Ўзбекистон республикаси
КИРИШ Диссертация мавзусининг долзарблиги ва зарурати
жүктеу/скачать 1.44 Mb. Pdf көрінісі
|
| КИРИШ
Диссертация мавзусининг долзарблиги ва зарурати. Жаҳонда ўқитиш жараѐнларини технологиялаштириш, ахборот-коммуникация технологиялари воситасида таълим самарадорлигига эришиш, сифатни бошқариш парадигмасини жорий этишга алоҳида эътибор қаратиб келинмоқда. Илғор олий таълим муассасаларида табиий ва аниқ фанлар, жумладан, математика фанининг глобаллашув шароитидаги ўрни ва аҳамияти назарда тутилиб, соҳа педагогларини тайѐрлашнинг инновацион шакли сифатида блок-модулли тизимга асосланган лойиҳали ѐндашувлар хусусиятларидан фойдаланиш тенденциялари кузатилмоқда. Дунѐдаги етакчи илмий марказлар томонидан таълим технологияси, ўқув жараѐнларини лойиҳалаш ва ташкил этиш муаммоларига доир изланишлар олиб борилиб, ижобий натижаларга эришилмоқда. Мазкур тадқиқотлар таълим жараѐнини технологиялаштириш назарияси, замонавий педагогик технологиялар ва тамойиллари асосида машғулотларни лойиҳалаш андазаларини ишлаб чиқиш, шунингдек, математика фанини ўқитиш самарадорлигини ошириш мақсадига қаратилганлиги билан муҳим ўрин тутади. Мамлакатимизда фан, таълим-тарбия ва ишлаб чиқариш интеграциясини таъминлаш, олий таълим тизимини ривожлантириш, моддий-техник базасини мустаҳкамлаш, таълим шакллари ва мазмуни такомиллаштириш борасида олиб борилаѐтган ислоҳотлар ўқув жараѐнига илғор педагогик технологияларни жорий этиш имкониятларини кенгайтирмоқда. Шу билан бирга бўлажак математика фани ўқитувчиларини тайѐрлаш самарадорлигини оширишга доир тизимли ѐндашувлар, “Математика ўқитиш методикаси” ўқув фани машғулотларининг ижобий натижавийлигини таъминлаш механизми етарли эмаслиги кузатилмоқда. Ўзбекистон Республикасини янада ривожлантириш бўйича Ҳаракатлар стратегиясида “меҳнат бозорининг замонавий эҳтиѐжларига мувофиқ юқори малакали кадрлар тайѐрлаш сиѐсатини давом эттириш, олий таълим 5 муассасаларида таълим сифатини такомиллаштириш, математика каби муҳим ва талаб юқори бўлган предметларни чуқурлаштирилган тарзда ўрганиш” [2] каби устувор вазифалар белгилаб берилди. Бу борада, олий таълим муассасаларида “Математика ўқитиш методикаси” фани ўқув машғулотларини лойиҳалашнинг замонавий концепциясини белгилаш, ўқитишни ташкил этиш технологиясини инновацион моделлаштириш, методик таъминотини такомиллаштириш муҳим аҳамият касб этади. Ўзбекистон Республикаси Президентининг 2017 йил 7 февралдаги ПФ-4947-сонли “Ўзбекистон Республикасини янада ривожлантириш бўйича Ҳаракатлар стратегияси тўғрисида”ги Фармони [2], 2019 йил 17 январдаги ПФ-5635-сонли “2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Фаол инвестициялар ва ижтимоий ривожланиш йили”да амалга оширишга оид давлат дастури тўғрисида”ги Фармони [3], 2017 йил 20 апрелдаги ПҚ-2909-сонли “Олий таълим тизимини янада ривожлантириш чора-тадбирлари тўғрисида”ги [2], 2017 йил 27 июлдаги ПҚ-3151-сон “Олий маълумотли мутахассислар тайѐрлаш сифатини оширишда иқтисодиѐт соҳалари ва тармоқларининг иштирокини янада кенгайтириш чора-тадбирлари тўғрисида”ги [5] қарорлари ҳамда мазкур фаолиятга оид меъѐрий-ҳуқуқий ҳужжатларда белгиланган вазифаларни амалга оширишда мазкур диссертация тадқиқоти муайян даражада хизмат қилади. жүктеу/скачать 1.44 Mb. Достарыңызбен бөлісу:
|