«20-летие Конституции Республики Казахстан»
жүктеу/скачать 402.5 Kb.
|
- Бұл бет үшін навигация:
- Рассказ учащихся о Государственных символах РК.
Қазақстан 2050 стратегиясы: бір халық, бір ел, бір тағдыр Жарияланды 30-12-2013, 05:25 Категориясы: Тәрбие сағаты «Қазақстан - 2050» стратегиясы: бір халық – бір ел – бір тағдыр» «Бір бақыт бар – ол менің балаларым». Абай Құнанбаев Мақсаты: 1. Елбасымыздың жолдауымен таныстыру. 2. Елін, жерін Отанын сүюге, оны қорғай білуге шақыру. Көрнекілігі: үнтаспа, елбасының суреті, нақыл сөздер, шарлар. Сабақ барысы
Отан деген немене? (топтастыру) Ой қозғау:
Ал, балалар Отан, ел, жер туралы сендер қандай өлең білесіңдер? Хор: Отан. Ойын: Тез құрастыр. Ту. Елтаңба. Әнұран. Әр топқа қысқаша түсінік бергізу Ән: Көк тудың желбірегені Қорытындылау. Осымен бүгінгі алғашқы сабағымыз аяқталды. Кері қайту Материал рейтингісі: Бір халық - бір ел - бір тағдыр Жарияланды 28-09-2013, 19:42 Категориясы: Тәрбие сағаты Тәрбие сағатының тақырыбы: «Қазақстан - 2050»стратегиясы: Бір халық - бір ел - бір тағдыр. Тәрбие сағатының мақсаты: «Қазақстан - 2050» стратегиясы туралы ой бөлісу. Ел тарихы жайлы білімдерін дамыту. Оқушыларды Отанды, елді, жерді сүюге туған ел тарихын білуге, қастерлеуге тәрбиелеу. Тәрбие сағатының көрнекілігі: «Қазақстан - 2050» стратегиясы бильборды, «Астана» буклеті. Тәрбие сағатының барысы: Мұғалім сөзі: Қымбатты оқушылар, міне жаңа оқу жылының есігін биылғы жылы жаңа мектепте аштық. Сендерді жаңа оқу жылымен және Білім күнімен құттықтаймын! Бұл мереке сендер үшін мектеп қабырғасындағы соңғы, қимас күн болғалы тұр, келесі жылы дәл осы күні жоғарғы оқу орындарында боларсыңдар. Сондықтан да биылғы мектеп түлектері біздің бүгінгі өтетін «Қазақстан - 2050»стратегиясы: бір халық - бір ел - бір тағдыр» тақырыбындағы тәрбие сағатымыз сендерге үлкен ой тастар деп ойлаймын. Нұрсұлтан Назарбаев: Жастарымыз салт - дәстүрімізді көздің қарашығындай бағып жүретін, көптің көкейіне үміт отын жағып жүретін, адамзаттың озық ой көгінде ағып жүретіндей болуы тиіс, деп сендерге үлкен үміт артып, сенім білдіріп отыр. І жүргізуші: Қазақстан дейтін менің бар елім, Жатыр алып жарты дүние әлемін! Бұл даланы анам жаспен суарған, Бұл далада атам қолға ту алған Бұл далада өскен жанда жоқ арман, демекші Алтайдан Алатауға дейін ұлан – ғайыр жерді мекен еткен ата – бабаларымыз тәуелсіздікті арман еткен. Осынау кең даланы көк найзаның ұшымен, сом білектің күшімен қорғаған бабаларымыздың аманатын орындау үшін талай боздақтар жанкештілігі арқасында қол жеткізген тәуелсіз еліміз күннен күнге шарықтап дамып келеді. ІІ жүргізуші: Ия, жиырмадан жаңа асқан жас мемлекет болсақ та көп жетістіктерге жеттік. ҚАЗАҚСТАН РЕСПУБЛИКАСЫНЫҢ ПРЕЗИДЕНТІ Н. Ә. НАЗАРБАЕВТЫҢ биылғы «Қазақстан - 2050» стратегиясы қалыптасқан мемлекеттің жаңа саяси бағыты» тақырыбындағы Жолдауында жан - жақты талдап, болашаққа бағдар жасап отыр. Шықты тарап ой данадан, Бері қарады жұлдыз беті. Өзі қалап сайлап алған, Елімнің бар Президенті, - деп ақындарымыз жырға қосқандай Елбасымыз Н. Ә. Назарбаев еліміздің дамуы мен халықаралық деңгейге көтерілуі үшін бар еңбегін аямады. «ЭКСПО көрмесі - жаһандық ауқымдағы оқиға. Ол маңыздылығы жағынан ірі экономикалық форумдармен, туристік тартымдылығы бойынша әлемдегі ең танымал спорттық ойындармен салыстыруға болады. Көрме біздің елімізге ірі инвестиция тартуға мүмкіндік туғызады. Сондай - ақ ЭКСПО көрмесін өткізу арқылы Қазақстан «жасыл экономиканы» дамытуға тікелей септігін тигізетін жаңа технология мен инновация алады, - деген сенімде Мемлекет басшысы. Балалар Елбасымыздың жүргізіп отырған сарабдал саясаты туралы қандай ой айтасыңдар? І жүргізуші Теңдікті бостандықты иеленгендер. Халқымның мақтанышы – алып тұлға, Әлемнің назары ауды Ақ ордаға Бәйтерек – көкке қолын созып тұрған, Ұқсайды менің асқақ арманыма. Елбасымыз өз Жолдауында «Жаңа қазақстандық патриотизм - біздің көпұлтты және көпконфессиялы қоғамымыз табысының негізі» деп осы мәселе төңірегінде үлкен ой қозғады. Болашаққа деген сенім болмаса, толыққанды мемлекет құруға болмайды. Мемлекет пен азаматтың мақсаттары барлық бағыттар бойынша сәйкес келуі өмірлік тұрғыдан маңызды. Мемлекеттің басты міндеті де осы. Өз бойымызда және балаларымыздың бойында жаңа қазақстандық патриотизмді тәрбиелеуіміз керек. Бұл ең алдымен елге және оның игіліктеріне деген мақтаныш сезімін ұялатады. Тәуелсіздік - тірегім алмас үнді,
ІІ жүргізуші: Бір ата, бір ананың түлегіміз Бір болсын қайда жүрсек тілегіміз « Бірлік барда тірлік бар» деген бабам Бірлік деп бірге соқсын жүрегіміз! Бүгінгі тақырыпта көрсетілген «бір халық - бір ел - бір тағдыр» түсінігі бойынша сөз қозғасақ, Жолдауда айтылғандай, біз - бәріміз тең құқықты, тең мүмкіндіктерді иеленген қазақстандықтармыз. Біз - көпұлтты қоғамбыз. Мемлекетте бәрі де тең болуға тиіс. Этностық немесе басқа да белгілер бойынша жақсы немесе жаман деген болмауға тиіс. Қазақстан - біздің қасиетті мекеніміз. Еліміздің дамуына барша ұлт пен ұлыс өкілдері бірге үлес қосты. Барлық ұлт өкілдерімен тіл табысып, тату - тәтті, бейбітшілік пен келісімде өмір сүру - барша қазақтың басты қағидасы болуы шарт Біз көппіз және бәріміз - бір Елміз, бір халықпыз. Ал достар бұл жайында сендер не айтасыңдар? І жүргізуші: Көз қуанып күн сайын көркеміне, Көңіліміз сенеді ертеңіне Қазақстан – алып ел, төрі Астана, Таңым ғана лайық ел төріне Ел болдық ерік алдық астаналы, Енді кімнен қазағым жасқанады? Тәуелсіз мемлекеттің шежіресі, Нұрсұлтанның атымен басталады Еліміздің әр жылғы жеткен табыстары мен жетістіктерінде Елбасымыздың ерен еңбегі байқалады. Елбасы өз сөзінде: « Болашақтың Қазақстанын мен қалай елестетемін? Мен 2050 жылғы қазақстандықтар - үш тілде сөйлейтін білімді, еркін адамдардың қоғамы екеніне толық сенімдімін. Олар - әлемнің азаматтары. Олар саяхаттап жүреді. Олар жаңа білім меңгеруге құштар. Олар еңбексүйгіш. Олар - өз елінің патриоттары» деп айтқан. Болашақтың иесі бүгінгі жас ұрпақ болашақты қалай елестетеді екен? ІІ жүргізуші: Көк жүзінде қалықтаған қыранмын, Бейбітшілік пен бостандық жыр - әнім Самғап жүрсек бостандықта биікте Шарықтайды кең көлемде бұл әнім Бақтың құсы әр адамға қонып бір, О, Тәңірім, бізді баққа жолықтыр... Бүгін міне, Тәуелсіздік ағайын, Әр қазақтың жүрегі боп соғып тұр! І жүргізуші: Тәуелсіз Қазақстанның өсуі мен көркеюіне, бүкіл әлемге танылуына бар күш жігерін аямай, ел тыныштығын сақтай отырып, дұрыс бағыт бағдар көрсетіп келген Елбасымыздың еңбегі ерен. Халқына арнаған Жолдауында аға ұрпақпен қатар жас ұрпаққа ерекше үміт артып: «Ал кейінгі толқын жастарға айтарым: Сендер - болашаққа деген үкілі үмітіміздің тірегісіңдер. Біздің бүгінгі атқарып жатқан қыруар шаруаларымыз тек сендер үшін жасалуда. Сендер тәуелсіз Қазақ елінің перзенттерісіңдер. Тәуелсіз елде туып, тәуелсіз елде тәрбие алдыңдар. Сендердің азат ойларың мен кемел білімдерің - елімізді қазір бізге көз жетпес алыста, қол жетпес қиянда көрінетін тың мақсаттарға апаратын құдіретті күш. Мен барша халқымды жарқын болашаққа жол бастайтын адамзат баласының мәңгілік құндылықтары - ерік - жігер мен еңбексүйгіштік, мақсаткерлік қасиеттерді бойға сіңіруге шақырамын. Мен 21 - ғасыр Қазақстанның «алтын ғасыры» боларына сенемін» деп атап өтті. ІІ жүргізуші: Ия, еліміздің ертеңі бүгінгі жас ұрпақ. Ендеше, тәуелсіз қазақ елінің ұланы біз ертеңгі елдің тұтқасын ұстар азамат екендігімізді ұмытпайық! Елбасымыздың, еліміздің бізге артқан сенімін ақтауға лайық болайық. Ол үшін білім алуға, тәрбие үйренуге, жамандықтан алақ болып, жақсылыққа құштар, салауатты өмір салтын сақтайтын азамат болуға күш жұмсайық. Бүгінгі сабағымыздағы түйген ойларымызды болашақта есте ұстап, іске асыруға шақырамын. Қорытынды мұғалім сөзі: қымбатты балалар, бүгінгі «Қазақстан - 2050»стратегиясы: бір халық - бір ел - бір тағдыр» тақырыбында көп мәселе қамтылып өтті. Ия, өздерің айтқандай ел тағдыры сендердің қолдарыңда. Бейбіт өмірдің қадірін түсінетін, оны сақтай білетін, ата аманатын орындайтын азамат болуларыңа тілектеспін. «Қазақстан-2050» стратегиясы: бір халық - бір ел - бір тағдыр
І. Қалыптасқан Қазақстан ІІ. ХХІ ғ. он жаһандық сын қатері ІІІ. Қазақстан - 2050 стратегиясы – тым құбылмалы тарихи жағдайындағы жаңа Қазақстан үшін саяси бағыт Мұғалім: Міне оқушылар біздер елімізбен мақтанамыз. Бұл еркіндік оңайлықпен келген жоқ. Қазақ елі еркіндікке жету үшін қаншама қиын - қыстау кезеңдерді бастан кешірді. Мыңдаған жылдық тарихы бар. Қазақстан тәуелсіздік алды. Астанадағы Бейбітшілік және келісім сарайында Қазақстан халқы Ассамблеясының мерейтойлық ХХ сессиясы өтті. Сессияда Елбасы Қазақстан халқы Ассамблеясын «Бүкіл халықтық өкілдік!» деп атады. Көреген Ұлт Көшбасшысының ұлы мақсатын сессияның аты да әйгілеп тұр: «Қазақстан - 2050» Стратегиясы: бір халық – бір ел – бір тағдыр»!
Бір халық - бір ел - бір тағдыр Жарияланды 29-08-2013, 17:03 Категориясы: Тәрбие сағаты Тақырыбы: «Бір халық – бір ел – бір тағдыр» Мақсаты: Оқушыларға өз Отанын сүюге, ынтымақтастыққа, бірлікке, ел тарихын білуге, елімізді өркендетуге, білімді ұрпақ болуға тәрбиелеу. Көрнекілігі: Қазақстан туралы слайд, нақыл сөздер, бейнетаспа Оқушылар 4 топқа бөлінеді Жүру барысы: Ұйымдастыру бөлімі. Бейнетаспадан Астанадағы Бейбітшілік және келісім сарайында Қазақстан халқы Ассамблеясының мерейтойлық ХХ сессиясынан көрініс көрсетіледі. Мұғалім сөзі. Қасиетті қазақ жерін тең бесік етіп бейбітшілікке бөлеген Қазақстан халқы Ассамблеясы биыл кәмелетке толды. Ел тәуелсіздігінің ең жауапты кезеңінде бірлігіміздің бастауы деп қолымызбен құрған Ассамблея дүниеге келгеніне 18 жыл болды. Осы аралықта ол өзінің өміршеңдігін көрсетіп, біздің бейбіт қоғамның ажырамас бөлігіне айналды» деген Елбасы, елдіктің өлшемі, тұрақтылықтың тұтқасы болған ҚХА - ның мерейтойлық ХХ сессиясын «Бір халық – бір ел – бір тағдыр» деп аталуының мәніне тоқталды. Ал сіздер осы атаудың мәнін түсіндіріп көріңдерші. (әр топтан оқушының ойы тыңдалады.) Мұғалім: Ендеше, бүгінгі алғашқы сабағымызды осы тақырыпқа арнаймыз. Елбасы сессияда сөйлеген өз сөзінде: «Бір халық» – бұл барлығымыз үшін ортақ ұлттық мүдделер, «Бір ел», бұл – барлығымыз үшін ортақ Отан. «Бір тағдыр», бұл – біз бірге жүріп өткен қиындықтар мен жеңістер! Міне, қазақстандық қоғамдық келісімді шайқалтпай ұстап тұратын табаны таудай үш таған. Қоғамдық келісімсіз мемлекет бір адым да ілгері жылжи алмайды деді. Елбасы мынаны баса айтты: «Қазақстандағы қоғамдық келісім, ең алдымен, қазақтың келісімі екендігін мықтап есте сақтаған абзал. Қазақтың ынтымағы мен бірлігі мықты болмайынша, мемлекеттің тұтастық келбетін сақтау мүмкін емес». Ендеше, Ассамблея – барша қазақстандықтың мүддесі! - деген болатын. Біз: «Мен – қазақстандықпын, өз елімде мен үшін барлық есік ашық!» – деп айта алатын әділетті қоғам құрып жатырмыз. Біз көппіз және бәріміз – бір Елміз, бір халықпыз. Өз еліне пайдасын тигізу, өз Отанының тағдырына жауапты болу – әрбір жауапты саясаткер үшін, әрбір қазақстандық үшін парыз және абырой. «Менің отаным - Қазақстан» атты видеоролик көрсетіледі. Мұғалім әр топқа «Бала», «Ана», «Білім», «Денсаулық» сөздерін іледі. Осы сөздерді: «Қазақстан - 2050» стратегиясымен байланыстырып өз ойларын ортаға салады. 1 - ші топ: Елбасы Жолдауында өмірдің баға жетпес құндылығы – балаға, бала тәрбиесіне, болашағына көп көңіл бөліп отыр. Отбасы, әке мен бала, бала мен ана мәселесіне –«Бала тәрбиелеу - болашаққа үлкен инвестиция» деуінде үлкен мән жатыр. Бұның барлығы ұлттық құндылықтарды сақтап, дамытуға бағытталған әрекет. Адамзат өзінің байырғы құндылықтарынан ажырамауы үшін ат салысып, адамдарды ізгілік пен қамқорлыққа шақыруы көңілге қонымды. 2 - ші топ: Отағасының серігі отанасы демекші Елбасы Жолдауында әлеуметтегі әйел адамның рөлі, оның келешегі жөнінде айтылған. Әйел адам ең алдымен - ана. Ал ана - отбасы, мемлекет шамшырағы. Қыз баланы – ұлттық дәстүрде тәрбиелеп, құрметтеу керектігін, оны зорлық – зомбылықтан сақтау, заманға сай білім алып, кейін қызмет етуіне құқылы екендігі айтылған. Баланы жалғыз тәрбиелеп жатқан аналарға көмек көрсету, олар үшін икемді еңбек түрлерін қалыптастырып, үйде жұмыс жасауларына жағдай туғызу перспективасы қуантады. 3 - ші топ: Білім - барлық уақытта жоғары құндылықтардың бірі болған. Тек білімді, сауатты адам ғана келешек тізгінін қолына ала алады. Осыны ескере отырып Елбасы Н. Назарбаев өз Жолдауында Қазақстан Республикасының Білім беру жүйесін әрі қарай дамыту, жетілдіру жоспарын құрып, көптеген мақсаттарда көздеп отыр. Олар: инженерлік білім беруді және заманауи техникалық мамандықтар жүйесін дамыту, оқыту әдістемелерін жаңғырту, елімізге қажетті технологиялар трансферті мен оларды қолдану үшін мамандарды оқыту. Бүгінгі ұрпақ білімді болса, ел ертеңі жарқын болмақ. 4 - ші топ: Президент Жолдауының «Ұлт денсаулығы - біздің табысты болашағымыздың негізі» тарауында Қазақстан халқының денсаулығын сақтау, балаларымыздың денсаулығын қамтамасыз ету ісіне жаңа тәсілдер енгізу мәселесі, ауылдағы медициналық қызметтердің сапасын арттыру көзделген. Бұл Жолдаудың іске асырылуы – Қазақстан Республикасын әлемнің дамыған мемлекеттерінің қатарына шығаратыны сөзсіз. Қорытынды: - Жолдау туралы не түйдің? Мұғалім сөзі: Мемлекет басшысының айтуынша, ел иесі ретінде қазақ халқы да ешкімге шетқақпайлық көрсетпестен, ұлтына, тілі мен дініне қарамай барша этнос өкілдерінің теңдігін, Ата Заңды айқындадық. «Қазақстан – 2050» Стратегиясын қабылдадық. Ал Елбасының тапсырмасымен дайындалған Қазақстан халқы Ассамблеясының 2020 жылға дейінгі даму тұжырымдамасы да айрықша маңызды құжат болып табылады.. Алдымызда үлкен жоспарлар тұр. Оларды жүзеге асыру жаһандық өзгерістердің күрделі жағдайында жүретін болады. Оған бүгіннен бастап дайын болып, халық бірлігін барлық күш - жігермен нығайту қажет. Өйткені, біз бір халықпыз – бір елміз – бір тағдырмыз!» – деп түйіндеді сөзін мемлекет басшысы. Ендеше осыған бәріміз де дайын болуымыз керек. Елбасы Жолдауы – халықтың қолдауы! Жарияланды 1-04-2014, 23:04 Категориясы: Тәрбие сағаты Сабақтың тақырыбы: «Елбасы Жолдауы – халықтың қолдауы!» Сабақтың мақсаты: Қазақстан Республикасының Президенті Н. Ә. Назарбаевтың Қазақстан халқына жолдаған жолдауының отансүйгіштікке, патриоттық сезім арқылы оқушылардың бойына дарыту. Елбасы жолдауының біздің қоғамыңызда ғы маңыздылығын түсіну. Сабақтың барысы: 1. Ұйымдастыру кезеңі: оқушыларды топқа бөлу. 2. Дидактикалық кезең. Ой қозғау, толғандыру. Оқушының танымдық мотивациялық үлесін арттыру үшін. Әр тапсырмадан кейін «соңғы сөзді мен айтайын»... мұғалім қорытындылап отырады. 3. Көрнекілігі: интерактивті тақтаны пайдалану, слайдтар, газеттер, әуен. 4. Әзірлеу кезеңі: кластер әдісі, ой қозғау, пікір - талас. 5 Қорытынды «Қазақстан - 2050» – Мәңгілік Елге бастайтын ең абыройлы, ең мәртебелі жол. Осы жолдан айнымайық, қадірлі халқым! Әрбір күніміз мерекелі, әрбір ісіміз берекелі болсын! Дамуымыз жедел, келешегіміз кемел болсын! Жарқын іспен күллі әлемді таң қылып, Жасай берсін Елдігіміз Мәңгілік! Кіріспе: мұғалімнің сөзі Елбасы Жолдауында өмірдің баға жетпес құндылығы – балаға, бала тәрбиесіне, болашағына көп көңіл бөліп отыр. Отбасы, әке мен бала, бала мен ана мәселесіне –«Бала тәрбиелеу - болашаққа үлкен инвестиция» деуінде үлкен мән жатыр. Бұның барлығы ұлттық құндылықтарды сақтап, дамытуға бағытталған әрекет. Адамзат өзінің байырғы құндылықтарынан ажырамауы үшін ат салысып, адамдарды ізгілік пен қамқорлыққа шақыруы көңілге қонымды. Білім - барлық уақытта жоғары құндылықтардың бірі болған. Тек білімді, сауатты адам ғана келешек тізгінін қолына ала алады. Осыны ескере отырып Елбасы Н. Назарбаев өз Жолдауында Қазақстан Республикасының Білім беру жүйесін әрі қарай дамыту, жетілдіру жоспарын құрып, көптеген мақсаттарда көздеп отыр. Олар: инженерлік білім беруді және заманауи техникалық мамандықтар жүйесін дамыту, оқыту әдістемелерін жаңғырту, елімізге қажетті технологиялар трансферті мен оларды қолдану үшін мамандарды оқыту. Бүгінгі ұрпақ білімді болса, ел ертеңі жарқын болмақ. Назар аударыңыз! Жасырын мәтінді көру үшін сізге сайтқа тіркелу қажет. «Қазақстан-2050» стратегиясы: бір халық-бір ел, бір тағдыр Жарияланды 26-03-2014, 15:00 Категориясы: Тәрбие сағаты Тақырыбы: «Қазақстан - 2050» стратегиясы: бір халық - бір ел, бір тағдыр. Мақсаты: Қазақстан Республикасының болашақ азаматы ретінде оқушының бойында мемлекетіміздің болашағына деген дұрыс көзқарас қалыптастырып және елбасының өмірі мен еңбегін үлгі тұту туралы бағыт бағдар беру. Осы елдің азаматы ретінде мемлекетіміздің ішкі - сыртқы жағдайлармен үнемі танысып отыруға бейімдеу. Өз ойларын ашық айта алу дағдысын қалыптастыру. Ұлтжандылыққа, ауызбірлікке, адалдыққа, бірлікке, достыққа, шыншылдыққа өз көзқарасын дұрыс бағыттай білуге тәрбиелеу. Түрі: Сұрақ - жауап, пікір талас Көрнекілігі: Суреттер, буклеттер, шар, елбасының суреттері, слайд. 1. Мемлекеттік әнұран орындалады. 1. Кіріспе. ҚАЗАҚСТАН РЕСПУБЛИКАСЫНЫҢ ПРЕЗИДЕНТІ – ЕЛБАСЫ Н. Ә. НАЗАРБАЕВТЫҢ ҚАЗАҚСТАН ХАЛҚЫНА ЖОЛДАУЫ. «Қазақстан - 2050» Стратегиясы қалыптасқан мемлекеттің жаңа саяси бағыты Оқушыларға Стратегиясы жайында балаларға түсіндіріп өту: Бүгінде Елбасымыздың жолдауы белсенді талқылануда. Елбасы жолдауы - қалың бұқараны сара жолға салатын жол. «Стратегиялық жолдау дегеніміз - Қазақстан Республикасының әлеуметтік - экономикалық даму деңгейін арттыруға, азаматтардың әл - ауқатының өсуіне және ел қауіпсіздігін нығайтуға бағытталған ұзақ және қысқа мерзімді бағдарламалар жинағы. 1 - оқушы Халқым күткен Елбасының жолдауын, Елбасымыз күткен Елдің қолдауын. Бізге керек түсіністік, парасат, Бәрі осы бүгін айтар толғауым. Елбасының ойлайтыны - ел қамы, Зиялы елді тебіренту - толғамы. Қазақ деген елге керек әрдайым Ерен бірлік, ынтымақтың болғаны. Біздің басты мақсатымыз – 2050 жылға қарай мықты мемлекеттің, дамыған экономиканың және жалпыға ортақ еңбектің негізінде берекелі қоғам құру. Мықты мемлекет экономикалық жедел өсу жағдайын қамтамасыз ету үшін аса маңызды болмақ. Мықты мемлекет күнкөріс саясатымен емес, жоспарлау саясатымен, ұзақмерзімді дамумен және экономикалық өсумен айналысады. Қазақстан 2050 жылға қарай әлемнің ең дамыған отыз елінің қатарында болуға тиіс. Дамушы елдер арасында осы клубтағы орынға бәсекелестік қатал болмақ. Күн астындағы орын тек ең мықтыларға арналғанын нақты сезіне отырып, ұлтымыз жаһандық экономикалық тайталасқа дайын болуға тиіс. Біз бірінші дәрежедегі мақсаттарымызды назардан шығармастан, нысаналы әрі шабытты жұмыс істеуіміз керек: Олай болса сіздерге қояр бірнеше сұрағым бар: 2. «Егер мен болсам?» 1. Елбасы болсаң қандай үлес қосар едің? 2. Салық саясатына қандай үлес қосар едің? 3. Табиғат ресурстарына қандай үлес қосар едің? 4. Ауыл шаруашылығын жаңғырту қандай үлес қосар едің? 5. Су ресурстарына қандай үлес қосар едің? 6. Жұмыспен қамту және еңбек саясатын жаңғыртуда қандай үлес қосар едің? 7. Денсаулықты қорғауда қандай үлес қосар едің? 8. Баланы қорғауда қандай үлес қосар едің? 9. Ауылда медициналық қызмет көрсетудің сапасына қандай үлес қосар едің? 10. Спорт саласына қандай үлес қосар едің? 11. Білім беру жүйесін қандай үлес қосар едің? 12. Қазақ тілін дамытуға қандай үлес қосар едің? 13.«Балапан» бағдарламасына қандай үлес қосар едің? 14. Жемқорлыққа қарсы күреске қандай үлес қосар едің? 15. Ауыл әкімі болсаң қандай үлес қосар едің? 2. «Халық достығы». Қазақстан халқы Ассамблеясы Қазақстан халқы Ассамблеясы Қазақстан Республикасы Президенті жанындағы кеңеші орган. Ассамблея Қазақстан Республикасы Президентінің «Қазақстан халықтары Ассамблеясын құру туралы» Жарлығымен елдегі қоғамдық тұрақтылық пен ұлтаралық келсімді нығайту мақсатында 1995жылы 1наурызда құрылды. Ассамблея тілдер мен ұлттық мәдениеттерді, салт - дәстүрлерді қайта жаңғырту және насихаттау; отансүйгіштікті қалыптастыру; ұлтаралық татулық пен келсімді нығайту; Қазақстанды мекен еткен ұлт өкілдері арасында достық қарым - қатынастардың дамуына негіз болатын мемлекттік саясат жүргізу жөнінде ұсыныстар дайындау ісімен айналысады. ҚР Президентінің респулика азаматтарының құқыұтары мен бостандықтарын қорғау кепілі ретіндегі қызметіне атсалысады. Қазақстан Республикасының тұңғыш Презинденті Ассамблеяның ғұмырлық Төрағасы болып табылады. Достық бізге тым ыстық, Бірлік - байлық, ырыс - құт. Жарқырасын күніміз, Жаса, жаса, тыныштық Балалар, «Бірлік» дегеніміз не? Қалай түсінеміз? «Бірлік гүлін» құрастырайық.(Балалар қолында жазылған гүл жапырақшалары: келісім, қосылу, достық, үміт, бейбітшілік, қайырымдылық). Назар аударыңыз! Жасырын мәтінді көру үшін сізге сайтқа тіркелу қажет. Менің Отаным – Тәуелсіз Қазақстан тәрбие сағаты Тақырыбы: «Менің Отаным – Тәуелсіз Қазақстан» Мақсаты: 1) Оқушыларды елін сүюге, Отанға деген мақтаныш сезімін арттыруға, еліміздің тәуелсіздігінің паш ететін түрлі тарихи оқиғаларды зерделей отырып, егемен елімізге қамқор болу, мемлекетімізді одан әрі нығайту, еліміздің ертеңі жастардың қолында екенін ұғындыру. 2)Оқушыларға патриоттық тәрбие беру. Еліне, Отанына, туған жеріне деген сүйіспеншілігін арттыру. 3) Оқушылардың өз бетінше ізденуін қадағалу және білімдерін жетілдіру. Сабақтың түрі: Сайыс сабақ Пәнаралық байланыс: әдебиеттік оқу, қазақ тілі, орыс тілі, ағылшын тілі, математика, дүниетану. Көрнекілігі: тақырып жазылған плакат, суреттер, шарлар Әнұран орындалады Кіріспе бөлім. Әнұран орындалады. Мұғалім: Армысыздар, құрметті ұстаздар мен тәуелсіз еліміздің ұлағатты ұрпақтары.Талай ғасырлар бойы ата-бабаларымыз еркіндік пен тәуелсіздік таңын аңсап келген. Иншалла олар көксеген арманға ХХ ғасырдың соңына қарай қол жеткіздік. Соның арқасында бүгінгі таңда өз бағыт-бағдарын ұстанған, өркениет елдер мойындаған жеке мемлекетке айналдық. Биыл тәуелсіздігімізге 22 жыл. Танғажайып атында дәл табылды, Табылда талай жұртқа танылды, Туған елім, көкке жетті көк туын Сен, Тәуелсіз мемлекетсін кәдімгі! Біздің Қазақстан егеменді ел, тәуелсіз мемлекет. Біздің егеменді еліміздің тәуелсіздік алғанына 22 жыл болып қалды. Балалар, сендер Тәуелсіздік алдық дегенді қалай түсінесіңдер? (балалар жауабы: Тәуелсіздік алдық дегеніміз – өзіміздің жеріміз, еліміз, теңдігіміз, Туымыз, Елтанбамыз, Әнұранымыз, теңгеміз бар). Мүғалім: Дүрыс айтасындар, балалар. Ал Тәуелсіздік мерекесіне арналған қандай тақпақ білесіңдер? Карина:Бабамның да арманы, Осы еді ғой аңсаған, Тәуелсіздік тандары Бақ береді баршаға Сания: Көк туымды қолыма Бүгін берік ұстадым Түсті бақыт жолыма Менің Қазақстаным! Мүғалім: Біздің Қазақстанда көп ұлттар тұрады. Олар қалай тұрады екен? (балалар жауабы: Олар бір — бірімен дос, тату тұрады.) Аруана: Ортақ бізге бір Отан, Төбемізде бір аспан Барлық ұлттын баласы Достығымыз жараскан. Мүғалім: Әр мемлекеттің өзінің елбасшысы бар. Біздің Қазақстанның елбасы кім? (балалар жауабы) Ерасыл: Елімде бейбіт тыныш заман болсың, Тілеймің әр адамға бақыт қонсын, Елімнің ел ағасы, елбасшысы Нұрсұлтан Назарбаев аман болсын! Мүғалім: Әр мемлекеттің өзінің белгілері бар. Балалар, сендер сүйікті Отанымыздың қасиетті белгілерін, рәміздерін білесіңдер ме? (балалар жауабы) Дүрыс, мемлекеттін рәміздері: елтанба (герб), ту (флаг), әнүран (гимн) жатады. Осы рәміздер туралы жеке түсінік берейік. Мынау Қазақстан Республикасының туы. Тудың түсі аспанның түсіне ұқсайды – көк, ортасында күн шуағы. Астында қыран құс ұшып келе жатыр. Қазақстанда тұратын барлық халықтардың өмірі күндей жарқырап, қырандай самғай берсін дегені. Қазақстан Республикасының Мемлекеттік туының авторы сүретші Шәкен Ниязбеков. Елдана: Айнымайды аспаннан Біздің тудың бояуы, Оны халық қашанда Биікке іліп қояды Мүғалім: Қазақстан Республикасының Мемлекеттік елтанбасы. Елтанбаның орталық элементі — шаңырақ. Шаңырақ бастауы – отбасы ошағын бейнелейді. Қанатты тұлпар – мәнгілік өмір, болашақ үміт артар жасұрпақтың арманы, самғау биігі. Елтанба төбесінде бес бұрышты жұлдыз бар. Әр адамның өмірінде жол көрсетер өз жұлдызы болады. Мемлекеттің де осындай жұлдызы болуы керек. Елтанбаның төменгі жағында «Қазақстан» деген жазу бар. Қазақстан Республикасының Мемлекеттік елтанбасының авторлары сәулетшілер Шота Уалиханов пен Жандарбек Мәлибеков. Сұлтан: Елтанбасы елімнің Неткен әйбат, әдемі. Тұнығындай көңілдің Ортада аспан әлемі! Құт, береке шаңырақ Орын алған ол төрден. Қанатты қос арғымақ Екі жақтан көмкерген. Мүғалім: Ал Қазақстан Республикасының Мемлекеттік әнұранының сөзін жазғандар: Жұмекен Нәжімеденов, Нүрсүлтан Назарбаев, әнің жазған Шәмші Қалдаяқов. Сания: Әнұраны елімнің Шақырады бірлікке. Егеменді халқымның Болашағы бірлікте. Осыған байланысты оның қадір-қасиетін оқушылар бойына сіңіру, ұғындыру мақсатында «Менің Отаным – Тәуелсіз Қазақстан» атты ашық тәрбие сағатын өткізіп отырмыз. Тәрбие сағатымыз сайыс түрінде өтеді. Сайысымыздың шарттарымен таныс болайық. Сайыстың шарттары: 1. Мақал-мәтел айту 2. Бәйге 3. Поэзия минуты 4. Үй тапсырмасы 5. Қызықты алтылық 6. Тілек айту Тәуелсіздік жолында талай жандар құрбан болып, елім деп еңіреп өткені белгілі. Талай кезең қиын-қыстау, қуғын-сүргінді ата-бабаларымыз басынан кешті. Қазақстан Республикасының президенті Н.Ә.Назарбаев: «Біз Қазақстанның тәуелсіздігінің оңайлықпен келмегенін біліп оны қадірлеуіміз керек. Әрбір Қазақстанның азаматы мақтанышпен Елтаңбаны, Әнұранды, Туды көтеруі керек. Әрбір азамат өз Отаны үшін еңбек етуге, жанын қиюға міндетті»-деген. Туған жердей жат жердің болмайтыны – ақиқат, Оған көңілің ешқашан толмайтыны – ақиқат. Алтын торда алтын құс өсірсең де, бұлбұл құс Өскен бағы болмаса, қонбайтыны – ақиқат, - деп сайысымызды бастаймыз. І бөлім. Біздің халқымызда атамекенді ардақтау сезімі өте терең, олар үшін туған жерді қасиет тұту қанға сіңген мінез,ежелгі дәстүр.Бұл таным жанымызға ана сүтімен тараған, ана тілімен дарыған. Біздің мақал-мәтелдеріміз, нақыл сөздеріміз туған жерді, Отанды ардақтауға толы. Алғашқы сайысымыз мақал-мәтел айту. (Туған жер, Отан, батырлық, ерлік туралы өздеріңіздің дайындап келген мақал-мәтелдеріңізді айтыңыздар). ІІ бөлім. Бәйге. (Сұрақ-жауап) 1. Қазақстанның астаналары болған қалаларды ата. 1919-1925жж .Қазақстанның астанасы-Орынбор қаласы, 1925-1929жж. Қызылорда қаласы. 1929-1997жж. Алматы қаласы. 1997ж. Ақмола қаласы Астана атанды. 1998ж . Ақмола атауы Астана болып өзгертілді. Мұғалім: Бүгін әрбір мемлекеттің ғасырлық тарихына байланысты рәміздер бар. Мемлекеттік рәміздер бұл халық бірлігінің белгілері. Қазақстан Республикасының да өз рәміздері бар. Мемлекеттік рәміздерді құрметтеу - әрбір азаматтың міндеті. 2.Мемлекеттік рәміздерді атаңыз. 3.Тудың авторын атаңыз. 4.Елтаңбаның авторы кім? 5.Әнұранның сөзі мен әнін кімдер жазған? (Сөзі:Жұмекен Нәжімеденов, Нұрсұлтан Назарбаев. Әні: Шәмші Қалдаяқов) 6.Қазақстан қашан тәуелсіз ел болды? (1991 жылы 16 желтоқсан) 7.Ұлттық валютаны айтыңыз? (теңге) 8.Ата заңымыз қашан қабылданды, биыл неше жыл? (1995ж.30тамызда,16 жыл) 9.Республика күнін айтыңыз.(25 қазан) 10.Алматының орталық алаңындағы «Тәуелсіздік монументі» ескерткіші қай жылы, кім үшін қойылған, ол туралы не білесіз? (1996ж. 16 желтоқсанда). ІІІ бөлім.Поэзия минуты. Өз елін мақтанышпен жырлаған ақын –жазушылар қаншама?! Келесі сайысымызда оқушылар өлеңді мәнерлеп оқу бойынша бақ сынасады. IV бөлім. Өткен жылдар қандай ерекшеліктерімен есімізде қалды? «Республикамыз 22 жыл ішінде қандай хетістіктерге жетті» тақырыбы төңірегінде дайындалып келген үй тапсырмалары бойынша сайысымызды бастаймыз. V бөлім. Қызықты алтылық 1. 1986 жылы болған «Желтоқсан оқиғасының» болу себебі? 2. Тіл туралы заң қашан қабылданды? Қанша баптан,қанша тараудан тұрады? (1989ж. 22 қыркүйек) 3. (5 асыл іс, 5 дұшпанды атаңыз) 4. Сөйлемді аудару. Мен Жарлы ауылында тұрамын. 5. Сөйлемді аудару. Мен туған жерімді жақсы көремін. 6. 16.12.1991 жыл нені білдіреді VІ бөлім. «ХХІ ғасырға ақ тілек» бұл бөлімде оқушылар өз тілектерін арнайды. Хормен: Қазақстан – елім менің, Қазақстан – жерім менің, Саған арнап айтылады Сүйікті әнім менің. Хор: Ән айту Ұланымын елімнің Қорытынды: Жеңімпаздарды анықтап, марапаттау. Тәуелсіз Қазақстан – ұлы Отаным, Көк туымды қалайша құлатармын. Тып-тыныш тұрып жатқан жайымыз бар, Бәріміз баласындай бір атаның. Елімізде бақ-береке, ырыс болсын, Қызыл тілім қанжардай қылыш болсын. Халқымның ахуалы дұрыс болсын Балалар, естеріңде болсын Қазақстан Республикасының рәміздерін, мемлекеттік тілің кұрметтеу керек, өз еліңді, жеріңді қорғау керек, халқына адал еңбек ету керек.Сонда ғана – ақ азамат, азаматша болып ер жетесіңдер. Туған тілді білу парыз. Туған жерді сүю парыз. Отанды қорғау парыз. Отанымыз әрқашанда тыныш болсын! – деп «Менің Отаным – Тәуелсіз Қазақстан» атты ашық тәрбие сағатымызды аяқтаймыз. жүктеу/скачать 402.5 Kb. Достарыңызбен бөлісу:
|