1 Жер ресурстарын басқарудың теориялық негіздері
жүктеу/скачать 1.24 Mb.
|
| Қорытынды
Жер ресурстарын басқару қала және аумақтардың қолайлы дамуына, жердің пайдаланылуы мен жағдайының жақсаруына ықпал етуі керек. Сондай-ақ, жер ресурстарын басқару мемлекеттің мүддесі үшін де, белгілі бір аумақта тұратын азаматтардың мүдделері үшін де жүзеге асырылуы керек. Жер ресурстарын басқару тиімділігін арттыру -қалалардың қолайлы дамуына қажетті жағдайлардың бірі. Диплом жұмысының нәтижесінде жер ресурстарын басқарудың негізгі бағыттары қарастырылды, қала және ауыл шаруашылығы мақсатындағы жерлерді басқару әдістеріне, қала және ауыл шаруашылығы мақсатындағы жерлерді басқарудың құқықтық негіздеріне талдау жүргізілді. Қазақстан Республикасының қалаларының, соның ішінде Нұр-Сұлтан қаласының орналасуы, оның климаттық және техникалық және экономикалық көрсеткіштері талданды. Еліміздің елордасы Нұр-Сұлтан қаласы күннен күнге қарқынды даму үстінде, сондай-ақ халық санының жоғары көрсеткіші және білікті жұмыс күшінің тапшылығы жоқ. Жұмыста жерге орналастыру, жылжымайтын мүлік кадастры және жер ресурстарын басқару мониторингі деректерін қолдану туралы мәселе қаралды, сондай-ақ жердің сапалық жай-күйіне және оларды жақсарту жөніндегі іс-шараларды әзірлеуге талдау жасалды. Жалпы еліміздің қалаларының жер ресурстары жеткілікті түрде тиімді пайдаланылмайды, бұл жер ресурстарын басқару жүйесінің нарықтық экономиканың қазіргі заманғы талаптарына жауап бермейтіндігімен және кәсіпорындардың өндірісті жаңғырту, сондай-ақ жерді түбегейлі жақсарту үшін жеткілікті қаражатының болмауымен байланысты. Материалдарды зерттегеннен кейін еліміздің қалаларындағы жер ресурстарын тиімді басқару жүйелері ұсынылды: 1.Мемлекеттік бақылауды орталықтандыру принципіне негізделген ауылшаруашылық жерлерін басқару. Оның негізгі функциялары: - ауыл шаруашылығы мақсатындағы жерлерді қорға сатып алу; - жер учаскелерін жалға беру; - мемлекеттік жерлерге билік ету; - жерді жақсарту жөніндегі іс-шараларды әзірлеуге тапсырыстар; - жер ресурстарын басқару процесін ақпараттық қамтамасыз ету; консалтинг; - жер ресурстарының ұтымды пайдаланылуын бақылау болып саналады. 2.Ипотекалық несиелендіруді дамытуды қамтамасыз ететін институттарды енгізу. Жер учаскелерін кепілге салуға берілген кредиттер ұзақ мерзімді сипатта болуға, бірінші кезекте машина-трактор паркін жаңғыртуға, мал шаруашылығы объектілерін салуға, мелиорациялық желілерді дамытуға және т. б. берілуге тиіс. Қалалардағы жер ресурстарын басқарудың ұсынылған жүйесін пайдалану мемлекет субъектілерінің жер ресурстарын пайдаланудан түсетін кірістерін арттыруға, ауыл шаруашылығы мақсатындағы жерлерді пайдаланудың тиімділігін арттыруға және агроөнеркәсіптік кешенді бірінші кезектегі мақсат ретінде дамытуды ынталандыруға мүмкіндік береді. Дипломдық жұмысты аяқтай келе елдегі жер ресурстарын ұтымды пайдалануда және тиімді басқаруда мынадай ұсыныстар келтіреміз: - санаттары бойынша жер қорының құрылымын жетілдіру және нысаналы мақсат санаттарының жер құрамын экономика салаларын дамыту және қоршаған ортаны қорғау талаптарына сәйкес келтіру; - мемлекеттік жер кадастрын құру және жүргізу, оны автоматтандырылған технологияларға толық көшіру; - топырақты сақтау және қалпына келтіру, жердің жай-күйіне теріс антропогендік әсерді жою жөніндегі іс-шараларды іске асыру есебінен жердің сапалық жай-күйін жақсарту; - ауыл шаруашылығы алқаптарының шөлейттенуіне және тозуына қарсы жерді ұтымды пайдалану мен қорғау жөніндегі іс-шараларды әзірлеу мен жүзеге асыру кезінде ландшафтық экологиялық тәсілді кезең-кезеңімен іске асыру, оңтайлы жер пайдаланудың экологиялық нормативтерін енгізу; - жер ресурстарын ұтымды пайдалану мен қорғауды әлеуметтік тиімді жер нарығына және экономикалық ынталандыруға көшу. жүктеу/скачать 1.24 Mb. Достарыңызбен бөлісу:
|