«Утверждено»

1—4-це класстнэсэ тонавтомань лувонть ёнксонзо истят:

ушодомс эйкакштнень весеме ёндонь кастоманть;

тонавтомс эйкакштнень эрязасто, чарькодезь, мазый-стэ ловномо, ильведькстэме сёрмадомо, вадрясто ловомо, парсте кортамо, эсест мелест-превест ды ежомарямост кортазь ды сёрмадозь ёвтнеме;

тонавтомс эйкакштнень важодеманть вечкеме;

школань эрьва предметэнть вельде тонавтомс тиринь масторонть, ломантнень вечкеме, кастомс покш мель эсь народонть келензэ ды оймень питней чинзэ содамо;

максомс нурька, чарькодевиця содамочить лия нацио-нальностень ломантнеде, сынст культурадост;

тонавтомс эйкакштнень перть пельксэнть ванстомо, сонзэ сюпавчинзэ ламолгавтомо;

тонавтомс эйкакштнень эсь прянь ветямо, тонавтнема тевенть вечкеме;

лездамс эйкакштненень панжомс ды келейгавтомс сынст превень ды кедьёнксонь маштомачист;

кемекстамс эйкакштнень шумбрачист.

Неть тевтнень топавтомсто сехте покш тарка максови тиринь келентень. Вишка эйкакшонтень эсь арсеманзо, мелензэ-превензэ ды ёжомарямонзо видестэ ёвтавить ан-сяк сонзэ лувсо. А стяко К. Д. Ушинский тиринь ва-лонть лемдизе «ине тонавтыцякс». Сон сёрмадсь: «Тиринь келесь, васенце класстнэсэ тонавтомсто, улезэ сех эря-викс предметэкс. Сон сови весе лия предметнэнь юрскак ды сюлми эйсэст».

1—4-це класстнэнь тиринь келень программась ашти колмо пельксстэ:

1. 
   Ловномо ды сёрмадомо тонавтома, аволь классо ловнома ды кель-валонь кастома.
   
2. 
   Ловнома (классо ды аволь классо) ды кель-валонь кастома.
   
3. 
   Фонетика, лексика, грамматика, видестэ сёрмадома (орфография) ды кель-валонь кастома.
   

Тонавтоманть лувсо ашти превень ды кель-валонь кастомась.

«Ловнома ды кель-валонь кастома»,пельксэсь программасонть ашти «Ловномо ды сёрмадомо тонавтома ды кель-валонь кастома» пельксэнть поладксокс. Сон нолдави тевс сеть содамо- ды маштомачитнень лангс нежедезь, конатнень эйкакштне получасызь «Азбука» тонавтнема книганть марто важодемстэ.

Васенце классо ловномань уроктне ютавтовить грамотас тонавтоманть прядомадо мейле, зярдо эйкакштне кар­мить содамо весе букватнень, ды поладовить 1—4-це класстнэсэ. Ловномань (классо ды аволь классо) программась кар-мавты теемс эйкакштнень содавиксэкс истят произведе-ниятнень марто, конат тонавтовольть улемс алкуксонь гуманистэкс, чачома-касома тарканть, тиринь народонть ды сонзэ оймень питнейчинзэ вечкеме. Произведениятне лездаст трямс-кастомс обуцянь истят ёнкст, кода виде-чинь, парочинь, ояксчинь, важодемань вечкема — лиякс меремс, истят качестват, конатнень эрьва кодамо нациянь ломантне бажить совавтомс эсест эйкакшост превс. Ловномась ашти пек питней тонавтомань предметэкс ды истямо тонавтомань средствакс, конань вельде касыть эй­какштнень превень-арсемань ды кортамонь ёрокчист.

Ловномо тонавтоманть эрявикс ёнксонзо:

кемекстамс ловномань васенце ёрокчитнень;

тонавтомс ильведькстэме, апак лотксе, мазыйстэ лов­номо, художественной произведениятнень текстэнь лу-вост чарькодеме;

кастомс этикань ды эстетикань коряс ёжомарямотнень;

тонавтомс текст марто важодеме ды книгань вечкеме;

сюпалгавтомс эйкакштнень содамочист мастор лангсо эрямодонть.

Неть вешематнень топавтомантень лездыть программанть коряс максозь произведениятне. Эйкакштне теевить содавиксэкс фольклоронь ды пакшатнень туртов сёрмадыцятнень сехте паро произведенияст марто.

Эрьва классо иезэнзэ эйкакштне тонавтнить наизусть 10—15 стихотворения эли прозасто саевкс. Наизусть тонавтнемань уроктнесэ ламо мель явови кортамонть ма­зыйстэ гайгемантень, ванновить стихень ритмикась, мукшновить рифматне. Тонавтыцясь шны сеть эйкакштнень терявксост, конат сынсь бажить стихень эли ёвтнемань сёрмадомо.

Эрьва классо ловномань программась ашти истямо пельксстэ:

1. 
   Ловномс максозь произведениятне.
   
2. 
   Аволь классо ловномась.
   
3. 
   Ловномань маштомачитне ды ёрокчитне. Текст ды сюлмавозь кортамо лангсо важодема.
   

Сехте ламо шкась явови ловномантень ды текст марто важодемантень.

Сень кисэ, штобу эйкакштне важодевельть седе вадрясто ды мелень путозь, уроксо тевс нолдавить эрьва кодат методт ды приёмт, башка-башкань, куросо ды вейсэнь важодемань формат, конатнень пингстэ кастовить тонавтницятнень чарькодемань ёрокчист, превест-арсемаст. Уроксо сеедьстэ ютавтнема налксемат (сехте пек васенце — колмоце класстнэсэ), макснема творческой заданият, ловнозь текстэнть лангс нежедезь (лицява ловнома, содержаниянь ёвтнема, ёвтнемантень пень арсема, персонажтнень обуцяст туртов характеристикань максома) тонавтома эйкакштнень книгасто эсест кевкстемаст лангс ответэнь мукшномо. Ловномань уроктнень трямонь-кастомань ёнкстнэнь топавтомантень лезды аволь ансяк художественной тек­стэнть содержаниянзо лангсо важодемась, но перьканок молиця эрямонть, эйкакштнень опытэст марто сюлмавомаськак. Неть содамочитнень келейгавтомаст кисэ тонав тыцясь ютавты эрьва кодат экскурсият: вирев, лей лангов, скалонь, тувонь трямо таркав, маласо ошов. Те лезды эйкакштненень неемс перть пельксэнть, тиринь таркатнень мазычист, теевемс содавиксэкс тетятнень-аватнень важодемаст марто.

Ловномань уроктнень эрявить кеместэ сюлмамс музыкань ды изобразительной искусствань уроктнень марто, конат кастыть эйкакштнень мазычинь неемаст, кенярдомань ды чевте седеень ёжомарямост. Неть уроктнень ютксо кеме сюлмавомась лезды эйкакштненень чарькодемс искусствань произведениятнень питнейчист.

Аволь классо ловноманть целезэ:

а) кастомс эйкакштнень мелеет ськамост ловномо бажамонтень;

б) тонавтомс книгань вечкеме;

в) максомс нурька чарькодема эйкакшонь литературадонть;

г) толковамс, кодат произведеният эряви ловномс эй­какштненень 1—4-це класстнэсэ.

Аволь классо ловномань занятиятне ютавтовить вейке шкасто ловномань уроктнень марто. Тонавтыцянтень эря­ви ютавтомс важодеманть истя, штобу эйкакштне васняяк кармавольть содамо кавто-колмо книгадо, конатнень содержанияет малавикст темань коряс. Мейле тонавтницятне сынсь эсь мелеет коряс кочкеить ловномс ёвкст, ёвтнемат, конат максовить «Сятко», «Чилисема» журналтнэсэ, эйкакштненень сёрмадозь книгатнесэ.

Аволь классо ловномань уроктнень лувсо ашти коммуникативностень принципесь — карадо-каршо кортамонь (диалогонь) ветямо маштомась, эсеть ялганть кунсоломась, сонзэ ёвтнеманзо поладомо эли домкалгавтомо маштомась, эсеть вановтот кирдемась. Тень пингстэ эй­какштне тонавтовить кортамо апак ранго, мелень путозь. Кортамось молезэ аволь диалектэнь, но ванькс литературань кельсэ, сонзэ грамматикань ды орфоэпиянь норматнень лангс нежедезь.

Штобу тонавтомс эйкакштнень ловноманть вечкеме, классо свал эряви тейнемс эрьва кодамо темань коряс книгань невтемат (тиринь мастордонть, ояксчиде, эйкак­штнень тевдест ды седе тов), сеедьстэ сайнемс библиотекав, косо содавтомс од книгатнень марто, ютавтнемс урокт аволь традиционной формасо (урок-КВН, урок-литературань валске, урок-ловномань отчёт ды лият).

Ловномась (классо ды аволь классо) кеместэ сюлмазь школань лия предметнэнь марто: келенть, историянть, изобразительной искусстванть, музыканть ды лиятнень.

Текст ды сюлмавозь кортамо марто важодемась. Лов-нозенть лувонь арсеманзо муемась (текстэнть смустензэ эйстэ эсеть валсо ёвтнемась); текстэнть пельксэнь-пелькс явомась; ёвтнемантень эли статьянтень планонь теемась.

Теезь планонть лангс нежедезь текстэнть содержани­янзо ёвтнемась. Описаниянь ды рассуждениянь элементт марто текстэнть содержаниянзо ёвтнемась (совавтовить
перть пельксэнь, персонажтнень (рунгост, чамаст, обу-цяст) невтемат, диалогось полавтови косвенной кортамо-со ды седе тов). Башка тема лангс ёвтнемань теемстэ, эрявикс материалонть муемась (книгасто, журналсто, те-тятнень-аватнень марто кортнемстэ).

Произведениянть кель-валонзо мельга ванномась. Вал-тнэнь, валонь сюлмавкстнэнь ды предложениятнень, ко-нат сехте вадрясто, видестэ ды мазыистэ невтьсызь перть пельксэнть, тарканть, косо вастневить персонажтне, пер­сонажтнень чамаст-рунгост ды обуцяст, муемась (эпи-тетт, сравнениях, метафорат, валонь кемекставозь сюл-мавкст (фразеологизмат).

Художественной произведениянь жанратнеде эйкак-штнень содамочист вейсэндямось (ёвтнема, стихотворе­ния, ёвкс, валмеревкс, содамоёвкс, пьеса ды седе тов). Художественной ды научно-популярной текстнэнь яво-мась. Эйкакштнень валксост келейгавтомась ды сюпалгав-томась. Кортамсто ды ловномсто интонациянть (темпенть, паузатнень, логической ударениятнень) мельсэ кирдемась ды тевс нолдамось.

Книганть марто важодеме эйкакштнень тонавтомась: оглавлениянть коряс книганть марто важодеме машто-мась; тонавтомань книгасо максозь методической аппара-тонть чарькодемась (параграф, упражнения, текст, тек-стэнтень кевкстематне ды заданиятне, абзацтнэ, страни-цатне ды седе тов).

Эйкакштнень туртов художественной ды научно-попу­лярной книгатне. Эйкакшонь журналтнэ.

Башка тема лангс произведениянь кочкамо машто-мась: 1) минек масторонь народтнэнь ёвкстнэ; 2) тиринь масторонть историядонзо ёвтнемат; 3) Мордовиядо, ти­ринь веледенть ёвтнемат ды стихотвореният; 4) книгат-стихень пурнавкст ды седе тов.

Аволь классо ловномс произведениях

Ю. Исланкин. Веле. Стих.

Никул Эркай. Сура лей лангсо. Стих.

В. Водясов. Пиземе вене. Стих.

А. Моро. Сёксень шка. Стих.

А. Лежиков. Озязкенть идицязо. Ёвтнема.

Ч. Журавлёв. Овтонь ян. Ёвтнема. И. Калинкин. Чомболкс. Стихсэ ёвкс. Э. Кузнецова. Кумбрине. Ёвкс.

B. Алтышкин. Уцяскань вешнеме. Ёвкс.

C. Люлякина. Кодамолиссь ильведькс? Стих.
Е. Четвергов. Узере. Ёвтнема.

А. Терёшкин. Сурань пакся. Ёвкс.

Т. Тимохина. Ежов нарвицька. Ёвтнема.

А. Моро. Якшамо. Стих.

П. Гайни. Од ие. Стих.

С. Люлякина. Кокоркине. Стихсэ ёвкс.

A. Зиньков._ Таго тундо.. Стих.

B. Радин. Ежов озяз. Ёвтнема.
П. Любаев. Укштор. Стих.

C. Вечканов. Кизэнть кизэ пиже. Стих.

Тумо Йетя. Ёвкс.

Аволь классо ловномань уроктнесэ эйкакштне тонав-товить эстест художественной ды научно-популярной книгань вешнеме (каталогонь, справочникень коряс), шкастонзо ловномо эйкакшонь журналтнэнь ды уроксо сынст тевс нолдамо, карточка лангс книганть лемензэ эли журналсто статьянть видестэ сёрмадомо.

Тонавтницятне кармить маштомо ловномань дневни-кень ветямо, эсест ютко шкаст книга марто ютавтомо. Сынь тонадыть книгань коряс налксемань, пелькстамонь материалонь вешнеме.

1. 
   Эрзянь кеелень коряс ды ловномань программат 1 – 4 –це класстнэнень Саранск Мордовской
   

книжной издательствась, 1996 г