Внеклассное мероприятие «Мой Дагестан»

учитель родного языка

Магомедова З.М.

Избербаш – 2014

Дагъистан жявхiелила заманаличибад балуси саби. дагъиста территория калунсири хазартачи кабурхули, даршдуслизиб буцибсири арабунани, даршдуслизиб туркани чебухъунтири. Даршдуслизиб ил каберхурсири Персиялизи, 1813 дуслизиб Дагъистан кабеохур Россиялизи. 1921 дуслизиб Дагъистайс автономия бедиб. 1991 ибил дуслизиб ил республика бетаур.Дагъистай кабуцили саби 50 азир км ванза. Дагъистан граничитбикiули саби Азербайджайчил, Грузияличил, Чечняличил, Ставропольский крайличил, калмыкияличил.

1. 
   Ролик дагъистайчила.
   
2. 
   Гимн Дагъиста
   
3. 
   П-т. Гьарил адамла сай акiубти, сай хiерируси вас унес ахiерси гямзи лебси саби. Ил саби вегiла ши, шагьар, махьи.Гьарил адамлис ахiерти сари дубурти,диркьурби. Илдазибад цалабиркуси саби вегiла Ватiан.
   

4. 
   М-а. стих Хiябиб Гiялиев.
   

Ватiан дила гiязизси

Улка хiяна хiурхъила

Муриси далайванри

Хiу уркiилаб гiяламла

Берхiилуб нурлиубван

Хiеранауб улкала

Хiулкiулири, Дагъистан

Ватiан ва жан нушала
Бурибти нартаниван

Машгьурти багьдурти

Саби, дила Дагъистан

Ил хiуни абикьурти

Хiербирули узбачил

Берхiилиуб талихiла

Верхiнали берхъаби хiу

Дурхъал дила Дагъистан!

6М.П-т. Дагъистайзиб хiербирули саби бахъал миллатла адамти: кiарахъанти, дарганти, къумукъланти, табасаранти, лезгиби, булугуни ва цархiилтира. илди лебилра цабалги уржили хiербирули саби.

7. Уч. Дагъиста тахшагьар Мяхiячкъала саби. илис Мяхяч Дахадаебла у бихьибси саби.Мяхiячкъала Каспи урхьула дублаб тiинтiбиубли саби. илаб хiербирули саби жура-журала миллатла адамти.

8.уч. стих Раджаб Адамадзиев

Дила Дагъистан.

Каспила дубличибад

Хiурхъила хъари бикайчи

Кiантiити хъумала бегi

Чiумати шурмала бегi

Ламусла асил Ватiан

Дила дару Дагъистан

Ванза хала бегiтала

Ванза даим жагьтала

Ахъти далуйтала бегi

Хъярхъти делхъанала бегi

Хьанцiа лагьнала Ватiан

Дила дару Дагъистан
9.Уч. Дагъистайчила ва илала устначила жяв заманаличибад хабардерхурси сари.кубачила устнани мургьи- арцла ваях iдиру.гiярбуiанти яракьла устни саби,табасаранти кьалтинтала устни саби, балхарла халкьли къаркъала ва гiянжила ваяхi диру.

10.Уч. Дагъистайзиб бахъал машгьурти поэтуни ва писательти леб: омарла Батырай, Сулейман Рабаданов, Ахмедхан Абу-Бакар, Рашид Рашидов, Хiябиб Гiялиев, Аминат Абдулманапова, Мяхiяммад Хiямидов.

11.Уч. Дагъистайзи кадурхути сари вецiал шагьар: Мяхiячкъала, Избербаш, Дербент, Огни, Хасавюрт, Каспийск, Кизляр, Кизильюрт. Южно-Сухокумск, Буйнакск. Илди лерилра тiитiдиубли сари диркьличирад дубуртачи бикайчи.
12.Уч. стих. Муса Мусаев

Дагъистан

Вавни дахъ ахъ дубуртар

Шараб шинна гiинзурбар

Авадай дерхъиб унхърар,

Дила дигул Дагъистан!

Къапланна ниъ дерхъибти

Чiичiа уркiи деркунти

Игитуни абикьурси

Дила дигул Дагъистан!

Гьар адамла уркiилаб

Ца далай лебси саби

Дила далай хiед саби

Дила дигул Дагъистан!

Дигахъена Ватiан! Дигахъена хiушала мер-муса!