білім алған оқушы өзін еркін ұстап ойын дәл жеткізе алатын, сыни тұрғыдан ойлай алатын, тұжырым жасай білетін, бірін-бірі бағалай алатын, көшбасшы бола алатындай тұлға болып қалыптасатынына күмәніміз болмайды. Оқушылардың сабаққа деген құлшынысын, қызығушылығының артқанын, қала берді, ең болмағанда жаман жолға түспейтініне, сыни тұрғыдан ойлауға бет алатынын байқауға болады. Ең маңыздысы оқушылар өз іс-әрекетін, сыныптастарының, құрбы-құрдастарының іс-әрекеттерін, жетістіктерін бағалауды және жауапкершілікке үйренеді. Сонымен қатар біріншіден, оқушының сабаққа деген қызығушылығы артады, екіншіден, мұғалімнің жұмысы да жеңілдейді.Әрине, бұл жерде әр мұғалімнің тәжірибесіне байланысты. Сабақтың рефлекция бөлімінде оқушылар бірін-бірі бағалайды және топпен жасаған жұмыстарына қорытынды керібайланыс жасай отырып, тіл шеберліктері де арта түседі деп ойлаймын. Жалпы, бағалау оқыту нәтижесін анықтау үшін қолданылатын тәсіл, оқушының берілген тақырыпты меңгерудегі кемшіліктерін жоюда, оның үлгерімінің нәтижелі болуына ықпал ететін факторы. Өз тәжірибемде бағалаудың бірнеше түрлерін қолданамын. Оқыту үшін бағалау мен оқуды бағалау модулі оқушылардың білім деңгейін анықтауға, берілген жұмыстарды қалай жоспарлау керектігі, алға қойған мақсатқа жету алгоритмін құру керек.

Мұғалім берген шығармашылық тапсырманы оқушылар шығармашылықпен, ізденіспен орындаса, тақырып мазмұнын ауызша талдап, тіл байлығын еркін жеткізе білсе, ол жұмыстың жоғары бағаланатынын оқушылар біліп отырады. Көбіне біз мұғалімдер мектеп іс-тәжірибесінде оқушыларды формативті бағалаудың бір ғана түрін қолданып, оңай жолына бағынып кетеміз. Ал, егер күнделікті формативті бағалаудың 12 түрін толық қолданып, алдағы отырған оқушыларымызды да оған икемдеп үйретіп алсақ, оң нәтижелерін берері сөзсіз. Тоқсанның соңында сынақ сабағы ретінде әр топ күрделі тақырыптарға портфолио жинақтап, таныстырылымдарды қорғап, қорытынды сынақ сабағын тапсырса, жиынтық бағалау үдерісінің беретін жемісін көресіздер және оқушының мұғалімге деген сенімі артып, көзқарасы өзгереді. (жеке, жұптық, топтық, жиынтық, қателер талдауын, салыстырмалы түрде, өздерін-өздері, кері байланыс, т.б. )

Сабақ қызық болғанда ғана оқушыға барлығы түсінікті болады. Демек, сабақ оқушы үшін қызық болуы тиіс. И.Герберттің айтуы бойынша «қызығушылық» оқу уәжінің синонимі екенін есте сақтау керек. барлық оқытуды тізбектесек: «қалаймын- орындаймын- қызығушылықпен орындаймын-жекелеп-әрқайсымызға маңызды» (И. С. Якиманская), осы құрылымның ортасында және қызығушылық тұрғанын байқаймыз. Осы түсінікті оқушыларда қалыптастыру үшін, оқушының белсенділігін арттыруымыз, өз бетінше жұмыс жасауын қамтамасыз етуіміз керек. Еліміздің білім беру жүйесін 2015 жылға дамыту тұжырымдамасында: «Жылдам өзгеріп отыратын заманда алынған білімнің, кәсіби дағдылардың негізінде еркін бағдарлай білетін, өзін - өзі іске асыруға, өзін - өзі дамытуға және өз бетінше дұрыс, адамгершілік тұрғысынан жауапты шешімдер қабылдауға қабілетті жеке тұлғаны қалыптастыру» деп нақты көрсетілген. Осы мақсаттың жүзеге асырыла бастауының бірден бір себебі - осы сындарлы оқыту теориясы деуге болады. Сындарлы оқытуды жүзеге асыруда бағдарламада қамтылған жеті модульді сабақтарда ықпалдастырудың маңызы өте зор.

Өткізуші мұғалім: Қыдырмоллаева Б.Т.

Сабақ кезеңдері	Уақыт	Кіріктірілген модуль	Мұғалімнің іс-әрекеті	Мұғалімдердің іс-әрекеті
Ұйымдастыру	3 мин	Оқыту мен оқудағы жаңа тәілдер	1.Жағымды психологиялық ахуал тудыру. ( көз, аяқ, мойын, шаш, тырнақ, ерін, ауыз, құлақ, мұрын,бет,бой) 2.Топқа бөліну.(түрлі-түсті санағыш арқылы) 3.Топ ережесін еске түсіру.	1. Көршісінің ұнайтын жерін тірек сөздерді айу арқылы бүгінгі күнге сәттілік тілейді. 2.Мозайка әдісі арқылы топқа бөліну. 3.Топ ережесін еске түсіру.
БІЛІМ	8 мин	АКТ СТОҮ	Интербелсенді тақтада жұмыс жасау. 1.Сөзжұмбақ шешу арқылы жаңа тақырыпқа шығу. 2. 1. Бағалау не үшін қажет? 2. Қандай бағалау түрлерін білесіздер? 3. Оқушының еңбегін бағалауда қандай әр түрлі әдістерді пайдалана аласыздар?	1.Берілген сөзжұмбақты шешу арқылы «Бағалау» сөзін шығарады. 2. Топпен сызбаға түсіру.
ТҮСІНУ	10 мин	АКТ, СТОҮ бағалаудың қағидаларын Оқыту.	Бағалау критерийі слайд көрсету
ҚОЛДАНУ	8 мин	СТОҮ Диалогтік оқыту	«БАҒАЛАУДЫҢ АЛТЫ ҚАҒИДАСЫ»	1- топқа: Бірінші қағида: «Маңыздылық». Екінші қағида: «Дәлдік» 2-ші топқа: Үшінші қағида: «Объективтік», Дәлелділік». Төртінші қағида: «Оқудың ажырамас бөлігі». 3-ші топқа: Бесінші қағида: «Жариялылық». Алтыншы қағида: «Қарапайымдылық».
ТАЛДАУ	7 мин	Көшбасшылық жас ерекшелігі	1.Оқушылардың тексерілген диктанттары таратылады.	Қатысушы мұғалімдер бағалау шкаласын құрастырады.
СИНТЕЗДЕУ	5 мин	Жас ерекшелігі дарындылық пен шығармашылық	1.Топтардың спикерлері постерді қорғайды, ойларын дәлелдейді.
БАҒАЛАУ	4 мин	СТОҮ дарындылық пен шығармашылық Бж К, ОүБ,	А) Бағалау сөзіне бес жол өлең жазу. Б) Жай мұғалім хабарлайды, жақсы мұғалім түсіндіреді, керемет мұғалім- көрсетеді, ұлы мұғалім- шабыттандырады" дегендей оқушыларымызды оқуға деген ынтасын шабыттандырайық. Дайын бағалау шкаласымен өлең жолдарын бағалау.	Тақырыпты бекітеді. Бағалауға байланысты 5 жолды өлең жазады.