Толордо: 5 кылаас үөрэнээччитэ

Толордо: 5 кылаас үөрэнээччитэ

Васильева Октя

Салайааччы: Васильева С.Н.

2011 сыл

Мин эбэм Васильева Татьяна Николаевна 1933 сыллаахха Кэнтик нэһилиэгэр төрөөбүтэ. Дьонноро эрдэ өлөннөр оҕо саас диэни билбэтэх. Кыһын мас-мастаан, сайын от-оттоон, сүөһү көрөн улааппыт.

Эбэм эдэр сылдьан сүүрэн кимиэхэ да иннин биэрбэтэх. Ол курдук сүүрүк кыыһы Үөһээ Бүлүү аатын көмүскүү Бүлүүгэ буолар улахан спартакиадаҕа ыытар буолбуттар. Онно барарыгар Кэнтиктэн Үөһээ Бүлүүгэ күӊӊэ үстэ киирэн дьарыктанар эбит.спартакиадаҕа улахан сүүрүк дьахтары куотан бастаабытыга трибуна дьоно бары сүһүөхтэригэр туран уруй-айхал бөҕөнү түһэрбиттэр. Оччотооҕу бириэмийэлэрэ харчынан, метрэлээх таӊаһынан биэрбиттэр.

Ньурбаҕа Бүлүү бөлөх оройуоннарын коталаһыыта буолбут. Поликарпова диэн Дьокуускай сүүр дьахтарын кытта сүүрбүт. Онно эмиэ бастаан бириэмийэҕэ тиксибит. Кэнтигин дьоно үөрэннэр арыынан бириэмийэлээбиттэр.ол курдук үс сылы быһа сүүрбүт.

1956 сыллаахха ыам ыйын 1 күнүгэр Ороһуга кийиит буолан кэлэр. Кэргэнэ Бэчэрээкэп Бүөтүр эдэр сааһыгар оһолго түбэһэн өлбүт. Инньэ гынан биэс оҕону соҕотоҕун иитэлээн улаатыннарбыт. Колхозка, кулуупка үлэлээбит. Онтон кэлин маҕаһыыӊӊа үлэҕэ киирбит, пенсияҕа тахсыар диэри үлэлээбит. Үтүө суобастаахтык үлэлээн элбэх грамотаннан, хас да төгүл ударниктаан «Үлэҕэ килбиэнин иһин» медаллээх .

Эбэм сайын, күҺүн сир аһыгар, күһүӊӊү муӊхаҕа сылдьарын сөбүлүүрэ. Иннин кимиэхэ да биэрбэтэх отонньут эбит.

Билигин оҕолоро ыаллар. Ийэм Галина Петровна «Кустук» маҕаһыыӊӊа үлэлиир. Орто уол Михаил Петрович тутууга үлэлиир. Кыччыгый уол Бечеряков Геннадий Петрович «Ситим-Медиа» генеральнай директорын солбуйааччыта. Эбэм хос сиэннэрин көрөр-харайар дьолго тиксибит киһи.

Мин эбэбинэн киэн туттабын. Кини эйэҕэс мичээрин, сылаас илиитин куруук өйдүү-саныы сылдьабын.

Түмүкпэр Докторов Иван Никитич эбэм туһунан хоһоон суруйбутунан түмүктүүбүн.

Иинэҕэс дьарамай санныгар

Иис- ирбэх тирбэҕэ биэс ыччат

Иитиллэн күн сирин көрөрүн

Хааччыйыах, аһатыах эн эрэ.

Үтүөкэн тэрилтэ түбэһэн,

Күүс-көмө , өйөбүл буоланнар

Инники олоххун торумнаан