«Заемдар бойынша нақты берешек қалдығы туралы есеп» ведомстволық статистикалық байқаудың статистикалық нысанын (коды 7481201, индексі 3-сб, кезеңділігі айлық) толтыру жөніндегі нұсқаулық

Статистика агенттігі төрағасының 2012 жылғы 15 қазандғы № 283 бұйрығына 4-қосымша

2. Статистикалық нысанды толтыру мақсатында келесі анықтамалар қолданылады:

1) валютаның басқа түрлері – «ұлттық валюта» және «еркін айырбасталатын валюта» түсінігіне жатпайтын басқа шетел валюталары;

2) еркін айырбасталатын валюта – басқа шетел валютасына және халықаралық төлем құралдарына еркін айырбасталатын валюта. Еркін айырбасталымды валюта толық ішкі және сыртқы қайтымдылықты, яғни елдің резиденттері мен резиденттері емес (жеке және заңды тұлғалар) үшін бірдей айырбас режиміне ие;

3) заем алушы – несие келісім-шартына қол қойған, несие алған және алған ақшасын қайтаруға, несие бойынша толық төлемін жүзеге асыруға, сонымен қатар сыйақы мен басқа төлемдер бойынша міндеттемелері бар жеке немесе заңды тұлға;

4) кезеңде берілген заем – екінші деңгейдегі банктің (бұдан әрі – банк, банктер) заем алушыларға белгілі мерзімде берген заемы;

5) қысқа мерзімді заемдар – бір жылға дейінгі мерзімге берілген заемдар;

6) несиелік берешек – негізгі борыш бойынша заем алушылардың шартпен қарастырылған мерзімде банк алдында өтелмеген борышы;

7) сыйақы ставкасы - банк заем алушылары несиені пайдаланғаны үшін төлейтін пайызы;

8) ұзақ мерзімді заемдар – бір жылдан жоғары мерзімге берілген заемдар;

9) ұлттық валюта – қазақстандық теңге.

3. Бұл статистикалық нысанды резиденттермен (жеке және заңды тұлғалармен) заемдар бойынша операцияларды жүзеге асыратын барлық банк ай сайын жасайды. Есеп мың теңгемен ұсынылады. Бес жүз теңгеден кем сома нөлге дейін дөңгелектенеді, ал бес жүз теңгеге тең және одан да жоғары сома мың теңгеге дейін дөңгелектенеді.

Есеп жалпы банк бойынша және филиалдар бөлігінде ұсынылады.

Егер есеп беру мерзімі жұмыс күніне келмесе, есеп беру күні болып одан кейінгі жұмыс күні есептеледі.

Есеп криптографиялық құралдарды пайдалана отырып, Қазақстан Республикасының Ұлттық Банкіне (бұдан әрі – ҚР ҰБ) VIDO электрондық байланысы арқылы электрондық түрде ұсынылады.

ҚР ҰБ есеп берілгеннен кейін өзгерістер мен толықтырулар енгізу қажет болған жағдайда, банктер бұл жөнінде қолда бар кез келген байланыс түрі арқылы ҚР ҰБ хабардар етуге және ҚР ҰБ есепті өзгерістер мен толықтыруларды ескере отырып, электрондық түрде ұсынуға міндетті.

Есепте заем алушыларға ұлттық және шетелдік валютада ұсынылған заемдар бойынша несиелік берешек және мерзімі өткен берешектер қалдықтары сомасы көрсетіледі.

4. Есеп келесі жолмен жасалады.

1 бағанда 1 және 2 қосымшалар бойынша кестеге сәйкес заемдардың және заемдар бойынша жасалмаған төлемдер коды көрсетіледі.

2 бағанда заем алушыларға ұсынылған заемдар сомасының есебі және заем алушылардың банк берген заемдар бойынша негізгі борыш сомасы бойынша мерзімі өткен берешектерінің есебі жүргізілетін баланстық шоттардың сегіз таңбалы номерлері көрсетіледі.

3 бағанда 3 қосымша бойынша кестеге сәйкес несиелеу объектілерінің коды көрсетіледі.

4 бағанда 4 қосымша бойынша кестеге сәйкес кепіл түрі бойынша заемдардың коды көрсетіледі:

5 бағанда 5 қосымша бойынша кестеге сәйкес заемшылардың меншік нысандарының коды көрсетіледі.

6 бағанда 6 қосымша бойынша кестеге сәйкес заемшылардың экономикалық қызметі түрлерінің коды көрсетіледі.

7 баған – заем алушыларға ұсынылған несиелік берешек және мерзімі өткен берешек қалдықтарының сомасы көрсетіледі.

7 бағанда заемдар мен жасалмаған төлемдер кодтарының әрбір баланстық шоттары бойынша, заемдар мен жасалмаған төлемдердің әрбір коды бойынша қорытындылар және жалпы қорытынды жазылады.

Деректер есепке заемдар мен жасалмаған төлемдер кодтарының реттік тәртіппен енгізіледі. Заемдар мен жасалмаған төлемдер кодтары бойынша деректер баланстық шот нөмірлерінің өсу тәртібімен көрсетіледі.

«Заемдар бойынша нақты берешек қалдығы туралы есеп» (коды 7481201, индексі 3-СБ, мерзімі ай сайын) ведомстволық статистикалық байқаудың статистикалық нысанын толтыру жөніндегі нұсқаулыққа 1 қосымша

«Заемдар бойынша нақты берешек қалдығы туралы есеп» (коды 7481201, индексі 3-СБ, мерзімі ай сайын) ведомстволық статистикалық байқаудың статистикалық нысанын толтыру жөніндегі нұсқаулыққа 2 қосымша

«Заемдар бойынша нақты берешек қалдығы туралы есеп» (коды 7481201, индексі 3-СБ, мерзімі ай сайын) ведомстволық статистикалық байқаудың статистикалық нысанын толтыру жөніндегі нұсқаулыққа 3 қосымша

«Заемдар бойынша нақты берешек қалдығы туралы есеп» (коды 7481201, индексі 3-СБ, мерзімі ай сайын) ведомстволық статистикалық байқаудың статистикалық нысанын толтыру жөніндегі нұсқаулыққа 5 қосымша

«Заемдар бойынша нақты берешек қалдығы туралы есеп» (коды 7481201, индексі 3-СБ, мерзімі ай сайын) ведомстволық статистикалық байқаудың статистикалық нысанын толтыру жөніндегі нұсқаулыққа 6 қосымша